Zẹkaraya 14:20 - Ika

²⁰ O ru ogẹn hụ, mgbịrịgban mmaka ẹshin yi olu k'a wụ “Ihiẹn Wẹ Gi Kwanị Osolobuẹ”; ite wẹ gi e shi ihiẹn-oriri imẹ Ụlọ Osolobuẹ k'a rị nsọ kẹ afẹrẹ-nsọ rị ihun Ukpo nchụn-ẹjan;

Zẹkaraya 14:20 ပူးပေါင်းရင်းမြစ်များ

Ndị-nze Nke Ibuzọ 7:50

ihiẹn ndị hụ wẹ gisọnmẹ ezigbo goru wẹ buchelẹni ihiẹn ọzọ mẹmẹ: kẹ afẹrẹ uku ndị hụ kẹ nwa-mbu ukpẹ ndị hụ kẹ afẹrẹ ndị ọzọ rịn'a kẹ sẹnsa wẹ gi a mụ nsẹnsi kẹ ụkụ-ọnụmụzọ rịchanrịn imẹ-imẹ, ụkụ-ọnụmụzọ Ebẹhụ Kachanrịn Nsọ lẹ ụkụ-ọnụmụzọ ibẹrẹ uku rị Ụlọ-NSỌ.

Ihiẹn Mẹni Nke Ẹbụọ 4:8

O mẹmẹ teburu iri, bu wẹ che imẹ Ụlọ-NSỌ: isẹn rị ẹbamịn ndịdan-mirin, isẹn rị ẹbamịn-ugu. O mẹmẹzi afẹrẹ goru ọgụn-isẹn wẹ gi e fekpu ihiẹn.

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ọpụpụ 25:29

y'e gi ezigbo goru wẹ buchelẹni ihiẹn ọzọ mẹmẹ afẹrẹ-unyẹgbe lẹ mkpu lẹ afẹrẹ-mgbugbu hụn wẹ lẹ teburu hụ wị — hụn w'e gi e huye oyiye.

Ọpụpụ 37:16

Wẹ nọ gizi ezigbo goru wẹ buchelẹni ihiẹn ọzọ mẹmẹ ihiẹn ndị wẹ lẹ teburu hụ wị: kẹ afẹrẹ-unyẹgbe kẹ afẹrẹ-mgbugbu kẹ mkpu rị ichẹn-ichẹn w'e gi e huye oyiye-manya.

Ọpụpụ 39:30

Wẹ nọ gi ezigbo goru wẹ buchelẹni ihiẹn ọzọ mẹmẹ ibe-goru hụ, okpu-eze hụ rị nsọ, tụye ihiẹn ihun ẹ kẹ w'e mẹmẹ ihiẹn wẹ gi e biye ẹka; ihiẹn wẹ tụye wụ: “Hụn Wẹ Gi Kwanị Osolobuẹ”.

Azaya 23:18

Kanị, erere-afịa a lẹ ụgwọ-ọrụn a ile k'a wụrụ ihiẹn wẹ gi kwachanrịnnị Osolobuẹ; edọnmẹkọ w'a — kama o k'a wụrụ nke ndị e bi ihun Osolobuẹ, e gi wẹ ẹ e rijun ẹfọ, e yi ẹkwa rị mma.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Jerimaya 31:40

Ọdanmgbugbu hụ rị ebẹhụ hụn w'a tụye ozun lẹ ntụn anụ ndị nchụn-ẹjan kpọ ọkụn lẹ alị ugbo ile rị mkpẹnrẹn Ọdanmgbugbu hụ k'a rịchanrịn imẹ ẹ, rudẹ Ọdanmgbugbu Kidrọnụ hụn rị ẹbamịn ọwụwa-ẹnyanwụn, pụhazị Ọnụ-mgbọn Ẹshin rị ẹbamịn-ugu. Wẹ ile jẹnkọ d'a wụ ihiẹn rị nsọ ẹnya Osolobuẹ. Ehuepụkọzị wẹ obodoni mọbụ tikpọzị a.”

Izikẹlụ 45:1

“ ‘Ụnụ jẹnkọnị d'e keye ebọn-ebọn alị, ụnụ e we azụụn ohu kwanị Osolobuẹ. Ebẹhụ ụnụ bepụhan'a a wụrụ Idumu rị nsọ. Usue ẹ k'a wụ maịlị ẹsatọ lẹ ụzọ ohu imẹ ụzọ ẹtọ (8⅓), ụshịa a k'a wụ maịlị isin lẹ ụzọ ẹbụọ imẹ ụzọ ẹtọ (6⅔); ebahụn ile k'a rị nsọ.

Lẹvitikọsụ 6:28

Omẹni ite-ụrụa kẹ wẹ gi shi anụ a, wẹ k'e tikpọrịrị a; kanị omẹni ite igwe-bronzu kẹ wẹ gi shi ẹ, a kọchanpụchanrịn w'a, gi mirin ṅanchan a.

Lẹvitikọsụ 8:9

Ya ọ nọ bu okpu hụ che Ẹrọnụ isi, we ibe goru hụ wụ okpu-eze nsọ kẹnmẹye ihun okpu hụ. Ẹrịra kẹ Osolobuẹ gwa Mozizi ya mẹ wẹ.

Obadaya 1:17

Kanị, elu Ugu Zayọnụ wụ Izrẹlụ, o k'e nwọn ndị k'a wanahịnnị; wẹ k'a rịzịkwọ nsọ; uwẹ ndị ikpụlọ Jekọpụ k'e weri alị wẹ.

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹkaraya 14:19

Ịya wụ afụnfụn Osolobuẹ k'e ye alị Ijiptu lẹ alị ile jẹnlẹni Jerusalẹm d'e mẹ mmẹmmẹ Ibi-imẹ-ọdụ.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ọgụngụn 4:14

A bịa wẹ d'e bu ihiẹn ile wẹ gi a rụn ọrụn gbashịarị ukpo hụ che elu ẹ: kẹ ibe ihiẹn ndị wẹ gi e bi ọkụn, ndụndụn ndị wẹ gi a dụn anụ, ọsẹkẹ wẹ gi e kpọnpụ ntụn, afẹrẹ ndị hini. Wẹ k'e gi akpụkpọ efin-ohimin kpumẹ elu ẹ, bu akp'osisi ndị wẹ gi e bu ẹ che ọnọdị wẹ.

Ọgụngụn 4:7

“E gi wẹ ẹkwa bru gbama elu teburu hụ w'e butọnị m brẹdi, bu mmụ-afẹrẹ lẹ ugbẹgbẹ-nta lẹ ugbẹgbẹ-uku ndị rị ebẹhụ che elu ẹ, wẹ lẹ afẹrẹ lẹ mkpu ndị wẹ gi e huye manya oyiye-manya; brẹdi hụ a rị elu teburu hụ ogẹn ile k'a rịsọnmẹ ọnọdị a elu teburu hụ.

Ọgụngụn 7:13

Ihiẹn o wẹhẹ wụ mgbadọn ohu wẹ gi akpụrụ siliva iri kwasị ọgụn-isin kpụ lẹ afẹrẹ wẹ gi akpụrụ siliva iri kwasị ọgụn-ẹtọ kpụ wẹ gi e fekpu ihiẹn. Ihiẹn wẹ gi a ma siliva Ọdụ-nsọ kẹ wẹ gi ma wẹ ẹbụbụọ; ọka wẹ gweriẹn gi ofugbọn-olivu gwọ a jun wẹ ẹbụbụọ;

Ọgụngụn 7:19

Ihiẹn o wẹhẹ wụ mgbadọn ohu wẹ gi akpụrụ siliva iri kwasị ọgụn-isin kpụ lẹ afẹrẹ wẹ gi akpụrụ siliva iri kwasị ọgụn-ẹtọ kpụ wẹ gi e fekpu ihiẹn. Ihiẹn wẹ gi a ma siliva Ọdụ-nsọ kẹ wẹ gi ma wẹ ẹbụbụọ; ọka wẹ gweriẹn gi ofugbọn-olivu gwọ a jun wẹ ẹbụbụọ;

Luku 11:41

Ka we ni nwan ihiẹn rị imẹ ẹ ye ndị igbẹnnyẹ, ogẹn ahụn ihiẹn ile a rịchanrịnnị ụnụ ọchan.

Ọrụn Ndị-ozi 10:15

Olu hụ nọ gwazị a oku nke mgbe ẹbụọ, sị, “Akpọkwọlẹ ihiẹn Osolobuẹ mẹgụ n'ọ rị ọchan ihiẹn w'a sọ.”

Ọrụn Ndị-ozi 10:28

Ọ nọ sị wẹ, “Ụnụ lẹ enwẹn ụnụ a marịnghọ nị Iwu kwọndọn onyẹ Ju sọn onyẹ alị ọzọ mẹkọ mọbụ jẹn iwe ẹ. Kanị Osolobuẹ a ghọsịgụọ m m'a kpọlẹ onyẹ ọwụlẹ ‘onyẹ w'a sọ’ mọbụ ‘onyẹ wẹ ghalẹni a nọkunmẹ’.

Ọrụn Ndị-ozi 11:9

Kanị olu hụ a gha elu-igwee sịzị, ‘Ihiẹn Osolobuẹ mẹgụ n'ọ rị ọchan, akpọkwọl'a ihiẹn w'a sọ.’

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Ibuzọ 4:11

Onyẹ e kuni, ya ku kẹ onyẹ Osolobuẹ gi ẹ e ku; onyẹ e jẹn ozi ya mẹ ẹ kẹ onyẹ Osolobuẹ rị e ye ikẹn: kẹni wẹ e gi ihiẹn ile e ye Osolobuẹ ọghọ ghahanị Jesu Kristi. Ọghọ lẹ ikẹn ile wụ nke ẹ jẹnrin ejẹn. Isẹẹ.

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Rẹvẹleshọnụ 20:6

Ndị k'a gha ọnwụn lihi olihi ibuzọnị e nwọnkẹ ngọzi; wẹ rị nsọ. Ọnwụn nke mgbe ẹbụọ erukọ wẹ ẹhụ, kama, wẹ k'a wụ ndị nchụn-ẹjan Osolobuẹ lẹ Kraịstị, wẹ k'e sọn Kraịstị kị ahụa nnụ-uku.

Rẹvẹleshọnụ 5:10

Y'e mẹgụọ wẹ wụrụnị Osolobuẹ ẹnyi alị-eze lẹ ndị nchụn-ẹjan; wẹ k'a kị elu-ụwa.”

Samuẹlụ Nke Ibuzọ 2:14

o zu ndụndụn hụ ye imẹ ite mọbụ ihiẹn ọzọ ọwụlẹ wẹ gi shimẹ anụ hụ; ihiẹn ọwụlẹ ndụndụn hụ wepụha a wụrụ nke onyẹ nchụn-ẹjan. Ẹnịna kẹ wẹ e mẹ ndị Izrẹlụ ile hụn a bịa imẹ Shilo d'a chụnyeni Osolobuẹ ẹjan.