Zẹkaraya 8:12 - Ika

¹² Mba! M jẹnkọ d'a kụn ọrịrịmma nọkẹ mkpụrụ; osisi vaịnị k'a mị mkpụrụ a; alị k'e mẹ ihiẹn; igwere k'e ye mirin ẹ. M k'e mẹ ndịnị họdụ imẹ ndị Juda nwọnrin ihiẹn ndịnị ile.

Zẹkaraya 8:12 ပူးပေါင်းရင်းမြစ်များ

Jẹnẹsisi 26:12

Ya Aziki gha nọdị alị ahụn rụn ugbo ahụa hụ, ihiẹn ugbo ẹ nọ mẹ ọhụnma-ọhụnma, bawaye ụzọ ọgụn-isẹn. Osolobuẹ a gọzi ẹ,

Jẹnẹsisi 27:28

Osolobuẹ ya hukpu i igirigi elu-igwere; ya mẹ alị mẹn'i ihiẹn ọhụnma-ọhụnma; ya mẹ i nwọn ihiẹn-oriri lẹ ihiẹn w'a ra ọhụnma-ọhụnma.

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Ẹbụ-ọma 72:3

Ugu alịnị, wẹ wẹhẹ aghamihun, elu òke ndị rịn'a, wẹ wẹhẹzi ihiẹn rị mma.

Ẹbụ-ọma 85:12

Ẹghẹẹ, Osolobuẹ k'e ye ẹnyi ihiẹn rị mma; alị ẹnyi e mẹmẹ ihiẹn-ugbo ọhụnma-ọhụnma.

Itẹn 19:12

Olulu eze nọ kẹ ebe ẹwọrọ rị e dẹn, kanị ọhụnma a nọ kẹ igirigi ziẹnye elu irurue.

Azaya 30:23

Osolobuẹ jẹnkọ d'e mẹzi mirin zueni ụnụ makẹ nkpụrụ ụnụ kụnye alị; ihiẹn-oriri alị k'e ye ụnụ k'a rịchanrịn mma, jun. Ogẹn ahụn, efin ụnụ k'a nọ ọfịa shịanị ẹfịfịa jun a kpa nni.

Azaya 61:7

Ndị nke m e nwọnrin ọghọ nwọncheni ẹlẹzi ifẹnrẹn, ukuu wẹ e ye wẹ ịghọghọ; ẹlẹzi ịfa, ukuu ụnụ a ba ụba ọhụnma-ọhụnma, ịghọghọ itẹbitẹ a wụrụ nke wẹ.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Izikẹlụ 34:28

Alị ndị ọzọ egbukọzị wẹ a kwarị, eje-anụ egburikọzị wẹ. Wẹ k'e biri udọn-lẹ-ndọnkwa, onwọnni onyẹ k'e rọn wẹ egun.

Izikẹlụ 36:12

M k'e mẹ ịhịan, ndị nke m Izrẹlụ, jẹn ijẹn elu ụnụ wụ ugu Izrẹlụ. Wẹ k'e nwọnrin ụnụ, ụnụ a wụrụ nke wẹ; ụnụ egbukọzị ụmụ wẹ.

Izikẹlụ 36:30

M k'e mẹ mkpụrụ-osisi lẹ ihiẹn-ugbo barahị, nke wụnị onwọnni ogẹn ụnwụn e gizi kpọrị ụnụ ihun alị ndị ọzọ.

Izikẹlụ 36:9

Lee ẹ, m nọyeni ụnụ anọyeni, m k'e lee ụnụ ẹnya ihun: wẹ k'a dụkpọzị alị ụnụ, rụnzị a ugbo,

Hosia 13:3

Ufiri ihiẹnni, wẹ k'e fopụ kẹ igirigi ụtụntụn igirigi ụtụntụn hụn ghalẹni e bie; wẹ k'a nọ kẹ ẹfịfịa-ọka hụn ufere rị e bupụ ebe wẹ nọ a kụkpọ ọka, nọkẹ ẹnwụnrụn rị a gha windo a lọpụ.

Hosia 14:5

M k'a rị kẹ igirigi ebe ndị Izrẹlụ rị, e sue wẹ, e gbuke kẹ obobo; wẹ k'a gba mkpọgụn kẹ osisi rị ẹgboko alị Lẹbanọnụ.

Juwẹlụ 2:19

Ọ za wẹ, sị, “M zila nị ụnụ ọka lẹ manya lẹ ofigbọn-olivu hụn k'e jun ụnụ ẹfọ; emẹkọzị m ụnụ wụrụ ihiẹn alị ndị ọzọ e legberi.

Juwẹlụ 2:22

Anụ rị ọfịa, atụkwọlẹ ni egun makẹni ẹfịfịa-oyiyi ụnụ e ri e suemẹzi! Osisi a mịmagụọzị mkpụrụ kẹ osisi figi kẹ vaịnị a mịmagụọzị mkpụrụ ọda-ọda!

Lẹvitikọsụ 26:3

“Omẹni ụnụ e mẹ ihiẹn ndị m sị ụnụ mẹ, dọnrin ẹnya dọnmẹsọnmẹ iwu ndị m ye,

Zẹfanaya 3:13

Ndị Izrẹlụ k'a họdụnị emẹkọ eje-ihiẹn; atụkọ wẹ ntụ; anụkọ wẹ ihiẹn wụlẹni ezioku ọnụ wẹ. Wẹ rigụ, e dinẹ wẹ kẹ atụnrụn ẹhụ fu; onwọnni onyẹ k'e rọn wẹ egun.”

Hagaị 1:10

Ịya haịn igwere gi kwọndọn mirin, alị a jụ n'o mẹkọ ihiẹn-anaị.

Hagaị 2:18

“Ịya kẹ m sịnị nwan ụnụ lemẹ kẹ ihiẹn k'a dọn rị mma gha tannị jẹnmẹ: tannị, ụhụọhịn nke ẹnọ kwasị ọgụn imẹ ifọn nke itenẹi, tannị ụnụ gbegụ iyetọ Ụlọ-NSỌ Osolobuẹ. “Lee ni kẹ ihiẹn ile nọ kikẹnni:

Hagaị 2:19

Ihiẹn-ugbo a gụgụọ ọban, ẹlẹ ya? Kẹ vaịnị kẹ figi kẹ pomegraneti kẹ olivu, onwọnzini hụn a mị mkpụrụ, ẹlẹ ya? Kanị m sị ụnụ nị gha tannị jẹnmẹ, m k'a gọzi ụnụ.”

Zẹkaraya 8:6

Osolobuẹ ihiẹn ile rị okpuru ẹ sị: “Ọsụọn'a n'ọ fụka ọrụn ẹnya ndịnị họdụ imẹ alịnị, n'ọ fụzị mmẹ nwẹn ọrụn?!” Ya kẹ Osolobuẹ ihiẹn ile rị okpuru ẹ ku.

Malakaị 3:11

a chụpụnị m ụnụ ihiẹn e ri ihiẹn-ugbo, amamgbe o wiwi ihiẹn ugbo ụnụ; a hụn m'a nị vaịnị rị ugbo ụnụ a dankọzị ifie. Ya kẹ Osolobuẹ ihiẹn ile rị okpuru ẹ ku.

Matiu 6:33

ka chụmagụ nị Alị-eze Osolobuẹ lẹ ihiẹn Osolobuẹ chọ, o sikọ d'e yezi ụnụ ihiẹn ndịnị ile.

Ndị Kọrẹntị Ibuzọ 3:21

Ya wụ, egizilẹ ni nwan ịhịan nyan isi, makẹni ihiẹn ile wụ nke ụnụ:

Ditrọnọmi 32:2

Nkuzi m jẹnkọ nwan d'e zue kẹ mirin, oku-ọnụ m jẹnkọ d'e ziẹn kẹ igirigi, nọkẹ mbụmbụ-mirin bụye elu irurue ọhụn, nọkẹ ezigbo mirin zueye elu ihiẹn pu nke ọhụn.

Ditrọnọmi 33:13

Nke Josẹfụ, Mozizi sị, “Osolobuẹ ya gọzi alị Josẹfụ, ngọzi okẹn-oyiye wụ mirin igwere, lẹ mirin rị imẹ alị;

Ditrọnọmi 33:28

Izrẹlụ e bi udọn lẹ ndọnkwa; Izrẹlụ, isi-mirin hụn Jekọpụ mụpụha, e bi alị ọka lẹ manya ọhụn jun, alị hụn igwere e ziẹnye igirigi.

Jemisi 3:18

Ndị-udọn ma gi udọn kụn mkpụrụ, ọ mịpụha ezi-omumẹ.