Zẹkaraya 10:6 - Ika

⁶ M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Zẹkaraya 10:6 ပူးပေါင်းရင်းမြစ်များ

Ẹbụ-ọma 89:21

Ẹka m k'a rịsọnmẹ imẹ ndụn a; ẹka m k'e m'ẹ turu ọhụnma.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 54:4

Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 30:20

Ụmụ wẹ k'a rị mma kẹ wẹ rị mbụ; alị wẹ k'e weri ezigbo ọnọdị ihun m. M k'e ye ndị ile bịangbuni wẹ afụnfụn.

Jerimaya 31:1

O ru ogẹn hụ, m jẹnkọ d'a wụrụ Chuku ebọn ile rị Izrẹlụ, wẹ nwẹn a wụrụ ndị nke m. Ya kẹ Osolobuẹ ku.

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:31

Osolobuẹ sị, “Ezioku, ogẹn lala hụn m k'e gi mẹmẹ nkwerigbama ọhụn, hụn k'e kwọngbama mmẹ lẹ ndị Izrẹlụ lẹ ndị Juda.

Izikẹlụ 36:11

M k'e mẹ kẹ ịhịan kẹ anụmanụ ba ụba elu ụnụ, mụ ụmụ ọda-ọda, barahị. M k'e mẹ ịhịan biri elu ụnụ kẹ wẹ dọn bi ẹ mbụ, mẹ ihiẹn rịnị ụnụ mma karị k'ọ rị mbụ. Ogẹn ahụn, ụnụ a marịn nị mmẹ wụ Osolobuẹ.

Izikẹlụ 36:37

“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,

Izikẹlụ 37:16

“Nwa-ịhịan, weri ibe osisi ohu, y'e deye ẹ, ‘Ọnwan wụ nke Juda, ya lẹ ndị Izrẹlụ ya lẹ wẹ rị azụụn ohu.’ Y'e werizi ibe osisi ọzọ, deye ẹ, ‘Ọnwan wụ nke Josẹfụ nẹdi ndị Ifrem, ya lẹ ebọn rịsọnmẹ Izrẹlụ ya lẹ wẹ rị azụụn ohu.’

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Hosia 1:11

Ndị Juda lẹ ndị Izrẹlụ Ẹbamịn-ugu k'a kịgbama, a họrị wẹ onyẹ-isi ohu jẹnkọ d'a kịnị wẹ, a palizi wẹ, ghamazị ihun imẹ alịnị. Eziẹ, ụhụọhịn Jezriẹlụ k'a wụ okẹn ụhụọhịn!

Hosia 1:7

Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Hosia 2:23

“M k'a kụnye Izrẹlụ alịnị kẹ ihiẹn m, e mẹni m ‘Omikẹn-arịa’ omikẹn ọsụọn'a nị m kpọ a ‘Omikẹn-arịa’; m k'a sị ndị nwẹn w'a kpọ ‘Ẹlẹ wẹ ndị nke m,’ ‘ndị nke m kẹ ụnụ wụ,’ a sị wẹ m, ‘Ịyụ wụ Chuku ẹnyi.’ ”

Obadaya 1:18

Ikpụlọ Jekọpụ jẹnkọ wụ ọkụn; ẹghẹẹ, Ikpụlọ Josẹfụ k'a wụ ọkụn rị enwunni, ikpụlọ Isọ wụ Ẹdọm a wụrụ ẹfịfịa ọkpọ-nkụn; wẹ k'a dụnpụ ụmụ Isọ, onwọnni onyẹ k'a họdụ ikpụlọ Isọ.” Osolobuẹ e kuọl'a.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Maịka 4:6

Osolobuẹ sị, “O ru ogẹn hụ, m jẹnkọ d'e welụa ndị nọ nwan kẹ ngụrọ; m k'e welụa ndị nke m hụn m jụ lẹ ndị m rụ ẹhụ.

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Maịka 5:8

Ẹghẹẹ, ebọn Jekọpụ hụn k'a họdụnị, hụn k'a rị imẹ igunrun alị ndị ọzọ bu ọda, k'a rị kẹ ẹwọrọ hụn rị imẹ anụmanụ ndị ọzọ rị ẹgboko; Wẹ k'a rị kẹ nwa-ẹwọrọ rị imẹ igunrun atụnrụn, ọ ghakọnị imẹ igunrun atụnrụn, ọ hụ a zọgbu wẹ, a dọrinrin wẹ, onwọnni onyẹ a saẹka a zụọpụha wẹ ẹka a.

Maịka 7:16

Alị ndị ọzọ jẹnkọ d'a hụn a, ifẹnrẹn e mẹgbu wẹ nị ikẹn ile wẹ kpa enwọn ihiẹn ọ wụ, e gi wẹ ẹka kpumẹ ọnụ, ntịn a kụkin wẹ;

Zẹkaraya 1:16

“Osolobuẹ nọ nwan sị: ‘M k'e mẹni nwan Jerusalẹm omikẹn; wẹ sikọ d'a tụndọnzi Ụlọ-nsọ m imẹ ẹ. Ya kẹ Osolobuẹ ihiẹn ile rị okpuru ẹ ku. Wẹ sikọ d'a rụnzị ụlọ imẹ Jerusalẹm, nọzị imẹ e setịnpụ eriri ndị a tụn ụlọ.

Zẹkaraya 10:12

M k'e mẹ ndị nke m wụrụ ndị hụn Osolobuẹ wụ ikẹn wẹ, e gi wẹ ẹfan m e jẹn. Ya kẹ Osolobuẹ ku.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Zẹkaraya 8:11

“Egikọzị m nwan ẹka m gi sọn ndị Juda mbụ sọn ndịnị họdụnị.” Mmẹ wụ Osolobuẹ ihiẹn ile rị okpuru ẹ ku ẹ.

Zẹkaraya 9:16

O ru ụhụọhịn hụ, Osolobuẹ wụ Chuku wẹ k'a zụọpụha wẹ, kẹ igunrun atụnrụn wụ nke ẹ; wẹ k'a gha e gbuke imẹ alị a kẹ ihiẹn wẹ gi chọ okpu-eze mma!