Zẹkaraya 13:9 - Ika

⁹ m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Zẹkaraya 13:9 ပူးပေါင်းရင်းမြစ်များ

Samuẹlụ Nke Ẹbụọ 7:24

Y'e gichanrịngụọ ndị nke i wụ Izrẹlụ họnrin ndị nke i jẹnrin-ejẹn; ịyụ lẹ enwẹn i wụ Osolobuẹ a wụrụgụọ Chuku wẹ.

Jobu 23:10

Kanị ọ marịnghọ ụzọ m'a gha; o lelegụ m, m k'a pụha ọhụnma lekẹ goru.

Jobu 28:1

“O nwọnghọ ebe wẹ nọ e gu siliva lẹ ebe wẹ nọ a chanchanpụha goru.

Ẹbụ-ọma 144:15

Alị ihiẹn rịnị mma ẹnịna e nwọngụọ ngọzi, alị hụn Osolobuẹ wụ Chuku wẹ e nwọngụọ ngọzi.

Ẹbụ-ọma 43:4

Ogẹn ahụn, e shi m ukpo wẹ n'a chụnyeni Chuku ẹjan; e jẹnburu m Chuku hụn wụ okẹn ịghọghọ m; e gi m ụbọ bụn'ị ẹbụ ọjịja-mma — Chuku, Chuku m!

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Ẹbụ-ọma 91:15

O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.

Itẹn 17:3

Ọkụn kẹ wẹ gi e lele siliva; okẹn ọkụn kẹ wẹ gi e lele goru; kanị Osolobuẹ ya nwọn e lele obi.

Ẹbụ Solomọnụ 2:16

Nke-m wụ nke m, mmẹ nwẹn wụ nke ẹ; ọ rị ebẹhụ wẹ kun lili jun a ghahunmẹ.

Azaya 43:2

Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Azaya 48:10

A chanchangụọ m'ị nwan, kanị ẹlẹ nke siliva mmaka; e gigụọ m afụnfụn chanchan ị kẹ ọkụn dọn a chanchan ihiẹn.

Azaya 58:9

Ị kpọ Osolobuẹ oku, ọ za ị; Ị kwanma n'o yeni i ẹka, Osolobuẹ a sị ị, “Lee m ebeni!” Omẹni y'a kụsị mmẹgbu, gbabehi ibe ụnụ mkpịnsịn-ẹka ihun, kujabehi oku ịhịan,

Jerimaya 24:5

“Lee ihiẹn mmẹ Osolobuẹ hụn wụ Chuku Izrẹlụ rị e ku: Ogbe figi ndị ahụn rị mma wụ ndị Juda hụn m zipụ shi alị ndị Kal'di wụ Babilọnụ. M k'e weri wẹ kẹ ndị rị mma.

Jerimaya 30:22

Ụnụ k'a wụrụ ndị nke m nke-esi, mmẹ nwẹn a wụrụ Chuku ụnụ.”

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 32:38

Wẹ k'a wụ ndị nke m, mmẹ nwẹn a wụrụ Chuku wẹ.

Jerimaya 9:6

Ndị yụ lẹ wẹ bi ẹlẹkwọ ndị w'e gi dọn ẹnya; obibi wẹ anịnị wẹ marịn m.” Ya kẹ Osolobuẹ ku.

Izikẹlụ 11:20

kẹni wẹ hụn ụzọ e gi iwu m e bi, e dọnmẹ iwu ndị m ye wẹ. Wẹ k'a wụ ndị nke m, a wụrụ m Chuku wẹ.

Izikẹlụ 14:11

Ogẹn hụ, ndị Izrẹlụ agbakịtọkọzị m azụụn, egikọzị wẹ njọ wẹ mẹrụ enwẹn wẹ. A wụrụ wẹ ndị nke m, a wụrụ m Chuku wẹ. Ya kẹ Osolobuẹ Nwọn Ihiẹn Ile ku.”

Izikẹlụ 20:38

M k'a gha alị ụnụ shiẹnpụchanrịn ndị ile rị imẹ ụnụ hụn a pa oku m lẹ ndị e feni m isi. M k'e wepụha wẹ alị wẹ bi, kanị abanyekọ wẹ alị Izrẹlụ, ụnụ e gi ẹ marịn nị m wụ Osolobuẹ.

Izikẹlụ 36:28

Ụnụ e biri alị ahụn m ye ndị nẹdi ụnụ kanị, ụnụ a wụrụ ndị nke m, mmẹ nwẹn a wụrụ Chuku ụnụ.

Izikẹlụ 37:27

M sikọ d'e du wẹ biri, a wụrụ m Chuku wẹ, a wụrụ wẹ ndị nke m.

Daniẹlụ 11:35

Imẹ ndị hụ marịn ihiẹn, o nwọn ndị k'a kpọgburu imẹ okukwe wẹ, e gi wẹ ẹ chanchan wẹ kẹ w'a chanchan goru, dọn wẹ nsọ, mẹ wẹ zu oke d'e ru ogẹn ọgụgụ, makẹni o k'a bịarịrị o ru ogẹn ẹ.

Daniẹlụ 12:10

Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Juwẹlụ 2:32

Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.

Lẹvitikọsụ 26:12

M k'a gha e jẹnhunmẹ imẹ igunrun ụnụ, a wụrụ m Chuku ụnụ, ụnụ a wụrụ ndị nke m.

Zẹkaraya 10:6

M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Zẹkaraya 8:8

e welụa m wẹ Jerusalẹm d'e biri, a wụrụ wẹ ndị nke m, mmẹ nwẹn a wụrụ Chuku wẹ, gi ezioku lẹ ezi-omumẹ e sọn wẹ.”

Ọrụn Ndị-ozi 2:21

Ogẹn hụ, onyẹ ọwụlẹ hụn k'a kpọku ẹfan Di-nwọnni-ẹnyi k'e nwọn nzụọpụha.” ’

Hibru 8:10

‘Di-nwọnni-ẹnyi sị, ọnwan wụ nkwerigbama hụ hụn m jẹnkọ d'e tumẹ ẹgbata mmẹ lẹ ndị Izrẹlụ, o mẹgụ: m jẹnkọ d'e bu iwu m che imẹ uche wẹ, de wẹ ye imẹ obi wẹ. M k'a wụ Chuku wẹ, a wụrụ wẹ ndị nke m.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Pita Ibuzọ 4:12

Ndị rị m obi, anịkwọlẹ ni okẹn afụnfụnnị wẹ gi rị e lele ụnụ tụ ụnụ ẹnya nọkẹ sị ihiẹn mẹtulẹni rị e mẹ ụnụ.

Rẹvẹleshọnụ 21:7

Onyẹ hụn mẹrini k'e nwọnhẹn ihiẹn ndịnị. M k'a wụ Osolobuẹ ẹ, ya nwẹn a wụ nwa m.

Rẹvẹleshọnụ 8:10

Mmọn-ozi nke ẹtọ nọ gbu opi ẹ: kokisẹ ohu hi-ogbe rị e nwun kẹ ọkụn ọwa nọ gha igwere dan. Imẹ iyi ile rị ụwa, ọ danye azụụn ohu latọ azụụn ẹbụọ, kẹ iyi kẹ isi-mirin.

Rẹvẹleshọnụ 8:11

Ẹfan kokisẹ hụ wụ “Elumilu.” Imẹ mirin ile rịnị, ụzọ ohu nọ lumẹ ilu, ọ họdụ ụzọ ẹbụọ. Ndị bu ọda nọ nwụnhụn makẹ mirin hụ rị e lu ilu.

Rẹvẹleshọnụ 8:12

Mmọn-ozi nke ẹnọ e gbu opi ẹ, ẹnyanwụn nọ wiwi azụụn ohu, ifọn lẹ kokisẹ nọ wiwizịkwọ azụụn ohu-ohu, a latọsọnmẹ wẹ azụụn ẹbụọ-ẹbụọ. Ukpẹ wẹ nọ tibelụa, timẹhụ ụzọ ẹbụọ imẹ ụzọ ẹtọ. Anwụn amụchanrịnzịnị kẹ ụhụọhịn han k'o dọn a mụ mbụ; ifọn etibiehanzịnị k'o dọn e ti mbụ. Wẹ kebe ụhụọhịn ụzọ ẹtọ, anwụn amụkarịzịnị ụzọ ẹbụọ — ẹrịra kẹ ifọn mẹzikwọ imẹ uhinhin.

Rẹvẹleshọnụ 8:7

Mmọn-ozi nke ibuzọ e gbu opi ẹ, wẹ nọ ma ẹkwan-igwere lẹ ọkụn wẹ gwọgbama ya lẹ ẹdeke ye imẹ ụwa, ọ nọ dụnpụ ụzọ ohu, latọ ụzọ ẹbụọ; imẹ osisi ile, ọ dụnpụzị ụzọ ohu, ọ họdụ ụzọ ẹbụọ; ọ dụnpụchanrịn irurue ile rị e sue alị.

Rẹvẹleshọnụ 8:8

Mmọn-ozi nke ẹbụọ nọ gbu opi ẹ, wẹ nọ tụ ihiẹn nọ kẹ ẹregede ugu rị e nwun ọkụn ye imẹ ohimin — ohimin nọ họnrin ẹdeke azụụn ohu, ọ họdụ azụụn ẹbụọ.

Rẹvẹleshọnụ 8:9

Ụzọ ohu imẹ ihiẹn ndị rị ndụn imẹ ohimin nọ nwụnhụn, ọ họdụ ụzọ ẹbụọ. Imẹ ụgbọ-mirin ile, ụzọ ohu nọ tikpọpụ, ọ họdụ ụzọ ẹbụọ.