Zẹkaraya 7:6 - Ika

⁶ Ogẹn ụnụ gi e ri, a ra, ẹlẹ ẹfọ ụnụ kẹ ụnụ e riye ẹ? Ẹlẹ ẹfọ ụnụ kẹ ụnụ a raye ẹ?

Zẹkaraya 7:6 ပူးပေါင်းရင်းမြစ်များ

Ihiẹn Mẹni Nke Ibuzọ 29:22

A nọ wẹ ihun Osolobuẹ rị, ra, ụhụọhịn ahụn, ghọghọ ọda-ọda. Ya wẹ nọ kinzi Solomọnụ nwa Defidi eze okinkin nke mgbe ẹbụọ, nọ idẹnya Osolobuẹ hukpu ẹ udẹn-ntumẹ n'ọ wụrụ onyẹ-ọkịkị, tumẹ Zadọkụ onyẹ-isi nchụn-ẹjan.

Azaya 43:23

Y'e wẹhẹni atụnrụn gi chụnyeni m ẹjan w'a kpọ ọkụn mọbụ chụnyesọnmẹni m ẹjan gi ye m ọghọ. Asịnị m'ị ye m oyiye-ọka, nkẹ ọ wụrụ nị m buye i ibu; egini m oku ịmụyeni m nsẹnsi mẹ ndụn gụ ị.

Azaya 58:3

Wẹ hụ a sị, “Kị ẹnyi budẹni nwan ọnụ bụ onwọnni ihiẹn i kpọ a? Kị ẹnyi wetuni nwan enwẹn ẹnyi alị, bụ y'e feyedẹni ẹnya?” Kanị ụnụ gha e bu ọnụ ụnụ hụzị e mẹsọnmẹ ihiẹn gụnnị ụnụ, e mẹgbu ndị a rụnnị ụnụ ọrụn.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 9:4

Eyekọ wẹ Osolobuẹ oyiye manya; onwọnni ẹjan wẹ k'a sụọn'a. Wẹ chụn ẹjan, ọ nọ kẹ ihiẹn-oriri wẹ ri ebe wẹ nọ e mẹ izu; onyẹ ri ẹ, ọ rụ — wẹ k'e gi ọnụ ripụ ihiẹn-oriri wẹ; o rukọ ụlọ Osolobuẹ.

Zẹkaraya 7:5

“Sị ndị alị Juda ile lẹ ndị nchụn-ẹjan nị m sị: ‘Ogẹn hụ ụnụ gi rị e bu ọnụ hụ, a kwan ẹkwan ifọn nke isẹn lẹ nke ẹsa, ọrọgbọ ahụa iri-kwasị ọgụn-ẹtọnị, mmẹ kẹ ụnụ bun'ẹ?

Zẹkaraya 7:7

“ ‘Ẹlẹ okuni wẹ rị a gwa ụnụ kẹ Osolobuẹ gi ndị-amụma mbụ ku, kẹ wẹ kelẹni tikpọ Jerusalẹm? Ogẹn ahụn Jerusalẹm lẹ obodo ndị nọhunmẹn'ẹ gi rị e bi udọn-lẹ-ndọnkwa, ogẹn ahụn ịhịan bizi imẹ Nẹgẹvụ rị ẹbamịn ndịdan-mirin ọda-ọda lẹ imẹ Shẹfẹla rị nkpọtu òke ibẹka ọdịdan-ẹnyanwụn.’ ”

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ditrọnọmi 12:7

Ihun Osolobuẹ wụ Chuku ụnụ ebahụn kẹ ụnụ lẹ ikpụlọ ụnụ k'a nọrịrị ri oriri, mẹ mmẹmmẹ ya lẹ wẹ wị hụn ụnụ gi a ghọsị nị Osolobuẹ wụ Chuku ụnụ a gọzigụọ ihiẹn ụnụ buche ẹka.

Ditrọnọmi 14:26

Gi egho ahụn ṅọnrin ihiẹn ọwụlẹ sụọn'ị. Ọsụọn'a efin mọbụ atụnrụn mọbụ manya nkpụrụ-osisi mmaka mọbụ manya wẹ bama — ihiẹn ọwụlẹ ị chọ. Ịyụ lẹ ezi-lẹ-ụlọ ị a nọ ihun Osolobuẹ wụ Chuku ụnụ ebahụn gi ẹ ri oriri, ghọghọ.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Samuẹlụ Nke Ibuzọ 16:7

Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”