Zẹkaraya 3:9 - Ika

⁹ E butọgụọ m ọmụma ihun Joshụa; akpụ-ọmụma ohu hụn nwọn ihun ẹsa. M sikọ d'e deye ihiẹn ẹhụ a kẹ w'e deye ihiẹn elu ọmụma: M k'e gi akpọhịn ohu wepụ njọ alịnị mẹ. Ya kẹ Osolobuẹ ihiẹn ile rị okpuru ẹ ku.

Zẹkaraya 3:9 ပူးပေါင်းရင်းမြစ်များ

Ndị-nze Nke Ibuzọ 1:20

Eze nwọnni m, ndị Izrẹlụ ile rị nwan e che i n'ị gwa wẹ onyẹ jẹnkọ d'a nọkin ẹnya ị elu ukpo-eze i, rikin i eze.

Ihiẹn Mẹni Nke Ẹbụọ 16:9

makẹni ẹnya Osolobuẹ rị a ghahunmẹ elu ụwa ile n'ọ hụn ụzọ gba ndị wechanrịn obi wẹ ile ye ẹ umẹ. Y'e zuzuọlẹ nzuzu. Agha sikọ d'a bịasọnmẹn'i nwan gha kikẹnni jẹnmẹ.”

Ẹbụ-ọma 103:12

Kẹ ọwụwa ẹnyanwụn tehan ebe ọdịdan ẹnyanwụn rị, ẹrịra k'o wetehan njọ ẹnyi.

Ẹbụ-ọma 118:22

Ọmụma ndị rị a tụn ụlọ jụtọ, e họnringụọ ọmụma gi ụlọ!

Ọpụpụ 28:11

Tụ ẹfan ebọn Izrẹlụ ndị ahụn ye enu ọmụma ẹbụọ hụ kẹ w'a tụ ihiẹn wẹ gi e biye ẹka; gi goru mẹmẹni wẹ akpa nọsọnmẹ kẹ ẹru w'e gi kwọndọn wẹ;

Ọpụpụ 28:21

“Ọmụma ndịnị sikọ d'e bu ẹfan ebọn mmẹbụọ Izrẹlụ; wẹ k'a tụyesọnmẹ wẹ ẹfan ebọn nọkẹ ihiẹn wẹ gi e biye ẹka; ebọn-ebọn ohu-ohu.

Ọpụpụ 28:36

“Gi goru wẹ buchelẹni ihiẹn ọzọ mẹmẹ ibe-goru, y'a tụye ẹ ihiẹnni: ‘Hụn Wẹ Gi Kwanị Osolobuẹ’. Tụ a kẹ w'a tụ ihiẹn wẹ gi e biye ẹka.

Azaya 28:16

Osolobuẹ hụn nwọn ikẹn ile sị nwan, “Lee ni ẹnya, m rị e butọ ọmụma imẹ Zayọnụ, ọmụma wẹ lelegụ ọhụnma; ọmụma rị mkpa hụn wụ iyetọ; uhue ehuekọ onyẹ gi ẹ dọn ẹnya.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 50:20

O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Zẹkaraya 3:4

Mmọn-ozi ahụn nọ sị ndị turu ihun ẹ, “Gbụpụ n'a ẹkwa ndị hụ ru unyin.” Ọ sị Joshụa, “Lee ẹ, e wepụgụọ m njọ ị; m jẹnkọ nwan d'e yimẹ i ẹwuru rị mma.”

Zẹkaraya 4:10

“Onyẹ rị nwan e lelịa ihiẹn ndịnị ogẹnni wẹ mẹ ẹkẹrẹ? Ịghọghọ jẹnkọ d'a rị ogẹn wẹ e gi hụn kẹ Zerubabẹlụ tụngụ a, kwọndọn plọmụ wẹ gi e lele k'o zinghọ. “Ukpẹ ẹsa ndị hụ ị hụn wụ ẹnya Osolobuẹ hụn rị e lehunmẹ ụwa ile.”

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Ọrụn Ndị-ozi 4:11

Jesuni wụ ‘Ọmụma hụ’ ụnụ ‘ndị rị a tụn ụlọ jụ’, hụn ‘wụrụ nwan ọmụma gi ụlọ.’

Ndị Rom 9:33

kẹ Ẹkụkwọ-nsọ dọn ku ẹ, sị, “Lee ẹnya, e butọgụọ m ọmụma imẹ Zayọnụ, ọmụma ịhịan a kpọgburu a dan, nkumẹ hụn k'e mẹ wẹ dan. Kanị, o kpuyekọ onyẹ kwerinin'ẹ.”

Ndị Kọrẹntị Nke Ẹbụọ 1:22

ye ẹnyi ahịma a ghahanị ibu Mmọn-nsọ a che imẹ obi ẹnyi, gi ẹ họnrin mbi ihiẹn ile o k'e mẹni ẹnyi.

Ndị Kọrẹntị Nke Ẹbụọ 3:3

Ihiẹn wẹ a hụn ebe ụnụ rị a ghọsị nị ụnụ wụ ẹhụhụọ-ozi Kraịstị de, hụn ọ gha ẹka ẹnyi zihẹ. Ẹlẹ hụn wẹ gi pẹni de, kanị hụn wẹ gi Mmọn-nsọ Osolobuẹ de — Osolobuẹ hụn rị ndụn; ẹlẹ hụn wẹ deye ibe ọmụma — rịkẹ Iwu mbụ ahụn, kanị hụn wẹ deye obi ịhịan.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Hibru 7:27

Ẹlẹ hụn o gi chụnsọnmẹ ẹjan ụhụọhịn-ụhụọhịn nọkẹ ndị-isi nchụn-ẹjan Iwu-Mozizi, ọ chụngụ nke njọ a, ọ chụnnị ndị alị nke njọ wẹ. Makẹni, o gigụọ enwẹn ẹ chụn ẹjan mgbe ohu, chụnchanrịn.

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.