Zẹkaraya 3:4 - Ika

⁴ Mmọn-ozi ahụn nọ sị ndị turu ihun ẹ, “Gbụpụ n'a ẹkwa ndị hụ ru unyin.” Ọ sị Joshụa, “Lee ẹ, e wepụgụọ m njọ ị; m jẹnkọ nwan d'e yimẹ i ẹwuru rị mma.”

Zẹkaraya 3:4 ပူးပေါင်းရင်းမြစ်များ

Samuẹlụ Nke Ẹbụọ 12:13

Ya Defidi nọ sị Natanị, “E mẹọlẹ m Osolobuẹ njọ.” Natanị nọ sị, “Ẹghẹẹ, kanị Osolobuẹ a gbagharịgụọ ị njọ, isi i atọk'a.

Ndị-nze Nke Ibuzọ 22:19

Ya Maịkaya nọ kumẹzi, sị, “Gọn nwan ntịn n'ị nụ ihiẹn Osolobuẹ ku. M hụn kẹ Osolobuẹ nọdị elu ukpo eze ẹ, ndị mmọn-ozi ile rị elu-igwee turuhunmẹ ẹ ẹka-ihiẹn lẹ ẹka-ekpẹn.

Ẹbụ-ọma 51:9

Elezilẹ njọ m mẹ, ka finchanpụ ihiẹn ile m mẹ ikpe gi ma m.

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Jerimaya 52:33

Jehoyakini nọ gbupụkwama ẹkwa-ngan a; ọ nọ sọn eze Babilọnụ ri ihiẹn-oriri o we nwụn.

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Izikẹlụ 42:14

Ndị nchụn-ẹjan lakọ ọrụn gha ebe rị nsọ pụha, abanyekọ wẹ ezi-ọgwa ibuzọ mmanị wẹ gbụpụgụ ẹkwa wẹ yi rụn ọrụn tọ mmughẹ ndịnị, makẹni ẹkwa ndị ahụn rị nsọ. Wẹ yirigụ ẹkwa ọzọ wẹ kebe nọkunmẹ ndị mmaka.”

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Maịka 7:19

O jẹnkọ d'e mẹzi omikẹn ẹnyi; o jẹnkọ d'a zọ njọ ẹnyi ụkụ. O k'a ma njọ ile ndị nke ẹ mẹ ye imẹ-imẹ ohimin.

Zẹkaraya 3:1

Osolobuẹ ghọsị m onyẹ-isi nchụn-ẹjan wụ Joshụa k'o turu ihun mmọn-ozi Osolobuẹ; Ekwensụ wuzo ẹka-nni ẹ n'o kpe ẹ ikpe.

Zẹkaraya 3:7

“Osolobuẹ ihiẹn ile rị okpuru ẹ sị, ‘Omẹni y'e sọn ụzọ m, kwọnkẹnmẹ ihiẹn m ku, i sikọ d'a kị Ụlọ-nsọ m, lepụ ezi-ọgwa m ile ẹnya, e mẹ m'i sọn ndịnị turu ebeni a pụ, a banhan.

Zẹkaraya 3:9

E butọgụọ m ọmụma ihun Joshụa; akpụ-ọmụma ohu hụn nwọn ihun ẹsa. M sikọ d'e deye ihiẹn ẹhụ a kẹ w'e deye ihiẹn elu ọmụma: M k'e gi akpọhịn ohu wepụ njọ alịnị mẹ. Ya kẹ Osolobuẹ ihiẹn ile rị okpuru ẹ ku.

Matiu 22:11

“Kanị, ogẹn eze hụ gi bịa d'a hụn ndị ọbịa a, ọ nọ hụn onyẹ ohu yilẹni ẹwuru wẹ gi e jẹn agbamẹkụkwọ.

Luku 1:19

Mmọn-ozi hụ nọ shịarị a, “Mmẹ wụ Gebrẹlụ hụn e wuzo ihun Osolobuẹ. Ịya zi m d'a gwa ị oku, zi i oziọmanị.

Luku 15:22

“Kanị, nẹdi ẹ nọ kpọ ndị idibo ẹ, sị wẹ, ‘Ozigbo-ozigbo! Wẹhẹ ni ẹkwa hụn kachanrịn mma yimẹ ẹ! Yimẹ n'ẹ ọla ẹka! Yimẹn'ẹ akpụkụ!

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Kolosị 3:10

ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.

Hibru 8:12

Makẹni, m k'e mẹ omikẹn gbagharị wẹ njọ wẹ; anyanhankọzị m njọ ndị wẹ mẹ.’ ”

Rẹvẹleshọnụ 5:11

E lezi m ẹnya, m nọ nụ olu ndị mmọn-ozi bugbu enwẹn wẹ ọda! Wẹ fihunmẹ ukpo hụ lẹ ihiẹn ndị hụ rị ndụn lẹ ndị-isi hụ. Wẹ rị ijẹri ijẹri, nnụ-uku nnụ-uku.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.