Zẹkaraya 7:11 - Ika

¹¹ Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Zẹkaraya 7:11 ပူးပေါင်းရင်းမြစ်များ

Ihiẹn Mẹni Nke Ẹbụọ 33:10

Osolobuẹ a gwa Manasẹ lẹ ndị nke ẹ oku, egọnni wẹ ntịn.

Nehemiah 9:17

A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Azaya 28:12

ndị nwẹn o te kuyeni, sị, “Ebeni wụ ebe izu-ikẹn, ndị ndụn gụ wẹ zu ikẹn”, “Ebeni kẹ ndụn a nọ ban ụnụ” — kanị egọnni wẹ ntịn.

Azaya 46:12

Gọn ni m ntịn, ụnụ ndị isi-ikẹn, hụn o mẹni ihiẹn hụ rị mma arị wẹ nsue:

Azaya 6:10

Kpọkin ndịnị obi; kụkin wẹ ntịn, y'e kpumẹ wẹ ẹnya. Amamgbe w'e gi ẹnya wẹ legha ụzọ, gi ntịn wẹ nụ, gi obi wẹ ghọta, hutọ, nwọnrin nzụọrị.”

Azaya 65:12

Okeri m k'e ye ụnụ wụnị wẹ k'e gi ọpịa gbu ụnụ, ụnụ ile k'e welụa isi, a mabepụ wẹ ụnụ olu — makẹni kẹ m kpọ ụnụ, ụnụ azanị; a gwa m ụnụ oku, ụnụ egini dọn. Ụnụ nọ mẹ ihiẹn rịlẹni mma ẹnya m, ụnụ a hanrịn ihiẹn ghalẹni a sụọ m.”

Jerimaya 11:10

E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Jerimaya 13:10

ndị-ejẹni jụ nị egikọ wẹ oku m dọn, ndịnị rị a gba isi-akwanran kẹ eje-obi wẹ dọn gwa wẹ, e sọn mmọn, e fe wẹ, a kụnị wẹ isi-alị, wẹ jẹnkọ d'a nọkẹ nwa-mpeni wiwini nwọnlẹni ihiẹn wẹ k'e gi ẹ mẹ!

Jerimaya 17:23

Kanị ndị nẹdi ụnụ egọnni ntịn, achọdẹni wẹ nị wẹ nụ; e busọnmẹ wẹ isi-ikẹn, jụ n'e gọnkọ wẹ ntịn mọbụ gi ẹ bihutọ ẹka.

Jerimaya 17:27

Kanị, omẹni ụnụ emẹni ihiẹn m ku banyeni idọnmẹ Ụhụọhịn Ezumikẹn nsọ, bughabehi ibu ọnụ-mgbọn rịsọnmẹ Jerusalẹm Ụhụọhịn Ezumikẹn, a mụ m ọkụn wẹ ghalẹni a s'ẹka e tinyụn ye ọnụ-mgbọn ile rị Jerusalẹm, ọ dụnpụchanrịn ụlọ-uku ile rị Jerusalẹm hụn w'a gbaban.”

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 36:31

M k'e ye ya lẹ ụmụ a lẹ idibo ẹ afụnfụn eje-omumẹ wẹ. M k'e wẹhẹni wẹ lẹ ndị bi imẹ Jerusalẹm lẹ ndị Juda ile nsọngbu ile m gwatọ wẹ nị m k'e wẹhẹni wẹ bụ egọnni wẹ ntịn.’ ”

Jerimaya 42:21

M nọ nwan gwa ụnụ tannị ihiẹn o ku, kanị, ụnụ achọnị nwan nị ụnụ mẹ ihiẹn Osolobuẹ wụ Chuku ụnụ zi m d'a gwa ụnụ.

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 5:21

Sị wẹ: Ndị nzuzu marịnlẹni ihiẹn, gọn nị ntịn, ndị nwọn ẹnya bụ w'a ra legha ụzọ, ndị nwọn ntịn bụ w'a ra nụ ihiẹn:

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Izikẹlụ 14:5

M k'e mẹ ẹ kẹni m gi ẹ nwụndọn ndị Izrẹlụ, mẹ ihiẹn rị wẹ obi pụha ifọn, makẹni obi wẹ ile a pụgụọ ebe m rị yeni mmọn ile wẹ rị e fe.’

Izikẹlụ 3:7

Kanị ikpụlọ Izrẹlụ egọnkọ ị ntịn, makẹni achọnị wẹ nị wẹ gọn m ntịn, makẹni ikpụlọ Izrẹlụ ile wụ ndị isi-ikẹn obi wẹ ze.

Izikẹlụ 5:6

Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Daniẹlụ 9:5

ẹnyi e mẹgụọ njọ, ẹnyi e mẹfiegụọ. Ẹnyi a kpachanpụgụọ ẹnya mẹ njọ, e nupụ isi okpuru i; ẹnyi a latọgụọ ihiẹn ị sị ẹnyi mẹ lẹ iwu ndị i yesọnmẹ.

Hosia 4:16

“Ndị Izrẹlụ ẹbamịn-ugu wụ isi-akwanran rịkẹ onyẹnnyẹ-efin ghalẹni a nụ ihiẹn! Nanị Osolobuẹ e dọn nwan du wẹ kẹ atụnrụn d'e ri ẹfịfịa-oyiyi rijun ẹfọ?

Zẹfanaya 3:2

Ara nụ ihiẹn kaka; “eze-agwalẹm” k'ọ wụ! Ara gi Osolobuẹ dọn ẹnya; ara nọkunmẹ Osolobuẹ!

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Matiu 13:15

makẹni ndịnị ara ghọha, ntịn wẹ a kpọkingụọ, a nyụnmagụọ wẹ ẹnya, amamgbe w'e gi ẹnya wẹ legha ụzọ, gi ntịn wẹ nụ ihiẹn, gi obi wẹ ghọha, e rogharị wẹ d'e kunrun m, a zụọ m wẹ. Ya kẹ Osolobuẹ ku.’

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ọrụn Ndị-ozi 7:57

Kanị, wẹ nọ gi ẹka kụkin ntịn, dọ oro ye ọnụ, zụnburu ẹ.

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.