Zẹkaraya 12:6 - Ika

⁶ “O ru ogẹn hụ, m k'e mẹ ebọn Juda ile wụrụ ọkụn rị imẹ ikpọn-nkụn, ẹka-nkụn rị ikpọn ọka ọkpọ-nkụn; wẹ k'e bu alị ile rị wẹ ẹka-nni ripụ, bu ndị rị ẹka-ekpẹn ripụ; kanị, Jerusalẹm nkẹ k'a rịzị ọnọdị a.

Zẹkaraya 12:6 ပူးပေါင်းရင်းမြစ်များ

Azaya 54:3

makẹni, i jẹnkọ d'a bashi ẹka-nni, bashi ẹka-ekpẹn; ụmụ ị k'e mẹrisọnmẹ ndị alị ọzọ weri obodo ndị wẹ gbatọsọnmẹ biri.

Azaya 9:20

E bu wẹ ihiẹn rị ibe ẹka-nni ri — ẹgụn hụkwọ a gụn wẹ; e ri wẹ hụn rị ibe ẹka-ekpẹn — ẹfọ ejunkwọnị wẹ. Onyẹ-onyẹ e ri anụ nwẹnẹ ẹ:

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Obadaya 1:18

Ikpụlọ Jekọpụ jẹnkọ wụ ọkụn; ẹghẹẹ, Ikpụlọ Josẹfụ k'a wụ ọkụn rị enwunni, ikpụlọ Isọ wụ Ẹdọm a wụrụ ẹfịfịa ọkpọ-nkụn; wẹ k'a dụnpụ ụmụ Isọ, onwọnni onyẹ k'a họdụ ikpụlọ Isọ.” Osolobuẹ e kuọl'a.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Zẹkaraya 1:16

“Osolobuẹ nọ nwan sị: ‘M k'e mẹni nwan Jerusalẹm omikẹn; wẹ sikọ d'a tụndọnzi Ụlọ-nsọ m imẹ ẹ. Ya kẹ Osolobuẹ ihiẹn ile rị okpuru ẹ ku. Wẹ sikọ d'a rụnzị ụlọ imẹ Jerusalẹm, nọzị imẹ e setịnpụ eriri ndị a tụn ụlọ.

Zẹkaraya 11:1

Alị Lẹbanọnụ, gụnpụ ụzọ ị, kẹni ọkụn bu osisi sida jun imẹ i ri!

Zẹkaraya 12:5

“Ogẹn hụ, ebọn-ebọn rị Juda k'a sị enwẹn wẹ, ‘Ndị bi Jerusalẹm ze eze ghahanị eyemẹka Osolobuẹ ihiẹn ile rị okpuru ẹ hụn wụ Chuku wẹ!’

Zẹkaraya 2:12

Osolobuẹ jẹnkọ d'e gi Juda họnrin azụụn nke ẹ imẹ alị a nị rị nsọ; o k'e gizi Jerusalẹm họnrin ihiẹn ẹ pụ-ichẹn.

Zẹkaraya 2:4

sị a, “Ọsọ, d'a sị okorọbịa hụ, ‘Jerusalẹm k'a wụ alị nwọnlẹni mgbọn makẹni ịhịan lẹ anụmanụ k'a barahị,

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Ndị Kọrẹntị Nke Ẹbụọ 6:7

ghahanị iku ezioku lẹ ikẹn Osolobuẹ rị e sọnni ẹnyi lẹ ibu ihiẹn-ọgụn Osolobuẹ sụọ ẹka-nni lẹ ẹka-ekpẹn;

Rẹvẹleshọnụ 20:9

Wẹ nọ ghakwọrị ebe wẹ rị fetu alị ichẹn-ichẹn rị elu-ụwa bịa d'e fihunmẹ ebẹhụ ndị nke Osolobuẹ rị lẹ obodo ahụn a sụọ Osolobuẹ; kanị, ọkụn nọ gha elu-igwee hidan, bu wẹ ile ri.