Zẹkaraya 3:2 - Ika

² Ya kẹ Osolobuẹ nọ sị Ekwensụ, “Ịyụ wụ Ekwensụ, Osolobuẹ a jụgbọ ị! Osolobuẹ hụn gi ẹka a họrị Jerusalẹm a jụgbọ ị! Ẹlẹ nkụn wẹ gha ọkụn lọpụha kẹ okẹnnyẹni wụdẹ?”

Zẹkaraya 3:2 ပူးပေါင်းရင်းမြစ်များ

Ihiẹn Mẹni Nke Ẹbụọ 6:5

‘Kete m'a ghalẹ Ijiptu wepụha ndị nke m, ahọrịtuni m obodo ọwụlẹ imẹ ebọn ọwụlẹ rị Izrẹlụ, nị wẹ tụn Ụlọ-nsọ Ẹfan m k'a rị mọbụ họrị onyẹ ọwụlẹ nị ya k'e du ndị nke m wụ Izrẹlụ.

Ihiẹn Mẹni Nke Ẹbụọ 6:6

Kanị, a họrịgụọ m nwan Jerusalẹm kẹni Ẹfan m hụn ụzọ rị ebẹhụ; a họrịgụọzị m Defidi n'ọ hụn ụzọ kị ndị nke m wụ Izrẹlụ.’

Ẹbụ-ọma 109:31

makẹni ọ nọ ndị wẹ rị a bịangbu e ye azụụn, kẹni ọ zụọpụha wẹ ẹka ndị rị a ma wẹ ikpe ọnwụn.

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Emọsụ 4:11

M nọ gi ntikpọ sọn ụnụ kẹ m dọn tikpọ Sodọm lẹ Gomora, ndị họdụnị nọ nwan rị kẹ ihiẹn wẹ lọpụha imẹ ọkụn, kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Zẹkaraya 1:17

“ ‘Gwazịkwọ wẹ ọnwan: Ihiẹn rị mma sikọ d'e junzi obodo m ndịnị; Osolobuẹ jẹnkọ d'e mẹni Zayọnụ omikẹn; o sikọ d'a họrịzị Jerusalẹm.’ ”

Zẹkaraya 2:12

Osolobuẹ jẹnkọ d'e gi Juda họnrin azụụn nke ẹ imẹ alị a nị rị nsọ; o k'e gizi Jerusalẹm họnrin ihiẹn ẹ pụ-ichẹn.

Makị 1:25

Kanị, Jizọsị nọ jụgbọ eje-mmọn hụ, sị a, “Kpumẹ ọnụ; gha imẹ ẹ pụha!”

Makị 9:25

Ogẹn Jesu gi hụn nị igunrun rị a gbaha, ọ nọ jụgbọ eje-mmọn hụ, sị a, “Ịyụ wụ eje-mmọn odin ghalẹni a nị nwatanị e ku oku mọbụ a nụ ihiẹn, m sị ị gha imẹ ẹ pụ! Abanzilẹ imẹ ẹ!”

Luku 22:32

Kanị, e mẹgụọnị m'ị ekpere Saịmọnụ, amamgbe okukwe i a dan. I rogharịgụ, y'e yeni umunẹ i ẹka turu.”

Luku 4:35

Kanị Jesu nọ jụgbọ eje-mmọn hụ, sị a, “Gba nkịtịn! Gha imẹ ẹ pụ!” Eje-mmọn hụ nọ bu okẹnnyẹ hụ gbe alị idẹnya wẹ ile, gha imẹ ẹ pụ, kanị ọ rụn'a ẹhụ.

Luku 9:42

Ogẹn nwata-okẹnnyẹ ahụn gi pụla, eje-mmọn hụ nọ we ẹ gbe alị, dọma a. Kanị Jesu nọ jụgbọ eje-mmọn hụ, zụọ nwata hụ, we ẹ ye nẹdi ẹ.

Jọnụ 13:18

“Ẹlẹ ụnụ ile kẹ m rị e ku, n'a marịnghọ m ndị m họrị. Kanị, ihiẹn Ẹkụkwọ-nsọ ku, nị ‘Onyẹ ri ihiẹn-oriri m e bugụọ nụmanị m’, k'a bụnrịrị.

Ndị Rom 16:20

O biekọ Osolobuẹ hụn e ye udọn a zọkpụkpọ Ekwensụ ye okpuru ụkụ ụnụ. Ẹfọma Di-nwọnni-ẹnyi wụ Jizọsị ya ru ụnụ ile ẹka.

Ndị Rom 8:33

Onyẹ k'a sa nwan ẹka ma ndị Osolobuẹ họrị ikpe, ebe o mẹ ni Osolobuẹ lẹ enwẹn ẹ rị e kuni wẹ ọhụnma?

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.

Judu 1:23

a zụọpụha nị ndị ọzọ ghahanị ịdọkpụnpụha wẹ imẹ ọkụn. Nke ndị ọzọ, a manị piripiri e mẹni wẹ omikẹn, e zedẹ ni ize ẹwuru wẹ ẹhụ wẹ mẹrụgụ.

Judu 1:9

Kanị, Maịkẹlụ hụn wụ onyẹ-isi ndị mmọn-ozi emẹdẹni ẹnịna ogẹn o gi sọn Ekwensụ zụọ ozun Mozizi: egun Osolobuẹ anịn'a kuja oku Ekwensụ, kama ọ sịhụ Ekwensụ, “Di-nwọnni-ẹnyi a jụgbọ ị!”

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”