Zẹkaraya 7:14 - Ika

¹⁴ E gi m ndị-iṅẹnrẹn feyịya wẹ kẹ okẹn ufere dọn e feyịya ihiẹn, fe wẹ ye alị ndị ọzọ wẹ marịnlẹni. Ẹrịra kẹ alị wẹ dọn gba okpokoro, onwọnzini onyẹ a gha a e jẹn, onwọnzini onyẹ a gha a a la; alị ọma nwẹn nọ gba okpokoro.

Zẹkaraya 7:14 ပူးပေါင်းရင်းမြစ်များ

Ihiẹn Mẹni Nke Ẹbụọ 36:21

Alị nọ zu ikẹn ẹ — ọrọgbọ ile wẹ gizilẹni bi ẹ. O zu ikẹn, ahụa iri kwasị ọgụn-ẹtọ hụ e zu, nọkẹ kẹ Osolobuẹ dọn ku ghahanị onyẹ-amụma wụ Jerimaya.

Ẹbụ-ọma 58:9

Ite gini d'a nụ ọkụn, Osolobuẹ ya zachanpụ ndị eje-ịhịan, kẹ wẹ dọn a zachanpụ nkụn wẹ gi fiye ọkụn kẹ nke ndụn kẹ nke ọkpọ-nkụn.

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Azaya 60:15

Ọsụọn'a n'a jụgụọ wẹ i nwan, e ze ize i — hụn wụnị onwọnzini onyẹ a gha imẹ i, m k'e mẹ ụnụ wụrụ ihiẹn-ọghọ k'a rị jẹnrin-ejẹn lẹ ihiẹn-ịghọghọ ebe agbọ ọwụlẹ pụhanị rị.

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Jerimaya 12:10

Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.

Jerimaya 23:19

E lee nị nwan okẹn ẹbi kpọlanị, ọnụma Osolobuẹ hụn lalanị — o jẹnkọ d'a nọ isi ndị eje-omumẹ hụ bi.

Jerimaya 30:23

Lee ẹ, ọnụma Osolobuẹ jẹnkọ d'a kpọ kẹ ẹbi! Olulu ẹ k'a nọ isi ndị eje-omumẹ bi.

Jerimaya 36:19

Ndị-isi hụ nọ sị Baruku, “D'a warị, ịyụ lẹ Jerimaya. Anịkwọlẹ ni onyẹ ọwụlẹ marịn ebe ụnụ rị.”

Jerimaya 44:6

Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.

Jerimaya 5:15

Osolobuẹ sị, “Yụ wụ ikpụlọ Izrẹlụ, m wela alị rị ebe teni d'a maye i, alị rị ẹdẹi, alị hụn rị kete-kete; ndị ụnụ marịnlẹni asụsụ wẹ, ndị ụnụ jẹnkọlẹni d'a ghọta asụsụ wẹ.

Jerimaya 52:30

Nke ahụa ẹtọ kwasị ọgụn Nebukadineza kịma, ndị Juda isẹn kwasị ọgụn-mmẹsa kwasị nnụ (745) kẹ Nebuzaradanị wụ onyẹ-isi ndị nche ẹ kpụnrụn. Wẹ ile wụ mmadụ ọgụn-iri kwasị nnụ-mmanaị (4,600).

Izikẹlụ 12:19

Y'a sị ndị alị, ‘Lee ni ihiẹn Osolobuẹ nwọn ihiẹn ile ku banyeni ndị bi Jerusalẹm lẹ alị Izrẹlụ ile: wẹ k'a rị e hue uhue wẹ gha e ri ihiẹn-oriri wẹ; wẹ k'a gha a tụ egun wẹ gha a ra mirin, makẹni alị Izrẹlụ sikọ d'a gba okpokoro yeni eje-obibi ndị rịn'a bi.

Izikẹlụ 22:15

M k'e fe ụnụ ye imẹ igunrun ndị alị ọzọ rị ichẹn-ichẹn, fe ụnụ ye alị ichẹn-ichẹn; m k'e wepụchanrịn ụrụ ị.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Daniẹlụ 8:9

Mpịn ọzọ nọzị gha imẹ ohu imẹ wẹ ẹnọ pụha; mpịn ahụn mẹ ntịn k'ọ pụha, kanị, o suepụha, ka ẹhụ, kpama ikẹn, kpa a ru ẹbamịn-ugu lẹ ẹbamịn ọwụwa-ẹnyanwụn lẹ Alị Hụ Ma mma.

Hosia 9:17

Chuku m sikọ d'a jụ wẹ tọ makẹni egọnni w'ẹ ntịn. Wẹ k'a gha a wahunmẹ imẹ alị ndị ọzọ.

Juwẹlụ 2:3

Ihun wẹ, ọkụn hụ e bu e ri, azụụn wẹ, ọkụn hụzị e nwun. Nị wẹ d'a bịa, alị mẹ wokowoko nọkẹ ugbo ahụn rị alị Idẹni, wẹ ghafegụ, o họnrin atụ, ugbo wẹ yi ọkụn; onwọnni akpụ ihiẹn ohu w'a latọ.

Lẹvitikọsụ 26:22

M k'e zi eje-anụ rị ọfịa ye imẹ igunrun ụnụ: wẹ k'e gbu ụmụ ụnụ, gbu anụ ụnụ, mẹ ụnụ belụa ọda-ọda nke wụ nị ọkpụzọ ndị rị alị ụnụ a gba okpokoro.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Emọsụ 1:14

M jẹnkọ d'a mụ nwan ọkụn ye mgbọn obodo wẹ wụ Raba. Ọkụn ahụn k'e ripụ ụlọ-agha ile zegbu enwẹn ẹ rịn'a, ya lẹ oro-agha lẹ agha k'a wị, ya lẹ eje ẹbi k'a kpọnị k'a wịzị.

Nahum 1:3

Osolobuẹ ara bukẹnrin olulu, kanị o nwọnkẹkwọ ikẹn; ara hatukwọ onyẹ mẹ eje-ihiẹn. Okẹn ufere lẹ ẹbi k'o gi lala; ụkụ a e kpọn orukpu-igwere kẹ uzunzun.

Habakọkụ 3:14

Ị nọ gi ihiẹn-ọgụn a zupu ndị odogun-agha a isi, kẹ wẹ kpọha nọkẹ okẹn ufere d'e feyịya ẹnyi; e yi, a ghọghọ, nọkẹ onyẹ gi nzuzue bịa d'e gburi ndị nwọnlẹni onyẹ eyemẹka;

Zẹfanaya 3:6

“E tikpọgụọ m alị ndị ọzọ, obodo ndị wẹ te tụnhunmẹ mgbọn e họnrin nkpọkọ-nkpọkọ; e mẹgụọ m ọgbara-ogbe wẹ gba okpokoro onwọnzini onyẹ a ghanị wẹ; obodo ndị wẹ te bi a gbagụọ okpokoro! onwọnzini onyẹ bi ebẹhụ.

Zẹkaraya 2:6

Lihi ni! Lihi ni! Gha nị alị ahụn rị ẹbamịn-ugu gbapụ, ọsụọn'a nị e te feyịyagụọ m ụnụ nọkẹ ufere ye ẹbamịn ẹnọ rị ụwa! Ya kẹ Osolobuẹ ku.

Zẹkaraya 8:1

Ya kẹ Osolobuẹ ihiẹn ile rị okpuru ẹ nọ gwa m oku, sị m:

Zẹkaraya 9:14

Osolobuẹ k'a pụha imẹ elu azụụn nke wẹ; gbama ọbara-ụta a nọkẹ amụma! Chuku nwọn ihiẹn ile k'e gbu opi-agha, gi okẹn ufere gha ẹbamịn ọwụwa-ẹnyanwụn zụnshi agha.

Ditrọnọmi 28:33

Ndị ị marịnlẹni k'e ri ihiẹn gha alị ị pụha, ihiẹn ẹka ị rụnpụha. Onwọnni ihiẹn ị k'a hụn karị eje-mmẹkp'ẹhụ y'e we nwụn.

Ditrọnọmi 28:49

Osolobuẹ k'e wẹhẹni ụnụ ndị alị ohu tegbu enwẹn ẹ, alị rị isi-njẹndemẹ ụwa, hụn k'a zụnbanhan d'a jụrụ ụnụ kẹ ugọn a jụrụ ihiẹn, alị ụnụ jẹnkọlẹni d'a ghọta asụsụ wẹ,

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Ditrọnọmi 4:27

Osolobuẹ k'e feyịya ụnụ ye alị ndị ọzọ rị ichẹn-ichẹn; ndị k'a hụn isi pụha imẹ alị ndị ahụn Osolobuẹ k'a chụyesọnmẹ ụnụ ebukọ ọda.