Zẹkaraya 14:16 - Ika

¹⁶ Omẹgụ, ndị wẹ gbuhọdụ imẹ alị ile lụsọn Jerusalẹm agha e jẹnmẹ Jerusalẹm ahụa-ahụa d'e fe Eze, Osolobuẹ ihiẹn ile rị okpuru ẹ, lẹni wẹ d'e mẹ mmẹmmẹ Ibi-imẹ-ọdụ.

Zẹkaraya 14:16 ပူးပေါင်းရင်းမြစ်များ

Ihiẹn Mẹni Nke Ẹbụọ 8:13

nọkẹ kẹ Mozizi dọn gwa wẹ imẹ Iwu nị w'a chụn ẹjan ụhụọhịn ichẹn-ichẹn, kẹ Ụhụọhịn Ezumikẹn kẹ Ifọn-Ọhụn kẹ Mmẹmmẹ ẹtọ hụ w'e mẹ ahụa-ahụa: Mmẹmmẹ Brẹdi Nwọnlẹni yisti o gi a fụ, Mmẹmmẹ Izuka-nke-ẹsa (Ịghọkwama Ihiẹn-ugbo) lẹ Mmẹmmẹ Ibi-imẹ-ọdụ.

Ẹzra 3:4

Wẹ nọ mẹ Mmẹmmẹ Ibi-imẹ-ọdụ kẹ wẹ dọn de ẹ imẹ Iwu, a chụn wẹ ẹjan w'a kpọ ọkụn ole w'a chụ ụhụọhịn-ụhụọhịn imẹ Mmẹmmẹ hụ.

Ẹbụ-ọma 66:4

Ụwa ile a kụn'ị isi alị; a bụn'ị ẹbụ ịja-mma; w'e gi ẹbụ a ja ẹfan ị mma.” Sẹla

Azaya 18:7

O ru ogẹn ahụn, ndị ahụn e wẹhẹmẹni Osolobuẹ ihiẹn ile rị okpuru ẹ ihiẹn, ndị hụ sue usue, nwọnkẹlẹni ẹṅẹnrẹn ẹhụ; ndị ahụn w'a tụ egun wẹ — kẹ ẹhụ-nsue kẹ ebe teni; ndị zegbu enwẹn wẹ hụn a zọgbusọnmẹ ndị ọzọ; ndị hụn iyi kebesọnmẹ alị wẹ. Ugu Zayọnụ, ebẹhụ ẹfan Osolobuẹ ihiẹn ile rị okpuru ẹ rị kẹ wẹ k'e wẹhẹ oyiye ndị hụ.

Azaya 19:21

Ẹrịra kẹ Osolobuẹ k'a dọn mẹ ndị Ijiptu marịn a ọhụnma; ogẹn ahụn ndị Ijiptu k'e kweri nị ịya wụ Osolobuẹ nke-esi. Wẹ k'e gi ẹjan ichẹn-ichẹn lẹ oyiye ọka fe ẹ; wẹ k'a gha e kwe Osolobuẹ nkwa, e mẹzu wẹ.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Azaya 66:23

Osolobuẹ sị, “Ịhịan ile rị elu-ụwa k'a rị a bịa d'e fe m gha ifọn d'e ru ifọn, gha Ụhụọhịn Ezumikẹn d'e ru Ụhụọhịn Ezumikẹn.

Jerimaya 46:18

Mmẹ, Eze hụn ẹfan a wụ Osolobuẹ ihiẹn ile ri okpuru ẹ, rị e ku ẹ nị: Nebukadineza k'a bịarịrị d'e mẹ ụnụ ihiẹn, mmanị m nwụnhụn anwụnhụn! O k'a ka ibe ẹ nọkẹ ugu Tabọ; O k'a ka ibe ẹ nọkẹ Ugu Kamẹlụ hụn kachanrịn elu e jẹn mkpẹnrẹn ohimin.

Jerimaya 48:15

“ ‘Wẹ k'e tikpọ alị Mụabụ; agha k'e ru obodo ile rịn'a; wẹ k'e gbuchanrịndẹ ikorọbịa a ndị kachanrịn mma. Eze hụn ẹfan a wụ Osolobuẹ ihiẹn ile rị okpuru ẹ e kugụọ a!’

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Hosia 12:9

Kanị mmẹ wụ Osolobuẹ Chuku ụnụ ghakwọrị ogẹn ụnụ gi rị alị Ijiptu. M k'e mẹrịrị ụnụ bizi imẹ ọdụ ndị ahụn hụn ụnụ a nyanhan ogẹn mmẹmmẹ ahụa-ahụa ụnụ.

Juwẹlụ 2:32

Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.

Maịka 4:2

Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Zẹkaraya 9:7

M sikọ d'a napụ wẹ ẹdeke-anụ ahụn w'e ri, napụsọnmẹ wẹ ihiẹn ile rụnị w'e ri; alị Filistia k'e họnrinzịkwọ nke Osolobuẹ ẹnyi; o k'a wụrụ ẹbozo imẹ ebọn Juda, ndị Ẹkrọnụ nkẹ k'a wụrụ ndị nke m nọkẹ kẹ ndị Jebusu dọn wụ.

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Luku 19:38

“Ịja-mma ya rịnị Eze ahụn gi ẹfan Di-nwọnni-ẹnyi bịa! Udọn ya rị elu-igwee, Ngọzi ya rịnị Osolobuẹ ebẹhụ kachanrịn elu ejẹn.”

Jọnụ 1:49

Natanẹlụ nọ sị, “Onyẹ-nkuzi, eziẹ ịyụ wụ Nwa Osolobuẹ; ịyụ wụ Eze ndị Izrẹlụ!”

Jọnụ 7:2

Ogẹn hụ, mmẹmmẹ ndị Ju gi a nọdịsọnmẹ imẹ Ọdụ w'a kpụkpọrị e rugụọ.

Ọrụn Ndị-ozi 15:17

kẹni ndị ile họdụnị hụn ụzọ bịa d'e kunrun Di-nwọnni-ẹnyi — kẹ ndị alị ọzọ ile m k'a kpọ d'a za ẹfan m. Ya kẹ Di-nwọnni-ẹnyi hụn mẹ wẹ

Ndị Rom 11:16

Omẹni brẹdi wẹ bu ụzọ beri ye Osolobuẹ hụghọ nsọ, ogbe wẹ gha beri ẹ rịzịkwọ nsọ; omẹni mkpọgụn osisi rị nsọ, agala ndị rị osisi hụ hụzị nsọ.

Ndị Rom 11:26

Ya wụ, ndị Izrẹlụ ile jẹnkọ d'e nwọn nzụọpụha, nọkẹ kẹ Ẹkụkwọ-nsọ dọn ku, sị, “Onyẹ-nzụọpụha k'a gha obodo Zayọnụ bịa; o k'e wepụ eje-obibi imẹ igunrun ụmụ Jekọpụ.”

Ndị Rom 11:5

Ẹrịra k'ọ rịkwọ nwan; o nwọnzighọ ndị bulẹni ọda họdụnị, ndị Osolobuẹ gi ẹfọma a họtọ.

Rẹvẹleshọnụ 11:13

Ozigbo, alị nọ zinzin ọda-ọda, azụụn ohu imẹ obodo hụ nọ tikpọ, ọ họdụ azụụn itenẹi. Alị hụ zinzinni gbu madụ nnụ-uku ẹsa (7,000). Egun nọ tụkẹnmẹ ndị họdụnị, wẹ nọ kweri nị Osolobuẹ hụn rị elu-igwee e hikẹ ogbe.

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”