Zẹkaraya 2:8 - Ika

⁸ Makẹni, Osolobuẹ ihiẹn ile rị okpuru ẹ hụn gi ufiri ọghọ a zi m, e kuọlẹ oku ndị hụn gbu ụnụ kwarị ihiẹn ụnụ. Ọ sị nị onyẹ ọwụlẹ mẹtụ ụnụ ẹka mẹtụ nwa-ẹnya a ẹka!

Zẹkaraya 2:8 ပူးပေါင်းရင်းမြစ်များ

Jẹnẹsisi 20:6

Osolobuẹ nọ nọ imẹ nrọ ahụn sị a, “Ẹghẹẹ, a marịngụọ m n'o nwọnni ihiẹn i bu obi mẹ ẹ. Mmẹ gbọndọnzikwọ ị emẹlẹ m njọ; ya haịn m gilẹni n'ị mẹtụ a ẹka.

Ndị-nze Nke Ẹbụọ 24:2

Ya Osolobuẹ nọ zihẹmẹn'ẹ ndị-agha Kal'di alị Babilọnụ, ndị-agha alị Aram, ndị-agha alị Mụabụ lẹ ndị-agha alị Amọnụ d'a maye ya lẹ ndị Juda ọgụn. Osolobuẹ zi ndịnị kẹni wẹ tikpọ Juda, nọkẹ kẹ Osolobuẹ dọn gi ndị idibo ẹ wụ ndị-amụma ku ẹ.

Ẹbụ-ọma 17:8

Chemẹ m rịkẹ nwa-ẹnya ị; bu m zuemẹ okpuru ẹka-nku i

Itẹn 7:2

Mẹ ihiẹn m sị ị mẹ, nị ị hụn ụzọ rị ndụn; chedọn ihiẹn ndị m kuzi i nọkẹ nwa-ẹnya ị.

Azaya 49:19

Ọsụọn'a nị wẹ te mẹ alị ị la iwi, mẹ ẹ gba okpokoro, tikpọ a la iwi, yụ wụ alị Izrẹlụ ezukọzị nwan ndị nke i bi, ndị te bu i ri arịkọzị ị nsue.

Jerimaya 12:14

Mmẹ wụ Osolobuẹ sị, “O mẹ nke eje-alị ndị ahụn ile nọkunmẹ ndị nke m Izrẹlụ, alị ndị hụn rị a napụ wẹ alị m ye wẹ, m jẹnkọ d'e huepụsọnmẹ wẹ alị wẹ nọkẹ osisi, zụọpụha ikpụlọ Juda ẹka wẹ.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Izikẹlụ 25:12

“Lee ihiẹn Osolobuẹ Nwọn Ihiẹn Ile ku: ‘Ebe o mẹni ndị Ẹdọm gi ihiẹn o mẹ ndị Juda mẹgwarị, ikpe a magụọ alị Ẹdọm ọda-ọda yeni mmẹgwarị hụ.

Izikẹlụ 25:15

“Lee ihiẹn Osolobuẹ Nwọn Ihiẹn Ile ku: ‘Ebe o mẹni ndị Filistia rị e mẹgwarị ndị Juda, e gi iwe ghalẹni a gụ e legberi wẹ, e mẹ ẹ ni wẹ tikpọ Juda ru alị,

Izikẹlụ 26:2

“Nwa-ịhịan, ebe Taya nọ sị Jerusalẹm, ‘Ẹhẹn! E tikpọgụọ wẹ i, ọnụ-mgbọn nwẹn rị alị ile mkpa! Ụzọ a kpọpụgụọnị m nwan! M k'a gha nwan ihun hụnnị ọ dan!’

Izikẹlụ 26:20

E we m'i cheni ndị lagụ mmọn rị imẹ ili, y'e buru ndị mbụ-mbụ. E mẹ m'i biri imẹ-imẹ alị, nọkẹ alị ndị wẹ tikpọ mbụ-mbụ, yụ lẹ ndị lashigụ imẹ ili a nọdị, nkewụnị y'a rịkọzị. E nwọnrin m ọghọ imẹ ndị rị ndụn.

Izikẹlụ 35:5

“ ‘Makẹni i bu iwe Izrẹlụ ẹfọ kete-kete, we wẹ ye ọpịa-agha gbu ogẹn eje-ihiẹn gi kunrun wẹ, ogẹn wẹ gi rị e ye wẹ afụnfụn hụ kachanrịnnị yeni njọ wẹ,

Izikẹlụ 36:11

M k'e mẹ kẹ ịhịan kẹ anụmanụ ba ụba elu ụnụ, mụ ụmụ ọda-ọda, barahị. M k'e mẹ ịhịan biri elu ụnụ kẹ wẹ dọn bi ẹ mbụ, mẹ ihiẹn rịnị ụnụ mma karị k'ọ rị mbụ. Ogẹn ahụn, ụnụ a marịn nị mmẹ wụ Osolobuẹ.

Izikẹlụ 38:11

Ị k'a sị, “M sikọ d'a maye alị Izrẹlụ: ụmụ-alị mgbọn rịlẹni jun ẹ; wẹ nọdịhụ nke wẹ, e bi udọn-lẹ-ndọnkwa; atụnhunmẹni wẹ wẹ mgbọn, ọnụ-mgbọn w'a kpọkin arịa.

Izikẹlụ 38:14

“Nwa-ịhịan, bu nwan amụma sị Gọgụ: Osolobuẹ Nwọn Ihiẹn Ile sị, ‘Ihun, ogẹn ndị nke m wụ Izrẹlụ k'e gi rị e bi udọn-lẹ-ndọnkwa, y'a nụkọ a?

Emọsụ 1:11

Osolobuẹ sị: “Makẹ njọ ẹtọ ndị alị Ẹdọm mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni o gi ọpịa-agha chụ umunẹ ẹ ndị Izrẹlụ, o mẹdẹni omikẹn wẹ, kama, o gi olulu mẹ wẹ ihiẹn, mẹru ẹ alị.

Emọsụ 1:13

Osolobuẹ sị: “Makẹ njọ ẹtọ ndị Amọnụ mẹ, njọ ẹnọ dẹ, erohutọkọ m, m k'e yerịrị wẹ afụnfụn makẹni wẹ bụọ ikpoho Gilẹdị rị imẹ, kẹni wẹ weri alị wẹ cheni nke wẹ.

Emọsụ 1:9

Osolobuẹ sị, “Makẹ njọ ẹtọ obodo Taya mẹ, njọ ẹnọ dẹ, erohutọkọ m; m k'e yerịrị wẹ afụnfụn makẹ alị ahụn wẹ kpụnrụn ndị ile rịn'a reye ndị alị Ẹdọm. Anyanhandẹni mẹ obi nwẹnẹ.

Maịka 4:11

Alị bu ọda e zugụọn'ị nwan, a sị “Gba nị Jerusalẹm ọtọ nị ẹnyi hụn ọtọ a!”

Maịka 5:6

Wẹ k'e gi ọpịa-agha du alị Asiria, alị Nimrọdụ, d'e rudẹ ọnụ-mgbọn ẹ. Eze ẹnyi hụ lalanị jẹnkọ d'a gbapụha ẹnyi ẹka ndị Asiria, omẹni ndị Asiria a banhan alị ẹnyi mọbụ zọdẹ ụkụ ye ẹ.

Maịka 7:10

Ogẹn hụ, eṅẹnrẹn m a hụn a, ifẹnrẹn e mẹgbu ẹ onyẹ nwẹn te sị m “Elebe Osolobuẹ wụ Chuku i rị nwan?!” Ẹnya m k'a hụn k'ọ dan; o họnrin ihiẹn w'a zọ ụkụ nọkẹ ịkpọtọ rị ụzọ.

Habakọkụ 2:17

Ogbukpọ wẹ gbukpọ ẹgboko alị Lẹbanọnụ k'e kunrun i, Babilọnụ; ogbugbu wẹ gbu anụ rịn'a k'e kunrunzikwọ ị, rọnzikwọ yụ nwẹn egun, yeni ndị ụnụ gbu lẹ eje-ihiẹn ụnụ mẹ alị lẹ obodo ichẹn-ichẹn lẹ ndị bi imẹ wẹ.

Habakọkụ 2:8

Makẹni ụnụ e gbugụọ ndị alị bu ọda kwarị ihiẹn wẹ, ndị họdụsọnmẹ alị ndị hụ k'e gbu ụnụ, kwarị ihiẹn ụnụ — makẹ ndị ụnụ gbu lẹ eje-ihiẹn ụnụ mẹ alị lẹ obodo rị ichẹn-ichẹn lẹ ndị bi imẹ wẹ.

Zẹfanaya 2:8

A nụgụọ m ọnụ ile ndị alị Mụabụ rị a kọ ndị nke m lẹ mkpari ndị alị Amọnụ rị a kpari ndị nke m lẹ isi wẹ rị a nyan nị wẹ k'e weri alị wẹ.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Zẹkaraya 2:9

Ọ sị, “Lee ẹ, m sikọ nwan d'a tịnpụ ẹka mẹshi wẹ ikẹn, ụnụ ndị wẹ te gi họnrin igbọn k'a kwanarịn wẹ ihiẹn wẹ!” Ogẹn hụ, ụnụ a marịn nị Osolobuẹ lẹ enwẹn ẹ, onyẹ hụn ihiẹn ile rị okpuru ẹ, zi mmẹ wụ Zẹkaraya.

Zẹkaraya 8:5

ụmụẹka rị e gu egu jẹnkọ d'e jun ogbe Jerusalẹm.”

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 25:45

O jẹnkọ d'a za wẹ, sị, ‘Ezioku kẹ m rị a gwa ụnụ, ebe ụnụ nọlẹni mẹni onyẹ hụn kachanrịndẹ ntịn imẹ ndịnị ya, ụnụ emẹnini m'ẹ.’

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 17:18

Kẹ i dọn zihẹ m imẹ ụwa kẹ m dọn rị e zi wẹ e ye imẹ ụwa.

Ọrụn Ndị-ozi 9:4

Ọ nọ dan; ọ nọ nụ olu hụn sị a, “Sọlụ, Sọlụ, k'ị rị e kpokponi m?”

Ditrọnọmi 32:10

Alị ịhịan rịlẹni k'ọ nọ hụn a, alị gbachanrịn okpokoro, alị ufere nọ a zụn okẹn-ụzụn. Ọ nọ chemẹ ẹ, lepụ a ẹnya; o gbọnhunmẹ ẹ nọkẹ nwa-ẹnya a,

Ndị Tẹsalonika Nke Ẹbụọ 1:6

Ezioku rọ, makẹni ọ hụghọ mma ẹnya Osolobuẹ n'o mẹgwarị ndị rị e ye ụnụ afụnfụn,

Jọnụ Ibuzọ 4:14

Ẹnyi a hụngụọ a, ku ẹ, nị Chuku-Nẹdi e zihẹgụọ Nwa a d'a wụ Onyẹ-nzụọpụha ụwa.