Zẹkaraya 11:14 - Ika

¹⁴ Ya m nọzị begi ọkpọ m hụn mẹ ẹ ẹbụọ, hụn m kpọ “Ịrị-ohu”, gi ọhụn kebe ndị Izrẹlụ rị Juda lẹ umunẹ wẹ ndị Izrẹlụ Ẹbamịn-ugu.

Zẹkaraya 11:14 ပူးပေါင်းရင်းမြစ်များ

Azaya 11:13

Ẹnya afụkọzị Ifrem; Ndị rị e kpokpo Juda k'a gụ; ẹnya Juda afụkọzị Ifrem, Juda egikọzị iwe e sọn Ifrem.

Azaya 9:21

Manasẹ e ri Ifrem, Ifrem e ri Manasẹ; wẹ ẹbụọ e bunụmanị Juda. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Izikẹlụ 37:22

M k'e mẹ wẹ wụrụ alị ohu imẹ alị Izrẹlụ, elu-ugu rịsọnmẹ alị Izrẹlụ; eze ohu k'a kịma wẹ ile, onwọnzini ogẹn w'e gi wụrụ alị ẹbụọ mọbụ kebezi họnrin alị-eze ẹbụọ.

Zẹkaraya 11:6

“M gi ẹ e ku ni emẹkọzị m omikẹn ndị alịnị! M k'e mẹ onyẹ-onyẹ kpaban ibe ẹ ẹka, mẹ onyẹ ọwụlẹ kpaban eze ẹ ẹka. Wẹ k'e wiwi alịnị, agbapụhakọ m'a ẹka wẹ. Ya kẹ Osolobuẹ ku.”

Zẹkaraya 11:7

Ya kẹ m nọ dumẹni ndị afịa atụnrụn atụnrụn wẹ jẹnkọ d'e gbu, atụnrụn nwọnlẹni onyẹ wẹ rị mkpa. M nọ weri ọkpọ ẹbụọ m gi a kị wẹ: a kpọ m ohu “Ẹfọma”, kpọ hụn-ẹbọ “Ịrị-ohu”. M nọ dumẹ atụnrụn ndị ahụn.

Zẹkaraya 11:9

M nọ sị atụnrụn ndị ahụn, “Edukọzị m ụnụ. Hụn chọ n'ọ nwụn y'a nwụn; hụn wẹ k'e gbu, wẹ gbu; ndị họdụnị wẹ bu ibe wẹ ri!”

Matiu 24:10

Ndị bu ọda jẹnkọ d'a danpụ imẹ okukwe, e re ibe wẹ, e ze ize ibe wẹ.

Makị 3:24

Alị-eze ọwụlẹ kebeni, asakọ ẹka turu.

Ndị Galeshịa 5:15

Kanị, omẹni ụnụ hụ a tagbu ibe ụnụ e ri, kpachanpụkwọ nị ẹnya, amamgbe ụnụ e gbupụ ibe ụnụ!

Jemisi 3:14

Kanị, omẹni eje ẹnya-ụfụ lẹ nke-i nke-i rị ị obi, egikwọlẹ ịban-mban lẹ ntụ zuemẹ ezioku rịn'a.

Jemisi 3:16

Makẹni ebe ọwụlẹ ẹnya-ụfụ lẹ nke-m nke-m rị, ebẹhụ kẹ wẹ nọ a hụnzị isusu lẹ eje-ihiẹn ile rị ichẹn-ichẹn.