Zẹkaraya 11:10 - Ika

¹⁰ E weri m ọkpọ m'a kpọ “Ẹfọma”, begi ẹ, gi ọhụn ghọsị nị a kagbugụọ m ihiẹn mmẹ lẹ ndị hụ ile kwerigbama.

Zẹkaraya 11:10 ပူးပေါင်းရင်းမြစ်များ

Ẹbụ-ọma 50:2

Zayọnụ, obodo ahụn mma a zu oke, k'ọ gha nwunla kẹ ukpẹ.

Ẹbụ-ọma 89:39

Y'a kagbugụọ nwan nkwa i kwe odibo i. Y'a tụgụọ okpu-eze rị a isi ye alị.

Ẹbụ-ọma 90:17

Ọhụnma Osolobuẹ wụ Chuku ẹnyi ya ru ẹnyi ẹka; ya mẹ ihiẹn ẹnyi buche ẹka ghanị ẹnyi; ya dodo mẹ ihiẹn ẹnyi buche ẹka gha ihun!

Jerimaya 14:21

Dodo, makẹ ufiri ẹfan ị, elelịalẹ ẹnyi, elelịalẹ ukpo i ma mma. Nyanhan nkwerigbama ẹnyi lẹ ịyụ, dodo, etikpọkwọl'a.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Hosia 1:9

Osolobuẹ nọ sị Hosia, “Gụn a ‘Lo-Ami’ hụn wụ ‘Ẹlẹ wẹ ndị nke m.’ Makẹni, ndị Izrẹlụ ẹlẹ nke m, mmẹ nwẹn ẹlẹ nke wẹ.

Zẹkaraya 11:7

Ya kẹ m nọ dumẹni ndị afịa atụnrụn atụnrụn wẹ jẹnkọ d'e gbu, atụnrụn nwọnlẹni onyẹ wẹ rị mkpa. M nọ weri ọkpọ ẹbụọ m gi a kị wẹ: a kpọ m ohu “Ẹfọma”, kpọ hụn-ẹbọ “Ịrị-ohu”. M nọ dumẹ atụnrụn ndị ahụn.

Ọgụngụn 14:34

Ẹghẹẹ, ọrọgbọ ahụa ọgụnnaị hụ m k'e gi nọkin ẹnya akp'ọhịn ọgụnnaị ndị hụ ụnụ gi lele kẹ alị ahụn nọ kẹ ụnụ k'a rị a ta afụnfụn njọ ụnụ — ụnụ a hụn k'ọ nọ ebe mmẹ lẹ ịhịan nọ mẹ eṅẹnrẹn’.

Luku 21:32

“M rị a gwa ụnụ ezioku, ndị rị ogẹnni agụkọ ihiẹn ndịnị kebe mẹ.

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.