Zẹkaraya 11:12 - Ika

¹² M nọ nwan sị wẹ, “Omẹni ọ hụghọ mma ẹnya ụnụ, kụ nị m ụgwọ ọrụn m; kanị, omẹni ọ rịnị mma ẹnya ụnụ, ụnụ a gharị.” Ya wẹ nọ ye m egho-ọrụn m, akpụrụ siliva iri kwasị ọgụn mmakalaka!

Zẹkaraya 11:12 ပူးပေါင်းရင်းမြစ်များ

Jẹnẹsisi 23:16

Ya Ebraham nị kweyeni Ẹfrọnụ, kụ Ẹfrọnụ ọnụ-egho ahụn Ẹfrọnụ nọ idẹnya ndị Hẹti kpọ ẹfan, hụn wụ akpụrụ egho siliva nnụ; ihiẹn ndị-afịa gi a ma egho ogẹn ahụn k'o gi maye ẹ ya.

Jẹnẹsisi 37:28

Ogẹn ndị-afịa hụ, ndị Ishmẹlụ alị Midianị hụ, gi nwan ru ebe wẹ rị, umunẹ Josẹfụ nọ gha imẹ ọmị hụ wepụha a, re ẹ ye ndị Ishmẹlụ, akpụrụ egho siliva ọgụn kẹ wẹ re ẹ; ndị Ishmẹlụ hụ ṅọnrin Josẹfụ nọ w'ẹ shi Ijiptu.

Ndị-nze Nke Ibuzọ 21:2

Ya Ehabụ nọ sị Nabọtụ, “Ye m alị vaịnị ị nị m gi rụn ugbo mkp'ẹhụhụọ, ebe o mẹni ọ nọkunmẹ obi-eze m. M k'e ye i alị vaịnị ka mma gi nọkin ẹnya a; omẹni ọ ka ị mma n'i reye m'ẹ, m k'a kụ ị ihiẹn ọwụlẹ ị sị m kụ ị.”

Ndị-nze Nke Ibuzọ 5:6

“Gwa wẹ nwan, nị wẹ gbuhẹni m osisi sida ẹgboko Lẹbanọnụ. Ndị nke m jẹnkọ d'e sọn ndị nke i rụn; m k'a kụ ndị nke i ụgwọ ọwụlẹ ị sị m kụ. Y'a marịnghọ nị ẹnyi enwọn onyẹ ọwụlẹ ma gbu osisi nọkẹ ụnụ ndị Sidọnụ.”

Ihiẹn Mẹni Nke Ẹbụọ 30:4

Ogẹn ahụn wẹ kaye a sụọghọ eze lẹ Izrẹlụ ile.

Ọpụpụ 21:32

kanị, omẹni igbọn rọ, kẹ igbọn-okẹnnyẹ kẹ igbọn-okpoho, onyẹ nwọn efin hụ k'a kụ onyẹ nwọn igbọn ahụn akpụrụ egho siva iri kwasị ọgụn; kanị wẹ k'e girịrị ọmụma magbu efin hụ.

Jerimaya 32:9

Ya m nọ ṅọnnarịn Hanamẹlụ nwa nwẹnẹ nẹdi m alị hụ rị Anatọtụ, kụ a akpụrụ siliva mmẹsa.

Lẹvitikọsụ 27:4

omẹni okpoho rọ, akpụrụ egho siliva iri kwasị ọgụn.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 26:15

sị wẹ, “Kị ụnụ k'e ye m nị m we Jizọsị che ụnụ ẹka? Wẹ nọ kụ a egho ọrụn akpọhịn iri-kwasị-ọgụn.”

Matiu 27:10

gi ẹ ṅọnrin ogige Ọkpụ-ite kẹ Di-nwọnni-ẹnyi dọn gwa m.”

Matiu 27:9

Ya kẹ ihiẹn Osolobuẹ gi Jerimaya onyẹ-amụma ku nọ mẹzu, “Wẹ nọ weri akpụrụ egho siliva iri-kwasị-ọgụn hụ, ọnụ egho ndị Izrẹlụ hụn okẹnnyẹ hụ;

Jọnụ 13:2

Ebahụn wẹ nọ e ri ihiẹn-oriri ẹnyasị, Ekwensụ e bugụọl'a che Judasị nwa Saịmọnụ Iskarọtụ obi n'o d'e re Jizọsị.