Zẹkaraya 4:14 - Ika

¹⁴ Ya ọ nọ sị m, “Ndịnị wụ madụ ẹbụọ ahụn Osolobuẹ gi udẹn ẹ tumẹ, madụ ẹbụọ wẹ lẹ Onyẹ ahụn nwọn ụwa ile gba a rụn ọrụn.”

Zẹkaraya 4:14 ပူးပေါင်းရင်းမြစ်များ

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Ẹzra 5:2

Ya kẹ Zerubabẹlụ nwa Shiẹtiẹlụ lẹ Jeshụa nwa Jozadakị nọ kọnrin ọrụn, tụndọnzimẹ Ụlọ Chuku imẹ Jerusalẹm; ndị-amụma Chuku ndị ahụn hụ imẹ igunrun wẹ, a kwadọn wẹ.

Ẹbụ-ọma 110:4

Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

Ẹbụ-ọma 2:6

“E tumẹgụọ m eze m elu ugu Zayọnụ, Ugu nsọ m!!”

Ẹbụ-ọma 89:20

A hụngụọ m odibo m wụ Defidi; e tegụọ m'a udẹn-nsọ m, tumẹ ẹ.

Ọpụpụ 29:7

Y'e weri udẹn-nsọ ahụn hukpu ẹ isi, gi tumẹ ẹ.

Ọpụpụ 40:15

Hukpu wẹ udẹn-ntumẹ k'i dọn hukpu nẹdi wẹ, ni wẹ hụn ụzọ rụnmanị m ọrụn ndị nchụn-ẹjan. Udẹn-nsọnị wẹ jẹnkọ d'e hukpu wẹ kẹ w'e gi wụsọnmẹ ndị nchụn-ẹjan agbọ ile lalanị.”

Azaya 5:1

Nị m bụnị Nke-m ẹbụ, ẹbụ gbashịarị alị vaịnị a: Nke-m nwọn alị vaịnị, hụn rị alị rị mma mkpọtu òke.

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Jerimaya 49:19

“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Lẹvitikọsụ 8:12

Ọ nọ hubeye Ẹrọnụ udẹn-nsọ ahụn isi, gi ẹ dọn ẹ nsọ.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Zẹkaraya 6:13

Ịya sikọ d'a tụn Ụlọ-NSỌ Osolobuẹ; o k'e nwọn ọghọ ndị-nze; o k'a nọdị ukpo ẹ, kị. Ọ k'a wụzị onyẹ nchụn-ẹjan ebe ọ rị ukpo ẹ a kị. Ọrụn a ẹbụbụọnị k'a layechanrịn.’

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Luku 1:19

Mmọn-ozi hụ nọ shịarị a, “Mmẹ wụ Gebrẹlụ hụn e wuzo ihun Osolobuẹ. Ịya zi m d'a gwa ị oku, zi i oziọmanị.

Ditrọnọmi 10:8

Ogẹn ahụn kẹ Osolobuẹ gi họpụha ndị Livaị nị wẹ bumẹ Ẹkpẹti Nkwerigbama Osolobuẹ, nị w'e wuzo ihun Osolobuẹ a rụn ọrụn a, e gi ẹfan a a gọzi ịhịan, kẹ wẹ dọnkwọ nwan e mẹ tannị.

Joshụa 3:11

Lee n'ẹ: Ẹkpẹti-nkwerigbama Onyẹ nwọn ụwa ile jẹnkọ nwan d'e buruni ụnụ ụzọ banye Iyi-Jọdanị.

Joshụa 3:13

Hụn ndị nchụn-ẹjan bu Ẹkpẹti Osolobuẹ, Onyẹ nwọn ụwa ile gihụ zọ ụkụ ye imẹ Iyi-Jọdanị, mirin ẹ hulanị jẹnkọ d'a kụsị, mawuru.”

Rẹvẹleshọnụ 11:4

Ndị ọshẹrini kẹ osisi olivu ẹbụọ lẹ obu-ukpẹ ẹbụọ hụ rị ihun Onyẹ-nwọn ụwa ile rị a ghọsị.

Samuẹlụ Nke Ibuzọ 10:1

Samuẹlụ nọ weri mkpu udẹn-ntumẹ, hu ẹ kpu Sọlụ isi, dide ẹ, sị a, “Osolobuẹ e tumẹgụọ ị onyẹ ndu ndị nke ẹ wụ ndị Izrẹlụ haịn!

Samuẹlụ Nke Ibuzọ 16:1

Omẹgụ, Osolobuẹ nọ sị Samuẹlụ, “Elee ogẹn kẹ y'e gi kwanbehini Sọlụ ẹkwan, ebe omẹni a jụgụọ m'a nị ẹlẹzi eze Izrẹlụ, gba nwan udẹn-ntumẹ jun mpịn i gi a gbaye udẹn, n'ị ban ụzọ; m zikọ ị d'e kunrun Jese onyẹ obodo Bẹt'lẹhẹm. A họrịgụọ m onyẹ ohu imẹ ụmụ a ikẹnnyẹ n'ọ wụrụnị m eze.”