Zẹkaraya 11:5 - Ika

⁵ W'e ṅọn wẹ e gbu, oku arịa; onyẹ re wẹ, ọ kpanmịn Osolobuẹ, sị, ‘Osolobuẹ e mẹkẹ, e higụọ m nwan ọdanfịn!’ Omikẹn wẹ arịdẹ e mẹ ndị rị e duni wẹ.

Zẹkaraya 11:5 ပူးပေါင်းရင်းမြစ်များ

Ndị-nze Nke Ẹbụọ 4:1

Nwunyẹ onyẹ ohu rị itu ndị-amụma kwanburuhẹ Ẹlaịsha, sị a, “Odibo i wụ di m a nwụnhụngụọ. Y'a marịnghọ n'ọ gbaye Osolobuẹ ọda-ọda. Kanị, onyẹ o gi ụgwọ lala nwan d'e weri ụmụ m ikẹnnyẹ ẹbụọ n'o gi wẹ họnrin igbọn ẹ.”

Nehemiah 5:8

Ẹnyi e zu, m nọ sị wẹ, “Ẹnyi hụ a nwan ikẹn ẹnyi a gbarị umunẹ ẹnyi ndị Ju wẹ reye ndị alị ọzọ, ụnụ nwẹn hụ ebeni e re umunẹ ụnụ! Ụnụ regụ wẹ ye wẹ, e rezi wẹ wẹ ye ẹnyi!!” Ya wẹ nọ gba nkịtịn, ahụnnị wẹ ihiẹn wẹ sikọ d'e ku.

Jerimaya 2:3

Izrẹlụ te wụchanrịn nke Osolobuẹ sụọ, ya wụ mkpụrụ ibuzọ ọ ghọrị ugbo ẹ; Osolobuẹ a ma ndị ile bu ẹ ri ikpe njọ, eje-ihiẹn e kunrun wẹ.’ Ya kẹ Osolobuẹ ku.

Jerimaya 50:7

Ndị ile hụnnị wẹ hụ e bu wẹ e ri. Ndị iṅẹnrẹn wẹ hụ a sị, ‘Uwẹ sị ẹnyi mẹ wẹ ihiẹn ẹnyi mẹ wẹ, uwẹ mẹ Osolobuẹ njọ — Osolobuẹ hụn wẹ nọ ẹka a e rijun ẹfọ, Osolobuẹ ndị nẹdi wẹ gi dọn ẹnya.’ Osolobuẹ sị nwan,

Izikẹlụ 34:10

mmẹ, Osolobuẹ Nwọn Ihiẹn Ile sị: mmẹ lẹ ndị ahụn rị e du atụnrụn rọ! M k'a jụ wẹ ukwere atụnrụn m. M k'a chụ wẹ ọrụn, elepụkọzị wẹ atụnrụn ndị hụ ẹnya, elepụbehi wẹ enwẹn wẹ ẹnya a sị nị wẹ rị e lepụ atụnrụn m ẹnya. A zụọpụha m atụnrụn m ọnụ wẹ, o mẹkọzị ihiẹn-oriri ẹka wẹ.

Izikẹlụ 34:21

Makẹni ụnụ gi ẹkụnkụn lẹ uvun e nu ibe ụnụ, a sụn ibe ụnụ ndụn rịlẹni mpịn, d'e runi ụnụ a chụpụ wẹ,

Izikẹlụ 34:6

Atụnrụn m hụ a wahunmẹ ugu ile lẹ òke ile jẹn elu. Wẹ rị nwan ebe ile elu-ụwa, onwọnni onyẹ a jụ ukwere wẹ, onwọnni onyẹ a chọjẹnni wẹ.

Hosia 12:8

Ifrem sị enwẹn ẹ, ‘Ẹhẹn, e higụọ m ọdanfịn! Ẹka m e mẹgụọnị m. Onwọnni ebe m nọ kpa eje-egho.’

Hosia 12:9

Kanị mmẹ wụ Osolobuẹ Chuku ụnụ ghakwọrị ogẹn ụnụ gi rị alị Ijiptu. M k'e mẹrịrị ụnụ bizi imẹ ọdụ ndị ahụn hụn ụnụ a nyanhan ogẹn mmẹmmẹ ahụa-ahụa ụnụ.

Emọsụ 2:6

Osolobuẹ sị: “Makẹ njọ ẹtọ ndị Izrẹlụ mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni wẹ rị e gi ufiri egho e re ndị ezi-omumẹ, e redẹ ndị-igbẹnnyẹ ọnụ-egho akpụkụ.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Jọnụ 10:1

“Ezioku kẹ m rị a gwa ụnụ, onyẹ ghalẹni ọnụmụzọ, kanị ọ gha ebe ọzọ nyinban ụlọ atụnrụn wụ ohin lẹ onyẹ a narịn ịhịan ihiẹn ẹ.

Jọnụ 16:2

Wẹ jẹnkọ d'a chụpụ ụnụ imẹ ụlọ-ofufe. Ogẹn lala hụn w'e gi gbudẹ ụnụ e ro nị Osolobuẹ kẹ wẹ rị e mẹn'ẹ.

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!

Rẹvẹleshọnụ 18:13

onwọnzini onyẹ e ṅọnnarịn wẹ sinamọnụ lẹ ihiẹn-akụnkụn ndị ọzọ ihiẹn-oriri gi a sụọ lẹ ndị e kun fuẹin; nsẹnsi lẹ maa lẹ frankisẹnsị; onwọnzini onyẹ e ṅọnnarịn wẹ manya, ofigbọn-olivu, ọka wẹ gwe a ṅanrannị lẹ ọka-witi; efin, atụnrụn, ẹshin lẹ ụgbọ-anyịnyan; igbọn lẹ ndụn ịhịan.

Rẹvẹleshọnụ 3:17

“Ị hụ a sị, ‘M wụ ọdanfịn, e hiọlẹ m ọdanfịn, onwọnzini ihiẹn a kọnị m.’ Kanị, y'a marịn n'o nwọnni kẹ ọ han ị, nị y'e rugụọdẹ ihiẹn a gba ẹnya-mirin, nị ogbẹnnyẹ k'ị wụ, nị ị wụ ẹnya-mpịn, nị ị gba ọtọ!