Zẹkaraya 8:16 - Ika

¹⁶ “Ka lee ni ihiẹn ndị ụnụ k'e mẹ: A gwa nị ibe ụnụ ezioku; a han nị ezigbo eṅẹn imẹ ọgwa ụnụ ile — eṅẹn udọn gi a rị;

Zẹkaraya 8:16 ပူးပေါင်းရင်းမြစ်များ

Ẹbụ-ọma 15:2

Onyẹ hụn e bi obibi nwọnlẹni nkọrịanị — hụn e mẹsọnmẹ ezi-omumẹ, hụn e gi akpakalị obi ẹ ile e ku ezioku;

Ẹbụ-ọma 34:15

Ẹnya Osolobuẹ rị ebe ndị ezi-omumẹ rị, ntịn a rị ẹkwan wẹ;

Itẹn 12:17

Ezigbo ọshẹri e ku ihiẹn mẹni, kanị ọshẹri-ntụ e ku ihiẹn mẹlẹni.

Itẹn 12:19

Ọnụ e ku ezioku a tọ jẹnrin-ejẹn, kanị ire a tụ ntụ a tọhụ ẹkẹrẹ sụọ.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Izikẹlụ 18:8

omẹni ara zinye egho makẹni ọ chọkọ ọmụnịnwa mọbụ nadẹ ọmụnịnwa kaka; omẹni ara bu ẹka che eje-ihiẹn, omẹni ara gbeyeni ịhịan;

Izikẹlụ 45:9

“ ‘Osolobuẹ nwọn ihiẹn ile sị: O highọnị ụnụ ndị-ọkịkị Izrẹlụ! Kụsị nị ẹka-ikẹn lẹ mmẹgbu ụnụ! E mẹ ni ihiẹn rị mma lẹ ihiẹn furuni. Anapụzịlẹ ni ndị nke m ihiẹn wẹ. Ya kẹ Osolobuẹ Nwọn Ihiẹn Ile ku.

Lẹvitikọsụ 19:11

“Ezunlẹ ni ohin. “Atụlẹ ni ntụ. “Edufielẹ ni ibe ụnụ.

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Emọsụ 5:24

“Kama, nị nị ezigbo eṅẹn humẹ kẹ mirin, ezi-omumẹ ya humẹ kẹ mirin iyi ghalẹni a tahị.

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Zẹfanaya 3:13

Ndị Izrẹlụ k'a họdụnị emẹkọ eje-ihiẹn; atụkọ wẹ ntụ; anụkọ wẹ ihiẹn wụlẹni ezioku ọnụ wẹ. Wẹ rigụ, e dinẹ wẹ kẹ atụnrụn ẹhụ fu; onwọnni onyẹ k'e rọn wẹ egun.”

Zẹkaraya 7:9

Osolobuẹ ihiẹn ile rị okpuru ẹ sị: “Han nị ezigbo eṅẹn; e gi ni ẹfọma lẹ omikẹn e sọn ibe ụnụ;

Zẹkaraya 8:19

“Osolobuẹ ihiẹn ile rị okpuru ẹ sị: Ọnụ ndị ahụn ụnụ e busọnmẹ ifọn nke ẹnọ lẹ ifọn nke isẹn lẹ ifọn nke ẹsa lẹ ifọn nke iri e bigụọ. Ogẹn hụ ile ụnụ te gi e bu ọnụ ndịnị jẹnkọ nwan d'a wụrụ nị ụnụ ndị Juda ogẹn ịghọghọ lẹ anwịnrịn lẹ mmẹmmẹ. A nị nị nwan ezioku lẹ udọn a sụọ ụnụ ụsụọ.”

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Matiu 5:9

Ngọzi wụ nke ndị hụn e mẹ ni udọn rị, makẹni wẹ sikọ d'a kpọ wẹ ụmụ Osolobuẹ.

Ndị Ẹfẹsọsụ 4:17

M rị nwan e gi ẹfan Di-nwọnni-ẹnyi a gba ụnụ mkpịnsịn ẹka, a gbashi ụnụ ya ikẹn: ebizilẹ ni kẹ ndị ghalẹni e fe Osolobuẹ, ndị iroro wẹ nwọnlẹni isi.

Ndị Ẹfẹsọsụ 4:25

Tụbehi ni nwan ntụ! A gwa nị ibe ụnụ ezioku, makẹni ẹnyi lẹ ibe ẹnyi wụ ẹhụ ohu.

Ndị Tẹsalonika Ibuzọ 4:6

ịhịan ewerikọ ihiẹn nwẹnẹ ẹ mọbụ mẹgbu nwẹnẹ ẹ imẹ ihiẹnni. Ẹnyi a gwagụọ ụnụ ya mbụ, gba ụnụ mkpịnsịn-ẹka, nị Di-nwọnni-ẹnyi e mẹgwarịkwọ ụdị ihiẹn ndịnị ile e mẹgwarị.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”