Zẹkaraya 10:3 - Ika

³ Olulu ndị-ndu ụnụ rị e bu m ọda-ọda, m k'e mẹshi ndị rị a kịgbu ụnụ ikẹn; makẹni Osolobuẹ ihiẹn ile rị okpuru ẹ e lepụ atụnrụn a wụ alị Juda ẹnya; m k'e gi wẹ họnrin ẹshin-agha m, ẹshin-agha nwọn ndụn wẹ e lee ile ọgbọ-agha.

Zẹkaraya 10:3 ပူးပေါင်းရင်းမြစ်များ

Jobu 39:25

Opi-agha hanhụ, o kwọnlụa, ‘Ẹhẹn!’ Ọ ghadẹ ebe teni a nụ ishin agha — kẹ oro ndị-ndu agha kẹ oro-agha.

Ọpụpụ 4:31

wẹ nọ kweri. Ogẹn wẹ gi nụ nị Osolobuẹ a bịagụọ d'a tụnị wẹ ụya, lẹni ọ hụngụọ ụya wẹ rị e ri, wẹ nọ kụnị Osolobuẹ isi alị.

Itẹn 21:31

W'a kwademẹ ẹshin a tọnị ụhụọhịn agha, kanị ẹka Osolobuẹ kẹ mmẹri rị.

Ẹbụ Solomọnụ 1:9

Euu obim, Ị rị m kẹ ẹshin ndị hụ ma mma a dọkpụn ụgbọ-ẹshin Fẹro Ijiptu.

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 24:21

O ru ogẹn hụ, Osolobuẹ k'e ye ihiẹn rị igwere afụnfụn imẹ elu-igwere, yezikwọ ndị-nze rị ụwa afụnfụn elu-ụwa.

Jerimaya 10:21

Ndị-ndu ẹnyi enwọn uche — w'a ra jụ Osolobuẹ uche ẹ; ya haịn ihiẹn gilẹni a rịnị wẹ nwan mma, ndị wẹ rị e du a gbayịyagụọ.

Jerimaya 11:22

Ya Osolobuẹ ihiẹn ile rị okpuru ẹ nọ nwan sị, “M jẹnkọ d'e ye wẹ afụnfụn. Ọpịa-agha k'e gbu ikorọbịa wẹ la iwi; ẹgụn e gbu ụmụ wẹ ikẹnnyẹ lẹ ikpoho.

Jerimaya 25:12

“Kanị, ahụa iri kwasị ọgụn-ẹtọ ahụn zugụ, m k'e ye eze Babilọnụ lẹ ndị alị a, ndị Kal'di, afụnfụn njọ wẹ. Mmẹ wụ Osolobuẹ e kugụọ a. M k'e mẹ ẹ gba okpokoro jẹnrin ejẹn.

Jerimaya 25:34

Kwanma nị, gomẹ ni, ụnụ ndị-ndu! Dan nị, kperemẹ imẹ uzunzun, ụnụ ndị kị alị ichẹn-ichẹn — makẹni ogẹn w'e gi gbu ụnụ e ruọlẹ; ụnụ k'a dan, gungwọnpụ kẹ ite ụrụa!

Jerimaya 50:6

“Ndị nke m a wụrụgụọ atụnrụn tuhuni; ndị-ndu wẹ e duhuhugụọ wẹ, mẹ wẹ wahunmẹmẹ elu ugu rị ichẹn-ichẹn. Wẹ hụ a wahunmẹ elu ugu lẹ òke, zọ ebe wẹ nọ e zu ikẹn.

Izikẹlụ 34:11

“ ‘Makẹni, Osolobuẹ Nwọn Ihiẹn Ile sị: Mmẹ lẹ enwẹn m sikọ nwan d'a chọ atụnrụn m, chọ wẹ ru alị.

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Izikẹlụ 34:2

“Nwa-ịhịan, bu amụma, ku ihiẹn k'e mẹ ndị-ndu Izrẹlụ; bu amụma sị wẹ wụ ndị-ndu: Osolobuẹ Nwọn Ihiẹn Ile sị: ‘O k'a jọ ndị-ndu Izrẹlụ njọ, nị enwẹn wẹ sụọ kẹ w'e lepụ ẹnya! Ẹlẹ anụ kẹ ndị e du anụ k'a gha e lepụ ẹnya?

Daniẹlụ 11:32

O k'e gi ọnụ-ọma wiwikẹnmẹ ndị tikpọ nkwerigbama Osolobuẹ, kanị ndị hụn marịn Chuku wẹ k'e che ẹ ọgụn, kpa ikẹn.

Zẹfanaya 1:8

Osolobuẹ sị: “Ụhụọhịn hụ m jẹnkọ d'e gbu ndịnị kẹ anụ wẹ gi chụn ẹjan, m k'e mẹshi ndị-isi lẹ ikpụlọ eze ikẹn, ndị ile hụn e yi ẹkwa ndị alị ọzọ.”

Zẹfanaya 2:7

Ẹgbẹrẹ ohiminni ile k'a wụrụ nke ndị Juda k'a họdụnị, a nọ w'a a zụn atụnrụn, ọhịhị gba, a ranhịn wẹ ụlọ ndị Ash'kẹlọnụ te bi. O k'a rị ẹrịra, makẹni Osolobuẹ wụ Chuku ndị Juda k'a tụnị wẹ ụya, mẹ n'ọ rịzịnị wẹ mma.

Zẹkaraya 11:17

O k'a jọ eje onyẹ-ndu atụnrụn hụ njọ, onyẹ hụn a la igunrun atụnrụn a tọ! Ọpịa-agha ya bepụ a ẹka, gụpụ a ẹnya ẹka-nni! Ẹka ya lịlọhịchanrịn a; ẹnya ẹka-nni ẹ ya kpuchanrịn ishi!

Luku 1:68

“Ịja-mma ya rịnị Di-nwọnni-ẹnyi, Chuku Izrẹlụ! Makẹni ọ bịaọlẹ d'e yeni ndị nke ẹ ẹka; ọ bịaọlẹ d'a gbapụha wẹ.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Rutu 1:6

Ọ nọbe, Nahomi nọ kwademẹ, ya lẹ inyẹnmẹ ụmụ a nọ buli n'ọ gha alị Mụabụ lakin alị a, makẹni ọ nụgụọ kẹ wẹ ku ẹ imẹ ugbo alị Mụabụ nị Osolobuẹ e mẹgụọ ọhụnma ye ndị nke Osolobuẹ wụ Izrẹlụ ihiẹn w'e ri.