Zẹkaraya 12:8 - Ika

⁸ O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Zẹkaraya 12:8 ပူးပေါင်းရင်းမြစ်များ

Ẹbụ-ọma 8:5

Bụ y'e mẹgụọ a onyẹ Osolobuẹ kahụ ẹkẹrẹ — y'e gigụọ ọghọ lẹ ikpẹn tu ẹ ugọn.

Ẹbụ-ọma 82:6

E kughọ m'a nị ‘Mmọn kẹ ụnụ wụ, ụnụ ile wụ ụmụ Chuku ahụn kachanrịnnị.’

Ọpụpụ 14:19

Ya kẹ Mmọn-ozi Osolobuẹ hụn rị ihun ndị-agha Izrẹlụ nọ nwan gha ihun wẹ pụ, shi wẹ azụụn, orukpu ahụn e duni wẹ a gha ihun wẹ pụ, shi wẹ azụụn,

Ọpụpụ 33:2

M k'e zi mmọn-ozi n'o buruni ụnụ ụzọ; m sikọ d'a chụpụ ndị Kenaanị, ndị Amọ, ndị Hẹti, ndị Pẹrẹzi, ndị Hivu lẹ ndị Jebusu.

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Azaya 31:4

Kanị, nke Osolobuẹ, ọ sị m, “Ẹwọrọ mọbụ nwa-ẹwọrọ gbu anụ, o ri ẹ, e dẹn; ọsụọn'a nị wẹ zidẹ igunrun ndị e du anụ d'a maye ẹ, onwọnni oro wẹ yi e mẹhunmẹn'ẹ; onwọnni ụzụn wẹ zụn o gi e dọn — o risọnmẹ ihiẹn ọ rị e ri. Ẹrịra kẹ Osolobuẹ k'a dọn lụnị ugu Zayọnụ ọgụn, o lekọ ẹnya azụụn.

Azaya 33:24

Onwọnzini onyẹ bi Zayọnụ hụn k'a sị, “Emu rị a kụ m” — Osolobuẹ k'a gbagharị ndị bi ebẹhụ njọ wẹ.

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 53:3

Wẹ lelịa a elelịa, jụ a; nsọngbu-nsọngbu lẹ afụnfụn wẹ gi a gbanị ịhịan ọsọ k'ọ hụnsọnmẹ. Wẹ legberi ẹ elegberi; onwọndẹni ihiẹn ẹnyi kpọ a.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Jerimaya 27:10

Ntụ kẹ wẹ rịkwọ a tụ ụnụ, ntụ hụn k'e wepụ ụnụ alị ụnụ, we ụnụ shi ebe tegbu enwẹn ẹ; makẹni, m sikọ d'a chụpụ ụnụ, ụnụ a la iwi.

Hosia 1:7

Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Hosia 12:3

Kẹ Jekọpụ rị ẹfọ, o kwọndọn nwẹnẹ ẹ atụkụ-azụụn; o suepụha, o sọn Osolobuẹ dọ —

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Juwẹlụ 3:10

Gi ni ọpịa-ọka ụnụ kpụrụ ọpịa-agha; gi ni ẹbeke ụnụ gi e befọn vaịnị kpụrụ obo. Onyẹ zelẹni ya sị enwẹn ẹ, ‘E zeghọ m!’

Lẹvitikọsụ 26:8

Madụ isẹn imẹ ụnụ k'a chụ madụ ọgụn-isẹn ọsọ, madụ ọgụn-isẹn k'a chụ madụ nnụ-uku iri (10,000), ụnụ k'e gi ọpịa-agha gbu ndị iṅẹnrẹn ụnụ, a dansọnmẹ wẹ ihun ụnụ.

Maịka 5:8

Ẹghẹẹ, ebọn Jekọpụ hụn k'a họdụnị, hụn k'a rị imẹ igunrun alị ndị ọzọ bu ọda, k'a rị kẹ ẹwọrọ hụn rị imẹ anụmanụ ndị ọzọ rị ẹgboko; Wẹ k'a rị kẹ nwa-ẹwọrọ rị imẹ igunrun atụnrụn, ọ ghakọnị imẹ igunrun atụnrụn, ọ hụ a zọgbu wẹ, a dọrinrin wẹ, onwọnni onyẹ a saẹka a zụọpụha wẹ ẹka a.

Maịka 7:16

Alị ndị ọzọ jẹnkọ d'a hụn a, ifẹnrẹn e mẹgbu wẹ nị ikẹn ile wẹ kpa enwọn ihiẹn ọ wụ, e gi wẹ ẹka kpumẹ ọnụ, ntịn a kụkin wẹ;

Maịka 7:8

Onyẹ iwe, amụlẹ m ẹmụ, makẹni, ọsụọn'a nị m dan adan, m k'e lihizi; ọsụọn'a nị m rị imẹ ishi, Osolobuẹ jẹnkọ d'a wụrụnị m ukpẹ.

Zẹkaraya 10:7

Ogẹn hụ ndị Ifrem k'a nọ kẹ odogun-agha; obi k'a gha a sụọ wẹ ụsụọ nọkẹ sị wẹ ra manya. Ụmụ wẹ k'a hụn a, ghọghọma; ẹfọ k'a sụọ wẹ ụsụọ makẹ Osolobuẹ.

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Zẹkaraya 9:14

Osolobuẹ k'a pụha imẹ elu azụụn nke wẹ; gbama ọbara-ụta a nọkẹ amụma! Chuku nwọn ihiẹn ile k'e gbu opi-agha, gi okẹn ufere gha ẹbamịn ọwụwa-ẹnyanwụn zụnshi agha.

Zẹkaraya 9:8

E weri m ọnọdị che Ụlọ m nche, a zọtịtabehi wẹ alị m; onwọnzini onyẹ k'a ghan'a n'ọ bịangbu wẹ, makẹni ẹnya m hụ a hụn ihiẹn rị e mẹni.

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Ndị Rom 9:5

Ebraham lẹ ndị nẹdi mbụ hụ wẹ marịn amarịn wụ ndị nke wẹ; ebọn wẹ kẹ wẹ mụye Kraịstị nọkẹ ịhịan — Kraịstị hụn wụ Osolobuẹ hụn ịhịan ile lẹ ihiẹn ile rị okpuru ẹ, ịja-mma ya rịn'a jẹnrin ejẹn! Isẹẹ.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Hibru 11:34

gi okukwe tinyụn okẹn ọkụn, gi ẹ wanahịn ọpịa-agha; gi ẹ nwọnhẹn ikẹn kẹ ndụn gụgụ wẹ; gi ẹ kpa ikẹn agha; gi ẹ chụzịza ndị-agha alị ọzọ;

Joshụa 23:10

Onyẹ ohu imẹ ụnụ hụ a chụ mmadụ nnụ-uku ọsọ makẹni Osolobuẹ wụ Chuku ụnụ rị a lụnị ụnụ ọgụn k'o dọn kwe ụnụ nkwa.

Rẹvẹleshọnụ 22:13

Mmẹ wụ Afa lẹ Omega, Ibuzọ lẹ Ikpanzụụn, Mbidọn lẹ Ọgụgụ.”

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”