Zẹkaraya 2:6 - Ika

⁶ Lihi ni! Lihi ni! Gha nị alị ahụn rị ẹbamịn-ugu gbapụ, ọsụọn'a nị e te feyịyagụọ m ụnụ nọkẹ ufere ye ẹbamịn ẹnọ rị ụwa! Ya kẹ Osolobuẹ ku.

Zẹkaraya 2:6 ပူးပေါင်းရင်းမြစ်များ

Jẹnẹsisi 19:17

E wepụhagụ wẹ wẹ imẹ obodo, mmọn-ozi ohu nọ sị wẹ, “Gbama nị ọsọ, makẹ isi ụnụ gha a tọ a! Elekwọlẹ ni ẹnya azụụn mọbụ kụsị ebe ọwụlẹ imẹ alị-aradannị! Ka gbashi ni elu òke, amamgbe isi ụnụ a tọ a!”

Ẹbụ-ọma 44:2

kẹ ị dọn gi ẹka ị chụpụ ndị alị ichẹn-ichẹn, gbọ wẹ nwẹn ye; k'i dọn mẹshi alị ndị ahụn ikẹn, mẹ n'ọ rịnị Izrẹlụ mma.

Azaya 48:20

Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Jerimaya 1:14

Ya kẹ Osolobuẹ nọ sị m, “Wẹ k'a gha ẹbamịn-ugu hu ntikpọ kpu ndị ile rị alịnị.

Jerimaya 15:4

M k'e gi ufiri ihiẹn eze Juda mbụ wụ Manasẹ nwa Hezikaya mẹ imẹ Jerusalẹm mẹ wẹ ihiẹn alị-eze ndị ọzọ ile rị ụwa jẹnkọ d'a hụn, egun a tụ wẹ.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 31:10

Ụnụ ndị alị ile, gọnkwọ nị ntịn ihiẹn Osolobuẹ rị e ku; gwasọnmẹ ni alị ndị rị ebe teni rịdẹ mkpẹnrẹn ohimin nị: “Onyẹ hụn feyịya ndị Izrẹlụ jẹnkọ d'e wegbama wẹ, lepụ wẹ ẹnya nọkẹ onyẹ e du atụnrụn.

Jerimaya 31:38

Osolobuẹ sịzị, “Ogẹn lala hụn wẹ k'e gi tụndọnzini m obodoni wụ Jerusalẹm, ghakwọrị Okẹn Ụlọ-nche Hananẹlụ d'e ru Ọnụ-mgbọn rị ntugi mgbọn;

Jerimaya 31:8

M jẹnkọ d'a gha alị hụ rị ẹbamịn-ugu wekinhẹn wẹ, gha ebe ile wẹ rị imẹ ụwa welụa wẹ. Ndị ẹnya-ishi lẹ ndị ngụrọ k'a rịdẹ imẹ wẹ, kẹ ikpoho rị imẹ lẹ ndị imẹ rị e mẹ, igunrun ahụn k'a lụanị k'e hi-ogbe.

Jerimaya 50:8

Gha nị Babilọnụ gbapụ! Gha nị alị Babilọnụ pụ. Budẹni ni ndị ọzọ ile ụzọ gbapụ — kẹ mkpịn dọn e bu ụzọ imẹ igunrun anụ.

Jerimaya 51:45

“Ndị nke m, gha nị imẹ ẹ pụha! Onyẹ ọwụlẹ zụọrịkwọ isi ẹ! Gbapụkwọ nị makẹ okẹn olulu Osolobuẹ,

Jerimaya 51:50

Ụnụ ndị wanahịn ọpịa-agha, a la nị, emẹkwọlẹ ni ẹlẹẹ! Nyanhan nị Osolobuẹ ebẹhụ teni ụnụ rị, nyanhan nị Jerusalẹm ebẹhụ.

Jerimaya 51:6

“Ghakwọ nị Babilọnụ gbapụha! Zụọrịkwọ nị isi ọnụ! Anịkwọlẹ ni njọ a na ụnụ isi! Ogẹn Osolobuẹ e gi mẹgwarị a e rugụọ, ogẹn o gi kụ a ụgwọ ihiẹn o mẹ.

Izikẹlụ 11:16

“Sị nwan, ‘Lee ni ihiẹn Osolobuẹ nwọn ihiẹn ile ku: Ọsụọn'a nị e te kpọnghọ m wẹ shi alị ndị ọzọ rị ebe teni, fe wẹ yesọnmẹ alị ichẹn-ichẹn, m hụ a nọyeni wẹ ẹkẹrẹ imẹ alị ndị wẹ shi.’

Izikẹlụ 17:21

“ ‘Ọpịa-agha kẹ wẹ k'e gi gbuchanrịndẹ ndị odogun-agha a ile gbapụkọnị; wẹ k'e fe ndị ile hụn isi wanahịn ye azụụn ile, ogẹn hụ, ụnụ a marịn nị mmẹ wụ Osolobuẹ ku ẹ.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Daniẹlụ 11:4

Ọ kịgụ, alị-eze ẹ hụ hi ogbe e kebe, e keyịya w'a azụụn ẹnọ ufere igwere gha e fe, kanị ẹlẹ ụmụ a k'e nwẹrin ẹ, alị-eze hụ enwọnkọ ikẹn ahụn ya nwọn te kpa, makẹni ohuepụ kẹ wẹ k'e huepụ alị-eze uku hụ, we ẹ ye ndị ọzọ.

Emọsụ 9:9

“M k'a sị wẹ mẹ wẹ ihiẹn ẹ, e gi m alị ndị ọzọ ile zinzin Izrẹlụ, kẹ w'e gi adana e zinzin ọka, onwọnni ẹfịfịa k'a ghafeni.

Zẹkaraya 1:16

“Osolobuẹ nọ nwan sị: ‘M k'e mẹni nwan Jerusalẹm omikẹn; wẹ sikọ d'a tụndọnzi Ụlọ-nsọ m imẹ ẹ. Ya kẹ Osolobuẹ ihiẹn ile rị okpuru ẹ ku. Wẹ sikọ d'a rụnzị ụlọ imẹ Jerusalẹm, nọzị imẹ e setịnpụ eriri ndị a tụn ụlọ.

Zẹkaraya 2:7

Lihi ni! Gbashi ni Jerusalẹm, ụnụ ndị bi nwan obodo Babilọnụ.

Matiu 24:31

O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.

Makị 13:27

O jẹnkọ d'e zi ndị mmọn-ozi ẹ ye imẹ ụwa ile d'e wegbama ndị Osolobuẹ họrị ebe-lẹ-ebe wẹ rị.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Rẹvẹleshọnụ 18:4

Ya m nọ nụ kẹ olu ọzọ gha elu-igwee sị, “Ndị nke m, gha nị imẹ ẹ pụha, amamgbe ụnụ e bu ẹka che njọ a, amamgbe ihiẹn mẹn'ẹ e ru ụnụ ẹhụ;

Rutu 4:1

Bụazị nkẹ nọ shi ebe wẹ nọ e zu ọgwa, ọnụ-mgbọn obodo hụ; ọ nọ weri oche. Ya kẹ onyẹ hụ o ku oku ẹ nị ya k'o ru nọ ghapụha. Ya Bụazị nọ kpọ a, sị a, “Yee, d'a nọdị alị ndọọ.” Okẹnnyẹ hụ nọ jẹnhẹn, nọdị alị.