Zẹkaraya 2:13 - Ika

¹³ Ịhịan ile, gba nị nkịtịn ihun Osolobuẹ, makẹni ọ ghagụọ Ụlọ a rị nsọ lihi d'a ghọsị ẹka a.

Zẹkaraya 2:13 ပူးပေါင်းရင်းမြစ်များ

Ihiẹn Mẹni Nke Ẹbụọ 30:27

Omẹgụ, ndị nchụn-ẹjan lẹ ndị Livaị nọ wuzo ọtọ, gọzi ndị hụ ile rị ebẹhụ, Osolobuẹ nọ za wẹ ekpere, makẹni ekpere wẹ ru elu-igwee, ebe obibi ẹ hụn rị nsọ.

Ẹbụ-ọma 11:4

Mba! Osolobuẹ hụkwọ Ụlọ-NSỌ a — Osolobuẹ hụdẹ ukpo-eze ẹ rị elu-igwee, a kị. Ọ hụ e lee ịhịan, e lele wẹ;

Ẹbụ-ọma 46:10

Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!”

Ẹbụ-ọma 68:5

Nẹdi ndị nwọnlẹni nẹdi k'ọ wụ, onyẹ hụn e kinni ikpoho di wẹ nwụn ọnụ wẹ: ịya kẹ Chuku hụn bi ebẹhụ rị nsọ wụ!

Ẹbụ-ọma 78:65

Chuku nọ nwan felihi lekẹ onyẹ te rị ụran, lekẹ odogun-agha manya te gbuye ụran.

Azaya 14:2

Ndị alị ichẹn-ichẹn k'e duru wẹ, dulụa wẹ alị wẹ. Ndị Izrẹlụ e nwọnrin ndị alị ichẹn-ichẹn, awụrụnị wẹ wẹ igbọn ikẹnnyẹ lẹ ikpoho imẹ alị Osolobuẹ. Wẹ k'e kwọndọn ndị te gini wẹ, a kịma wẹ ndị te rị a kịgbuni wẹ.

Azaya 19:16

O ru ogẹn ahụn, ndị Ijiptu jẹnkọ d'a rịchanrịn kẹ ikpoho ndụn rịlẹni; wẹ k'a rị a ma piripiri yeni ẹka Osolobuẹ ihiẹn ile rị okpuru ẹ gi rị e mẹ wẹ ihiẹn.

Azaya 41:1

Gba nị nkịtịn, gọn m ntịn, alị ndị rị nfetu ohimin! Ndị alị ichẹn-ichẹn wẹ kọnrin pụha! Wẹ pụha nwan d'e kin; nị ẹnyi zuni ọgwa d'e kin.

Azaya 51:9

Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 57:5

Ụnụ ile hụn rị a kpasu enwẹn ụnụ lekẹ ịgbaraja ebe lẹ ebe osisi okuu duni jun lẹ okpuru osisi ọwụlẹ duni — ebe ụnụ rị a rụa mmọn; ụnụ ndị rị e gi mmụ ụnụ a chụn ẹjan imẹ ọdanmgbugbu lẹ oghe rịsọnmẹ mkpọnụnụ ugu.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Jerimaya 25:30

“Gi nwan okuni ile buni wẹ amụma — sị wẹ: Osolobuẹ jẹnkọ d'a gha imẹ-elu dẹn rịkẹ ẹwọrọ; olu ẹ jẹnkọ d'a gha ebẹhụ rị nsọ o bi han rịkẹ akpara; o k'e yini alị a eje-oro. O k'e yi oro nọkẹ ndị rị a zọ vaịnị; o k'e yini ndị bi elu ụwa oro.

Habakọkụ 2:20

Kanị Osolobuẹ nkẹ rị Ụlọ-NSỌ a: ụwa ile wẹ gba nwan nkịtịn ihun ẹ!!”

Zẹfanaya 1:7

Gba nị nwan nkịtịn ihun Osolobuẹ-nwọnni-ẹnyi, nị ogẹn okinkin-ikpe Osolobuẹ a rịgụọ nsue! Osolobuẹ a kwademẹgụọ n'o mẹ ndị alị Juda ihiẹn w'e mẹ anụ wẹ gi chụn ẹjan; Ọ họtọgụọ ndị o wela d'e ri ndị Juda kẹ w'e ri anụ.

Zẹfanaya 2:9

Mmẹ wụ Osolobuẹ ihiẹn ile rị okpuru ẹ hụn wụ Chuku ndị Izrẹlụ, sị, “Ma isi m, Mụabụ jẹnkọ d'a rị kẹ alị Sodọm, Amọnụ a nọ kẹ alị Gomora! Wẹ k'e họnrinsọnmẹ alị ogun lẹ nnu, wụsọnmẹ eje-alị ihiẹn rịn'a ghalẹni e mẹ. Ndị nke m họdụnị k'a kwarị ihiẹn wẹ; ndị alị m họdụnị k'e weri alị wẹ.”

Zẹfanaya 3:8

Gbacherikwọ nị m nwan! Ya kẹ Osolobuẹ ku; cheri ni ụhụọhịn m k'a kpa ikẹn kwarị ihiẹn m gbu. E kugụọ m'a nị m k'e wegbama alị ichẹn-ichẹn, nị m k'a kpọgbama alị-eze ichẹn-ichẹn, kẹni m mẹ wẹ ihiẹn kẹ olulu han m obi kẹni m gi okẹn iwe-lẹ-ọnụma m mẹ wẹ ihiẹn, makẹni m k'e gi ẹnya rị a fụnị m hu ọnụma m kpu wẹ ile ri nọkẹ ọkụn.

Zẹkaraya 4:9

“Ẹka Zerubabẹlụ gbe iyetọ Ụlọnị; ẹka a sikọ d'a tụnchanrịn a. Ogẹn hụ kẹ ụnụ e gi marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku.

Zẹkaraya 6:15

“Ndị rịdẹ ebe teni sikọ d'a bịa d'e ye ẹka tụn Ụlọ-NSỌ Osolobuẹ. Ogẹn ahụn, ụnụ e gi ẹ marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku. “Ihiẹnni k'e mẹ omẹni ụnụ hụ e mẹ ihiẹn Osolobuẹ wụ Chuku ụnụ ku, e mẹshi ẹ ikẹn.”

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 9:20

Kanị, ịyụ wụ ịhịan-mmaka, onyẹ k'ị wụdẹ nwan i gi a shịarị Osolobuẹ oku? Ihiẹn wẹ kpụ a jụdẹ nwan onyẹ kpụn'a, “Kị haịn i gi kpụ m ẹnịna?”

Ditrọnọmi 18:21

Ikẹnkwọ ụnụ a sị enwẹn ụnụ, “Nanị ẹnyi e dọn marịn ozi ghalẹni ẹka Osolobuẹ bịa?”

Ditrọnọmi 18:22

Onyẹ-amụma gi ẹfan Osolobuẹ bu amụma bụ o mẹni, ọ bụnnị, ịya wụ nị ihiẹn o ku aghanị ẹka Osolobuẹ bịa, o ku ihiẹn rị a obi. Atụlẹ ni egun ẹ.

Ditrọnọmi 26:15

Gha nwan elu-igwee, ebe obibi i rị nsọ, lee ẹnya alị, n'ị gọzi ndị nke i wụ Izrẹlụ lẹ alị ahụn i ye ẹnyi kẹ i dọn kun enwẹn i kwe ndị nẹdi ẹnyi kanị nkwa, alị ahụn mirin-ẹran anụ lẹ mirin-ẹnwụn jun, e hu.”