Zẹkaraya 14:8 - Ika

⁸ O ru ogẹn ahụn, mirin e ye ndụn k'a gha Jerusalẹm e hupụha: azụụn ohu k'a rị e hushi Ohimin rị ẹbamịn ọwụwa-ẹnyanwụn, azụụn ohu e hushi Ohimin rị ẹbamịn ọdịdan-ẹnyanwụn. O hubehikọ, kẹ ọhọhị kẹ udu-mirin.

Zẹkaraya 14:8 ပူးပေါင်းရင်းမြစ်များ

Ẹbụ Solomọnụ 4:15

Isi-mirin rị imẹ ugbo-obobo, mirin rị mma rị e huni, hụn gha Ugu Lẹbanọnụ e huhẹ.

Azaya 35:7

Alị te kpọgbu enwẹn ẹ nkụn k'e họnrin ọgbọ-mirin, alị nwẹn mirin te rịlẹni kaka k'e mẹ isi-mirin isi-mirin. Atụ nwẹn eje-anụ te weri k'e họnrin alị irurue lẹ achara-mirin lẹ achara-papirọsụ jun.

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Juwẹlụ 2:20

M k'e chụpụ nị ụnụ ndị-agha ahụn gha ẹbamịn-ugu bịa; m k'a chụ wẹ shi atụ, alị ọkpọ-nkụn nwọnlẹni onyẹ bin'ẹ. M k'a chụ ndị rị ihun shi ohimin rị ẹbamịn ọwụwa-ẹnyanwụn, a chụ m ndị rị azụụn shi ohimin rị ẹbamịn ọdịdan-ẹnyanwụn. Ozun wẹ k'e shinja, o k'a ghadẹ imẹ mirin e shinpụha. “Eziẹ, Osolobuẹ e mẹọlẹ okẹn ihiẹn!

Juwẹlụ 3:18

O ru ogẹn ahụn, ugu ndịnị k'e ye manya vaịnị ọda-ọda; elu-òke ndịnị e ye mirin-ẹran efin ọda-ọda mirin k'e jun iyi ile rị alị Juda; Isi-mirin k'a rị Ụlọ Osolobuẹ hụn mirin ẹ k'a gha e hupụha, a gba Ọdanmgbugbu Shitim mirin.

Maịka 4:2

Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Zẹkaraya 14:4

Ụhụọhịn ahụn, Osolobuẹ k'e gi ụkụ a ẹbụbụọ wuzo elu Ugu Olivu hụn rị ẹbamịn ọwụwa-ẹnyanwụn Jerusalẹm, Ugu Olivu e kewa ẹbụọ, gha ẹbamịn ọwụwa-ẹnyanwụn a d'e ru ẹbamịn ọdịdan ẹnyanwụn a, ọdanmgbugbu shịagbu enwẹn ẹ a pụha etintin Ugu Olivu. Azụụnnị e shi ẹbamịn ugu, azụụnnị e shi ẹbamịn ndịdan;

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 5:4

Makẹni, mmọn-ozi Di-nwọnni-ẹnyi a bịa mbụ-lẹ-ẹbụọ d'e mẹhunmẹ mirin hụ. O mẹhunmẹgụ a, onyẹ bu ụzọ banye a dịnhịn emu ọwụlẹ rị a kụn'a.

Jọnụ 7:38

Onyẹ kwerini m, ọ rịn'a kẹ Ẹkụkwọ-nsọ dọn ku: ‘Mirin hụn e ye ndụn k'a gha imẹ ẹ e hupụha kẹ iyi.’ ”

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.