Zẹkaraya 12:10 - Ika

¹⁰ M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Zẹkaraya 12:10 ပူးပေါင်းရင်းမြစ်များ

Jẹnẹsisi 45:1

Josẹfụ asazịnị ẹka kwọndọn enwẹn ẹ, ọ sụọn'a nị ndị idibo ẹ ile rị ebẹhụ. Ọ nọ yi, “Sị nị onyẹ ọwụlẹ pụnị m!!” Onwọnni onyẹ ọzọ ya lẹ Josẹfụ rị ebẹhụ ogẹn o gi mẹ umunẹ marịn onyẹ ọ wụ.

Jẹnẹsisi 45:2

Ọ kwan ẹkwan hụn wụnị ndị Ijiptu ahụn a nụ k'ọ rị a kwan; kẹ ndị rị iwe Fẹro a nụghọdẹ oku ẹkwannị.

Ẹbụ-ọma 51:12

Yezi m ịghọghọ onyẹ hụn ị zụọpụha, y'e ye m obi m'e gi turusọnmẹ.

Itẹn 1:23

Omẹni ụnụ te gọn ntịn kẹ m rị a jụgbọ ụnụ, nkẹ a gwachanrịn m ụnụ ihiẹn rị m obi, mẹ ụnụ marịn ihiẹn m rị e ro.

Itẹn 4:3

Kẹ m rị nwa-ndu iwe nẹdi m, akpụ nwa ohu nnẹ m mụ hụn kelẹni kara,

Azaya 32:15

O k'a rị ẹrịra d'e ru mgbe Osolobuẹ gha elu-igwee hukpu ẹnyi Mmọn a, alị ọkpọ-nkụn e họnrin alị e mẹ ihiẹn ọhụnma, alị e mẹ ihiẹn ọhụnma e mẹkẹnmẹ, nọchanrịn kẹ ẹgboko.

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Jerimaya 31:19

Kẹ m kpahugụ, e rohutọ m; kẹ m ghọtagụ, a kwan m, a fịan m ẹka obi; ifẹnrẹn nọ mẹ m, mẹgbuchanrịn m, makẹni njọ m mẹ kẹ m rị okoro kẹ m rị a ta afụnfụn a.”

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Jerimaya 50:4

“Osolobuẹ sị, ‘O ru ogẹn ahụn, ndị Izrẹlụ Ẹbamịn-ugu lẹ ndị Juda k'e gi ẹnya-mirin chọma Osolobuẹ wụ Chuku wẹ.

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Izikẹlụ 20:43

ụnụ a nyanhan obibi ụnụ lẹ ihiẹn ndị hụ ile ụnụ gi mẹrụ enwẹn ụnụ, ize enwẹn ụnụ a ban ụnụ makẹ eje-ihiẹn ndị hụ ile ụnụ mẹ.

Izikẹlụ 37:14

M k'e bu Mmọn m che imẹ ụnụ, ụnụ a rị ndụn, e bu m ụnụ che alị ụnụ biri. Ogẹn hụ, ụnụ a marịn nị mmẹ wụ Osolobuẹ e kuọl'a, mẹ ẹ. Ya kẹ Osolobuẹ ku.’ ”

Izikẹlụ 39:29

Ebupụkọzị m wẹ ihun ogẹn ahụn, makẹni m k'e hu Mmọn m kpu wẹ wụ ebọn Izrẹlụ. Ya kẹ Osolobuẹ Nwọn Ihiẹn Ile ku.”

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Ọgụngụn 21:9

Ya Mozizi nọ gi igwe-ụda kpụ agwọ, zumẹ ihiẹn, kọn agwọ hụ ye elu ẹ. Onyẹ ọwụlẹ agwọ ta weshi ẹnya elu lee agwọ igwe-ụda hụ, ọ rị ndụn.

Matiu 24:30

Ogẹn hụ kẹ ahịma Nwa nke Ịhịan k'e gi pụha igwere. Alị ile rị elu-ụwa k'a kwan ẹkwan wẹ hụn Nwa nke Ịhịan. Wẹ k'a hụn Nwa nke Ịhịan k'ọ rị orukpu igwere o gi lala, ya lẹ ikẹn lẹ ọghọ hi-ogbe.

Matiu 26:75

Ya Pita nọ nyanhan oku Jizọsị ku, sị, “Ọkpa gini d'a kwan, i jẹnkọ d'a ghọrị mgbe ẹtọ nị y'a marịn m.” Ọ nọ shi ezi d'a kwan ezigbo ẹkwan.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Ọrụn Ndị-ozi 10:45

Ọ nọ tụ ndị Ju kwa ugun kwerini hụn gha Jọpa sọnhẹn Pita ẹnya nị Osolobuẹ e hukpugụọzidẹ ndị wụlẹni ndị Ju Mmọn-nsọ,

Ọrụn Ndị-ozi 11:15

Ogẹn m gi kumẹ, Mmọn-nsọ nọ hidankwasị wẹ k'o dọn hidankwasị ẹnyi isi-ibuzọ.

Ọrụn Ndị-ozi 2:17

‘Osolobuẹ sị, “Ogẹn ikpanzụụn, m jẹnkọ d'e hu Mmọn-nsọ m kpu ịhịan ile. Ụmụ ụnụ ikẹnnyẹ lẹ ikpoho k'e bu amụma; ikorọbịa ụnụ k'a hụn ọhụn; ikẹnnyẹ-ọba ụnụ k'a rọ nrọ.

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ọrụn Ndị-ozi 2:37

Ogẹn wẹ gi nụ ihiẹnni, o gbu wẹ mgbu obi ọda-ọda. Wẹ nọ sị Pita lẹ ndị-ozi pụ-ichẹn ibe ẹ, “Umunẹ, kị ẹnyi e mẹ nwan?”

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Rom 8:26

Mmọn-nsọ nkẹ e yezini ẹnyi ẹka ebe o mẹ ni ẹnyi ezuni oke. Ẹnyi amarịn ihiẹn ẹnyi k'a rịọ imẹ ekpere, kanị Mmọn-nsọ lẹ enwẹn ẹ gi ịsụn-udẹn a rịọdọnni ẹnyi Osolobuẹ, e ku ihiẹn ọnụ ghalẹni a saẹka e ku.

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Judu 1:20

Nke ụnụ ezi umunẹ m, e sue ni imẹ Okukwe ahụn rịchanrịn nsọ ụnụ rị e sọn; e mẹ ni ekpere kẹ Mmọn-nsọ dọn chọ.

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!

Samuẹlụ Nke Ibuzọ 7:2

Ahụa ọgụn gbegbegbe kẹ Ẹkpẹti Osolobuẹ nọdị imẹ Kiriatị-Jiarim. Ọrọgbọ hụ ile, ndị Izrẹlụ ile hụ a kwan, a chọ eyemẹka Osolobuẹ ọda-ọda.