Zẹkaraya 7:5 - Ika

⁵ “Sị ndị alị Juda ile lẹ ndị nchụn-ẹjan nị m sị: ‘Ogẹn hụ ụnụ gi rị e bu ọnụ hụ, a kwan ẹkwan ifọn nke isẹn lẹ nke ẹsa, ọrọgbọ ahụa iri-kwasị ọgụn-ẹtọnị, mmẹ kẹ ụnụ bun'ẹ?

Zẹkaraya 7:5 ပူးပေါင်းရင်းမြစ်များ

Ndị-nze Nke Ẹbụọ 25:23

Ogẹn ndị isi-agha rịsọnmẹ obodo ọzọ rị Juda hụn wụlẹni Jerusalẹm lẹ itu-agha wẹ gi nụ nị eze Babilọnụ e tumẹgụọ Gẹdalia onyẹ-ọkịkị, wẹ nọsọnmẹ bịa Mizpa d'e kunrun Gẹdalia. Ndị bịa ijẹn ahụn wụ Ishmẹlụ nwa Nẹtanịa, Johananị nwa Karia, Sẹraya nwa Tanhumẹtị onyẹ Netofa lẹ Ja-azanịa nwa onyẹ Maaka; uwẹ lẹ itu-agha wẹ wịsọnmẹ bịa.

Ndị-nze Nke Ẹbụọ 25:25

Kanị, o ru ifọn nke ẹsa rịn'a, Ishmẹlụ nwa Nẹtanịa nwa Ẹlishama, hụn wụ onyẹ ebọn eze lẹ ikẹnnyẹ iri nọ bịa, gbu Gẹdalia lẹ ndị Juda lẹ ndị Kal'di Babilọnụ rị Mizpa.

Azaya 43:23

Y'e wẹhẹni atụnrụn gi chụnyeni m ẹjan w'a kpọ ọkụn mọbụ chụnyesọnmẹni m ẹjan gi ye m ọghọ. Asịnị m'ị ye m oyiye-ọka, nkẹ ọ wụrụ nị m buye i ibu; egini m oku ịmụyeni m nsẹnsi mẹ ndụn gụ ị.

Azaya 58:3

Wẹ hụ a sị, “Kị ẹnyi budẹni nwan ọnụ bụ onwọnni ihiẹn i kpọ a? Kị ẹnyi wetuni nwan enwẹn ẹnyi alị, bụ y'e feyedẹni ẹnya?” Kanị ụnụ gha e bu ọnụ ụnụ hụzị e mẹsọnmẹ ihiẹn gụnnị ụnụ, e mẹgbu ndị a rụnnị ụnụ ọrụn.

Jerimaya 25:11

Ebeni ile jẹnkọ d'a gba okpokoro, la iwi; alị ndịnị ile k'e fe eze alị Babilọnụ ọrọgbọ ahụa iri kwasị ọgụn-ẹtọ.

Jerimaya 29:10

“Osolobuẹ sị, ‘Ahụa iri kwasị ọgụn-ẹtọ alị Babilọnụ e gi kpa ikẹn zugụ, a chọha m ụnụ d'e mẹzu nkwa ahụn m gi omikẹn kwe nị m jẹnkọ d'e wekinhẹn ụnụ alị ụnụ.

Jerimaya 52:12

O ru nke akpọhịn iri imẹ ifọn nke isẹn imẹ ahụa nke mmitenẹi Nebukadineza eze Babilọnụ kịma, Nebuzaradanị hụn wụ onyẹ-isi ndị-nche eze Babilọnụ nọ bịa Jerusalẹm.

Daniẹlụ 9:2

imẹ ahụa ibuzọ ọ kịma, mmẹ wụ Daniẹlụ nọ gi ihiẹn wẹ de imẹ Ẹkụkwọ-nsọ, ihiẹn hụn Osolobuẹ gi onyẹ-amụma wụ Jerimaya ku, ghọta nị ahụa iri kwasị ọgụn-ẹtọ kẹ Jerusalẹm k'e mẹ mkpọkọ-mkpọkọ.

Hosia 7:14

W'a ra gi obi wẹ kpọku m ụya kẹ w'a kwan elu bẹdi wẹ; w'e bekikadẹ enwẹn wẹ, nị wẹ rị a rịọ mmọn ọka lẹ manya; E nupụọlẹ wẹ isi okpuru m!

Zẹkaraya 1:12

“Ya mmọn ozi Osolobuẹ nọ sị, ‘Euu Osolobuẹ nwọn ikẹn ile, nanị y'e biehan d'e mẹ omikẹn Jerusalẹm lẹ obodo ndị ya lẹ wẹ rị imẹ Juda, ndịnị ị rị e buni olulu ọrọgbọ ahụa iri kwasị ọgụn-ẹtọnị?’

Zẹkaraya 7:3

wẹ jụ ndị nchụn-ẹjan rị Ụlọ-nsọ Osolobuẹ ihiẹn ile rị okpuru ẹ lẹ ndị-amụma ajụjụ, sị, “Nị ẹnyi a kwan, e bu ọnụ ifọn nke isẹn kẹ ẹnyi dọn e mẹ kete ahụa ole-lẹ-ole yeni otikpọ wẹ tikpọ Jerusalẹm?”

Zẹkaraya 7:4

Ogẹn hụ kẹ Osolobuẹ ihiẹn ile rị okpuru ẹ gi gwa m oku hụ, sị m:

Zẹkaraya 7:6

Ogẹn ụnụ gi e ri, a ra, ẹlẹ ẹfọ ụnụ kẹ ụnụ e riye ẹ? Ẹlẹ ẹfọ ụnụ kẹ ụnụ a raye ẹ?

Zẹkaraya 8:19

“Osolobuẹ ihiẹn ile rị okpuru ẹ sị: Ọnụ ndị ahụn ụnụ e busọnmẹ ifọn nke ẹnọ lẹ ifọn nke isẹn lẹ ifọn nke ẹsa lẹ ifọn nke iri e bigụọ. Ogẹn hụ ile ụnụ te gi e bu ọnụ ndịnị jẹnkọ nwan d'a wụrụ nị ụnụ ndị Juda ogẹn ịghọghọ lẹ anwịnrịn lẹ mmẹmmẹ. A nị nị nwan ezioku lẹ udọn a sụọ ụnụ ụsụọ.”

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 6:2

“Ya wụ, ụnụ gha e ye ndị igbẹnnyẹ ihiẹn, akụlẹ ni ẹgogo kẹ ndị-ihunnaị dọn e mẹ imẹ ụlọ-ofufe lẹ ọkpụzọ, kẹni ịhịan ile ja wẹ mma. M rị a gwa ụnụ ezioku, a narịnchanrịngụọlẹ wẹ ụgwọ-ọrụn wẹ.

Matiu 6:5

“Ụnụ ghazịkwọ e mẹ ekpere, emẹlẹ ni kẹ ndị-ihunnaị. Makẹni, ọ sụọ wẹ nị w'e turu imẹ ụlọ-ofufe lẹ ọkpụzọ e mẹ ekpere, kẹni ịhịan hụn wẹ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Kọrẹntị Nke Ẹbụọ 5:15

Ọ nwụnnị ịhịan ile ọnwụn kẹni ndị rị ndụn bibehini enwẹn wẹ, kama, nị wẹ e bini onyẹ hụ gi ufiri wẹ nwụnhụn, Osolobuẹ e gizi ufiri wẹ weli ẹ.

Ndị Kolosị 3:23

Ihiẹn ọwụlẹ wẹ sị ụnụ rụn, gi ni obi ụnụ ile rụn a, nọkẹ sị Di-nwọnni-ẹnyi kẹ ụnụ rị a rụnn'a, ẹlẹ ịhịan;