Zẹkaraya 13:7 - Ika

⁷ “Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Zẹkaraya 13:7 ပူးပေါင်းရင်းမြစ်များ

Ẹbụ-ọma 2:2

Ndị-nze ụwa rị a kwademẹ, ndị ọkịkị wẹ rị e zu umẹ nị wẹ bunụmanị Osolobuẹ lẹ onyẹ o te udẹn, tumẹ!

Azaya 1:25

Ẹka m k'e bitụ ị; m k'e wepụchanrịn unyin rị imẹ i, wepụchanrịn ihiẹn ile rịlẹni mma rị imẹ i.

Azaya 27:1

O ru ụhụọhịn ahụn, Osolobuẹ k'e gi okẹn ọpịa a hụn a tụ egun ye Lẹvịatanị afụnfụn, Lẹvịatanị, eje-agwọ ahụn a gba okẹn-ọsọ, Lẹvịatanị ahụn a fịkọsọnmẹni; Osolobuẹ k'e gbu eje-anụ ohimin hụ.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 47:6

“ ‘Euu ọpịa-agha Osolobuẹ! ele mgbe y'e gbubehi? Kin azụụn imẹ ọbụọ ị; gbubehi, zu ikẹn!’

Izikẹlụ 21:28

“Yụ nwẹn, nwa-ịhịan, bu amụma, sị: Lee ihiẹn Osolobuẹ Nwọn Ihiẹn Ile ku banyeni ndị Amọnụ lẹ ụya lalanịnị wẹ!! Sị wẹ nwan, ‘Ọpịa-agha, ọpịa-agha! E sepụhagụọ wẹ ọpịa-agha w'e k'e gi gbu ụnụ; e finchangụọ w'a ọhụnma-ọhụnma, ọ hụ e be nwaịn-nwaịn nọkẹ amụma,

Izikẹlụ 21:3

Sị alị Izrẹlụ, ‘Osolobuẹ sị: Lee ẹ, mmẹ lẹ yụ rọ! M k'e sepụha ọpịa-agha m imẹ ọbụọ a, gbupụ kẹ ndị ezi-omumẹ kẹ ndị-ejẹ rịn'a!

Izikẹlụ 37:24

“ ‘Odibo m wụ Defidi k'a wụrụ eze wẹ, wẹ ile e nwọnrin onyẹ-ndu ohu, e gi wẹ usọnrọn m tumẹni wẹ e bi, e dọnmẹ Iwu m.

Izikẹlụ 7:6

Ọgụgụ rọ! Ọgụgụ rọ! O tẹnhinkunrungụọ ị. Lee ẹ k'ọ lala!

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Maịka 5:4

O k'a pụha nwan, gi ikẹn Osolobuẹ, ọghọ rị ẹfan Osolobuẹ wụ Chuku ẹ zụn atụnrụn a. Onwọnzini ihiẹn k'e mẹ wẹ, makẹni o k'a wụ okẹn ịhịan elu ụwa ile;

Zẹkaraya 11:11

Ya wụ, ụhụọhịn ahụn kẹ ihiẹn ẹnyi kwerigbama bi! Ndị afịa atụnrụn rị ebẹhụ e lee m nọ marịn nị ozi Osolobuẹ kẹ m gi ẹ zi.

Zẹkaraya 11:4

Osolobuẹ wụ Chuku m sị m, “D'e dumẹ igunrun atụnrụn wẹ rị a zụn nị wẹ gbu.

Zẹkaraya 11:7

Ya kẹ m nọ dumẹni ndị afịa atụnrụn atụnrụn wẹ jẹnkọ d'e gbu, atụnrụn nwọnlẹni onyẹ wẹ rị mkpa. M nọ weri ọkpọ ẹbụọ m gi a kị wẹ: a kpọ m ohu “Ẹfọma”, kpọ hụn-ẹbọ “Ịrị-ohu”. M nọ dumẹ atụnrụn ndị ahụn.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Matiu 10:42

Onyẹ yedẹ onyẹ ohu imẹ ndịnị mẹ ẹkẹrẹ mkpu mirin-oyi ohu makẹni ọ wụ onyẹ nsọnmazụụn m, m rị a gwa ụnụ ezioku, ụgwọ-ọrụn a etuhukọ.”

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Matiu 18:14

Ẹrịrazịkwọ, onwọnni akpụ onyẹ ohu imẹ ndị ntanị hụn Nẹdi ụnụ rị elu-igwee chọ n'ọ la iwi.

Matiu 26:31

Ya Jizọsị nọ sị wẹ, “Ukinkinni, ụnụ ile jẹnkọ d'e gi ufiri m danpụ, makẹni Ẹkụkwọ-nsọ sị, ‘Osolobuẹ jẹnkọ d'e gbu onyẹ-ndu atụnrụn, atụnrụn ile a gbayịya.’

Matiu 26:56

Kanị, ihiẹn ndịnị ile rị nwan e mẹ kẹni ihiẹn ndị-amụma ku imẹ Ẹkụkwọ-nsọ mẹzu.” Ya kẹ ndị nsọnmazụụn a ile nọ la a tọ, gbama ọsọ.

Makị 14:27

Jesu nọ sị wẹ, “Ụnụ ile jẹnkọ d'a gba m tọ. Makẹni, Ẹkụkwọ-nsọ sị, ‘M jẹnkọ d'e gbu onyẹ-ndu atụnrụn, atụnrụn ile a gbayịya!’

Makị 14:50

Ndị nsọnmazụụn a ile nọ la a tọ, gbama ọsọ.

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 17:2

Ọ ka onyẹ hụ mma nị wẹ kẹnmẹ ọlọ y'ẹ olu, tụ a ye imẹ ohimin karị n'ọ han onyẹ ohu imẹ ndị ntanị mẹ njọ.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Jọnụ 10:30

Mmẹ lẹ Nẹdi m wụ ohu.”

Jọnụ 10:38

Kanị omẹni m hụ a rụn wẹ, ọsụọn'a nị ụnụ egini oku m dọn, gi ni ọrụn-atụmẹnya ndị m rụn dọn, kẹni ụnụ marịn lẹ n'o we ụnụ ẹnya nị Chuku-Nẹdi rị imẹ m, mmẹ nwẹn rị imẹ Chuku-Nẹdi.”

Jọnụ 14:1

Jizọsị nọ sị wẹ, “Anịlẹ ni obi nahịn ụnụ. Kweri ni ni Osolobuẹ; kwerizikwọ nị nị mmẹ nwẹn.

Jọnụ 14:23

Jesu nọ za a, “Onyẹ ọwụlẹ ihiẹn m a sụọ jẹnkọ d'e mẹ ihiẹn m ku. Ihiẹn ẹ k'a gha a sụọ Nẹdi m, mmẹ lẹ Nẹdi m a bịa d'e kunrun ẹ, du ẹ biri.

Jọnụ 16:15

Ihiẹn ile Nẹdi m nwọn wụ nke m; ya haịn m gi sị nị Mmọn-nsọ jẹnkọ d'e weri ihiẹn m k'e ye ẹ, gwa ụnụ.

Jọnụ 16:32

Ogẹn lala — o rugụọdẹ nwan, hụn ụnụ e gi gbayịya, onyẹ-onyẹ e shi iwe ẹ, la mmẹ sụọ tọ. Kanị, ẹlẹ mmẹ sụọ rị, Nẹdi m nọyeni m anọyeni.

Jọnụ 5:23

kẹni ịhịan ile gbaye Nwa a kẹ wẹ dọn a gbaye Chuku-Nẹdi. Onyẹ gbayelẹni Nwa a agbayeni Chuku-Nẹdi zihẹn'ẹ.

Jọnụ 8:58

Jesu nọ sị wẹ, “Ezioku kẹ m rị a gwa ụnụ, m wụ Onyẹ M Wụ nị wẹ d'a mụ Ebraham.”

Ọrụn Ndị-ozi 2:23

Kanị ihiẹn Osolobuẹ rotọ kaye nọ mẹ, ụnụ nọ we ẹ ye ndị alị ọzọ marịnlẹni Osolobuẹ, wẹ nọ kpọgbuni ụnụ ya elu obe.

Ndị Rom 4:25

Osolobuẹ gi ufiri njọ ẹnyi we Jesu ye n'ọ nwụnhụn, ghazị ọnwụn weli Jesu kẹni o gi ifiri Jesu kuni ẹnyi ọhụnma.

Ndị Rom 8:32

Omẹni Osolobuẹ etuni nị Nwa a rọ, kama, o gi ufiri ẹnyi ile we ẹ ye, o yechanrịnkọ ẹnyi ihiẹn ndị ọzọ ile?

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Ndị Filipi 2:6

Ọsụọn'a nị Osolobuẹ k'ọ wụ, o mẹdẹni nị ya lẹ Osolobuẹ han.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Pita Ibuzọ 5:4

kẹni, Onyẹ-isi ndị-ndu atụnrụn bịa, o gi okpu-eze ọghọ ahụn ghalẹni a fapụ tu ụnụ ugọn.

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 1:17

Ogẹn m gi hụn a, m nọ fiẹnrin alị ụkụ a kẹ onyẹ nwụnhụnnị. Kanị, ọ nọ bu ẹka-nni ẹ kwasị m, sị, “Atụlẹ egun. Mmẹ wụ Ibuzọ lẹ Ikpanzụụn.

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.