Zẹkaraya 7:13 - Ika

¹³ Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Zẹkaraya 7:13 ပူးပေါင်းရင်းမြစ်များ

Itẹn 21:13

Onyẹ fakin ntịn ebe ndị igbẹnnyẹ rị a kwan, ya nwẹn k'a kwan onwọnni onyẹ k'a zan'a.

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Jerimaya 11:10

E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Jerimaya 11:11

Ya haịn Osolobuẹ gi nwan rị a sị, ‘M jẹnkọ d'e mẹ wẹ tikpọ wẹ hụn wẹ jẹnkọlẹni d'a s'ẹka wanahịn. Ọsụọn'a wẹ kwanghọsị m, egọnkọ m wẹ ntịn.

Jerimaya 11:14

“Emẹkwọlẹni ndịnị ekpere mọbụ rịọmanị wẹ, makẹni egọnkọ m wẹ ntịn ogẹn w'e gi kpọku m imẹ nsọngbu.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 14:2

“Juda ile rị nwan a kwan; obodo ndị rịn'a rị a la iwi; wẹ hụ e goo alị Juda; okẹn ẹkwan rị imẹ Jerusalẹm.

Jerimaya 7:27

“I k'a gwachanrịn wẹ ihiẹnni, kanị ẹlẹ wẹ k'e gọnkwọ tan ntịn; ị hị wẹ, ẹlẹ wẹ k'a za.

Ẹkwan 3:44

Y'e gigụọ orukpu kpumẹ enwẹn i makẹ ekpere ọwụlẹ gha e ru ebe ị rị.

Izikẹlụ 14:3

“Nwa-ịhịan, ikẹnnyẹ ndịnị e bugụọ obi wẹ che mmọn wẹ rị a rụa, e bugụọ wẹ mmọn ndị hụ rị e mẹ wẹ a kpọgburu che enwẹn wẹ ihun. Nanị m'a dọn nwan nị wẹ jụ m ihiẹn ọwụlẹ?

Izikẹlụ 20:3

“Nwa-ịhịan, gwa ndị-ichẹn Izrẹlụ oku. Sị wẹ: Lee ni ihiẹn Osolobuẹ Nwọn Ihiẹn Ile ku: Ụnụ bịa d'a chọ uche m? Ma isi m, anịkọ m ụnụ marịn uche m, mmẹ wụ Osolobuẹ Nwọn Ihiẹn Ile ku ẹ.

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Maịka 3:4

O ru ogẹn hụ, ụnụ jẹnkọ d'a kwanghọsị Osolobuẹ, kanị ọ zakọ ụnụ; o k'e fepụ ụnụ ẹnya yeni eje-ihiẹn ụnụ rị e mẹ.

Luku 13:25

“Makẹni, onyẹ nwọn ụlọ ma ama gụnma ụzọ, ụnụ e turu ezi ebahụn dụma ẹka ọnụmụzọ, a sị, ‘Di-nwọnni-ẹnyi, dodo gụnpụnị ẹnyi ụzọ!’ O jẹnkọ d'a za ụnụ, sị, ‘Amarịn m ebe ụnụ gha bịa!’

Jemisi 4:3

Ụnụ rịọdẹ ụnụ ara nwọnhẹn, makẹni ụnụ rị a rịọ hụn furulẹni nị ụnụ rịọ, hụn ụnụ e gi mẹ ihiẹn a sụọnị ụnụ.