Zẹkaraya 11:11 - Ika

¹¹ Ya wụ, ụhụọhịn ahụn kẹ ihiẹn ẹnyi kwerigbama bi! Ndị afịa atụnrụn rị ebẹhụ e lee m nọ marịn nị ozi Osolobuẹ kẹ m gi ẹ zi.

Zẹkaraya 11:11 ပူးပေါင်းရင်းမြစ်များ

Ihiẹn Mẹni Nke Ẹbụọ 9:14

cheni hụn ndị rị a gha alị a lẹ ndị-afịa a tụha; ndị nze ile rị alị Arebịa lẹ ndị gọvanọ rị a kịn'a alị hụ e wẹhẹsọnmẹzini Solomọnụ goru lẹ siliva.

Ẹbụ-ọma 69:33

Osolobuẹ e gọn ndị mkpa gi ntịn; ara nị ndị nke ẹ wẹ kwọndọn pụ a uche.

Azaya 14:32

Kịnị kẹ wẹ jẹnkọ d'a shịarị ndị ụkọ alị hụ zila? “Osolobuẹ e tumẹgụọ Zayọnụ; imẹ Zayọnụ kẹ ẹhụ a nọ fu ndị nke ẹ wẹ rị e mẹkpa ẹhụ.”

Azaya 40:31

kanị nke ndị gi Osolobuẹ e dọn ẹnya, ndụn k'a banzị wẹ. Wẹ k'e fe imẹ-elu kẹ ugọn; wẹ k'a gba ọsọ, ndụn agụkọ wẹ; wẹ k'e jẹn ijẹn, asọhịkọ wẹ.

Azaya 8:17

M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Jerimaya 32:8

Ya nwa nwẹnẹ nẹdi m wụ Hanamẹlụ nọ chọha m imẹ ezi-ọgwa ụlọ ndị-nche ebahụn kẹ Osolobuẹ dọnhụ gwa m. Hanamẹlụ nọ sị m, “Dodo, ṅọnnarịn m alị m hụn rị Anatọtụ rị ẹgbẹrẹ Bẹnjamini, nị ịyụ k'o ru kẹn'ọ rịsọnmẹ ebọn ẹnyi. Ṅọnrin ẹ nwan.” Ya m nọ marịn nị Osolobuẹ gwa m oku hụ.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Luku 19:48

kanị, ahụnnị wẹ ụzọ mẹ ẹ, makẹni nkuzi ẹ e werigụọ igunrun ahụn ile.

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Luku 2:38

Ogẹn ohu hụ kẹ ya nwẹn gi pụha ebẹhụ, kpanmịnma Osolobuẹ, e ku oku nwata hụ kẹni ndị ile rị e che ni Osolobuẹ gbapụha Jerusalẹm nụ.

Luku 23:51

O kweyenini ndị-isi ibe ẹ nị wẹ mẹ Jesu ihiẹn wẹ mẹ ẹ. Ọ rị ndị rị e che ọbịbịa Alị-eze Osolobuẹ.

Luku 7:22

Ya ọ nọ sị wẹ, “Jẹn ni d'a gwa Jọnụ ihiẹn ụnụ hụn lẹ ihiẹn ụnụ nụ: ndị ẹnya-ishi e leghama ụzọ; ndị ngụrọ e jẹnmẹ ijẹn; ndị oti a dịnhịn, wụbehi ndị rụnị; ndị odin a nụma ihiẹn; wẹ hụ a kpọtiẹn ndị nwụnnị, e zi ndị igbẹnnyẹ oziọma.

Ditrọnọmi 31:21

Ogẹn ihiẹn-ikẹn lẹ nsọngbu bu ọda e gi bịanị wẹ, ẹbụnị k'a shịagbu wẹ ẹri, makẹni ụmụ wẹ azọk'a. A marịnghọ m kẹ wẹ nọ, kẹ hụnnị m kelẹni weban wẹ alị hụ m kun enwẹn m kwe wẹ nkwa a.”

Ditrọnọmi 31:29

Makẹni, a marịnghọ m nị m nwụnhụngụ, nị ụnụ jẹnkọ d'a rụchanrịn, la ụzọ m sị ụnụ gha tọgbọ. O ru ihun, ihiẹn-ikẹn sikọ d'a bịanị ụnụ makẹni ụnụ jẹnkọ d'e mẹ ihiẹn rịlẹni mma ẹnya Osolobuẹ, gi ife-mmọn, ihiẹn ẹka ụnụ mẹmẹ, kpasu ẹ iwe.”