Zẹkaraya 11:17 - Ika

¹⁷ O k'a jọ eje onyẹ-ndu atụnrụn hụ njọ, onyẹ hụn a la igunrun atụnrụn a tọ! Ọpịa-agha ya bepụ a ẹka, gụpụ a ẹnya ẹka-nni! Ẹka ya lịlọhịchanrịn a; ẹnya ẹka-nni ẹ ya kpuchanrịn ishi!

Zẹkaraya 11:17 ပူးပေါင်းရင်းမြစ်များ

Ndị-nze Nke Ibuzọ 13:4

Ogẹn eze wụ Jerobụam gi nụ ihiẹn onyẹ-ozi Osolobuẹ ku nị ịya k'e mẹ ukpo nchụn-ẹjan mmọn hụ rị Bẹtẹlụ, ọ nọ nọ ukpo nchụn-ẹjan hụ tịnpụ ẹka zinmẹ onyẹ-ozi Osolobuẹ, sị, “Nwụndọn n'ẹ!” Kanị, ẹka ahụn ọ tịnpụ zinmẹ ẹ nọ shinwụn, shiri, ọ sazịnị ẹka wetu ẹ,

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 44:10

Nanị kẹ ịhịan a dọn kpụ nwa-mmọn hụn nwọnlẹni erere o k'a bann'a?

Azaya 9:15

ndị-ichẹn lẹ ndị-ndu wụ isi, ndị-amụma rị a kuzi ntụ wụ ọdụndụn.

Jerimaya 22:1

Osolobuẹ sị m, “Jẹn obi-eze alị Juda d'e zi ozini:

Jerimaya 23:1

Eje-nsọngbu rị e che ndị-ndu ndị nke m hụn rị e mẹ wẹ a la iwi, a gbayịya. Ya kẹ Osolobuẹ ku.

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Izikẹlụ 13:3

Osolobuẹ Nwọn Ihiẹn Ile sị: nsọngbu rị e che ụnụ ndị-amụma, ndị nzuzu rị e ku ihiẹn obi wẹ gwa wẹ bụ onwọnni ihiẹn wẹ hụn!

Izikẹlụ 34:2

“Nwa-ịhịan, bu amụma, ku ihiẹn k'e mẹ ndị-ndu Izrẹlụ; bu amụma sị wẹ wụ ndị-ndu: Osolobuẹ Nwọn Ihiẹn Ile sị: ‘O k'a jọ ndị-ndu Izrẹlụ njọ, nị enwẹn wẹ sụọ kẹ w'e lepụ ẹnya! Ẹlẹ anụ kẹ ndị e du anụ k'a gha e lepụ ẹnya?

Zẹkaraya 10:2

Makẹni mmọn wẹ kpụ wụ ihiẹn-ẹti; ndị-ẹfa hụ a gba ẹfa ntụ, ndị nrọ hụ a rọ hụn nwọnlẹni isi, a rọkọ ịhịan obi nwọnlẹni isi; ịhịan hụ a wahunmẹ nọkẹ atụnrụn, a ta afụnfụn makẹni enwọn wẹ onyẹ e duni wẹ.

Zẹkaraya 11:15

Osolobuẹ nọzị sị m: Kọnrinzi n'i d'e mẹmẹmẹ nọkẹ eje onyẹ-ndu atụnrụn.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Matiu 23:16

“Nsọngbu rị e che ụnụ ndị ẹnya-ishi rị e du ịhịan, a sị, ‘Onyẹ kun Ụlọ-NSỌ, onwọnni ihiẹn ọ wụ; kanị, o kun goru rị imẹ Ụlọ-NSỌ, o jẹnkọ d'e mẹzurịrị ihiẹn o kunn'ẹ.’

Jọnụ 12:40

“Chuku e mẹgụọ ẹnya kpu wẹ ishi, mẹ obi tikin wẹ — amamgbe wẹ e gi ẹnya wẹ legha ụzọ, gi obi wẹ ghọta, e gbehutọ wẹ d'e kunrun m; a zụọ m wẹ. Ya kẹ Chuku ku.”

Jọnụ 9:39

Jesu nọ sị, “M bịa ụwanị d'a han eṅẹn, kẹni ndị ẹnya-ishi leghama ụzọ, ndị e legha ụzọ a wụrụ ẹnya-ishi.”

Ndị Rom 11:7

Ya wụ nwan nị ndị Izrẹlụ ahụnnị ihiẹn wẹ rị a lụgbuni enwẹn wẹ, ndị ahụn Osolobuẹ họrị sụọ hụn a, Osolobuẹ a kpọkin ndị họdụnị obi:

Ndị Kọrẹntị Ibuzọ 8:4

O mẹ nwan nke iri ihiẹn-oriri wẹ gi rụa mmọn, ẹnyi a marịnghọ nị imẹ ụwa ile, onwọnni ihiẹn mmọn wẹ kpụ akpụ wụ, ẹnyi a marịnzịghọ nị Chuku ohu sụọ rị — ọzọ arịa.

Samuẹlụ Nke Ibuzọ 2:31

Lee ẹnya: ogẹn lala hụn m k'e gi belụa ikẹn i lẹ nke ẹbozo nẹdi i, nkesịnị onwọnni onyẹ k'a kazị ẹgẹdi ẹbozo i.