Zẹkaraya 10:1 - Ika

¹ Rịọ nị Osolobuẹ mirin ogẹn udu-mirin, Osolobuẹ hụn e mẹ mirin e ru, e zue ọda-ọda, Onyẹ hụn e mẹ ihiẹn wẹ kụn ugbo e sue.

Zẹkaraya 10:1 ပူးပေါင်းရင်းမြစ်များ

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Jobu 29:23

Wẹ te e che m kẹ w'e che mbụmbụ-mirin, e lura oku m kẹ mirin-ahụa.

Ẹbụ-ọma 104:13

Y'a gha ụlọ-elu i a gba elu ugu ichẹn-ichẹn mirin; ihiẹn hụn ị rụnpụha kẹ ụwa gi e rijun ẹfọ.

Ẹbụ-ọma 135:7

Ịya e gi orukpu rịkwọrị ebe ụwa ru e buhẹ mirin-ozuzue; ịya e mẹ amụma e be ebe mirin rị e zue, a gha ebe o butọ ihiẹn e wepụha ufere.

Ẹbụ-ọma 65:9

Y'e e lepụ akpak'alị ẹnya, e mẹ mirin e ru alị. Y'e mẹ mirin e jun ụzọ ile; e mẹ alị e mẹ ihiẹn; makẹni ẹrịra kẹ i mẹ n'ọ rị:

Ẹbụ-ọma 72:6

Ya rị kẹ mirin rị e zueye ihiẹn-ugbo; ya rị kẹ mbụmbụ mirin rị a bụye alị.

Itẹn 16:15

Ihun sụọ eze ẹmụ, ịhịan a rị ndụn; ọhụnma eze nọzịkwọ kẹ orukpu udu-mirin.

Azaya 30:23

Osolobuẹ jẹnkọ d'e mẹzi mirin zueni ụnụ makẹ nkpụrụ ụnụ kụnye alị; ihiẹn-oriri alị k'e ye ụnụ k'a rịchanrịn mma, jun. Ogẹn ahụn, efin ụnụ k'a nọ ọfịa shịanị ẹfịfịa jun a kpa nni.

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Jerimaya 10:13

Olu ẹ han, mirin ile rị igwere e dẹn; o mẹ mirin e rugbarị elu-ụwa ile. O mẹ amụma e be mirin gha e zue, ọ gha ebe o butọ ihiẹn e wepụha ufere.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Jerimaya 5:24

W'a ra sịdẹ enwẹn wẹ, ‘Nị ẹnyi gbaye ni Osolobuẹ wụ Chuku ẹnyi, hụn e zihẹ mirin ogẹn ẹ: kẹ mirin ẹnyi gi a kụn ihiẹn-ugbo kẹ hụn ihiẹn-ugbo gi e mẹ ọhụnma; hụn e mẹ ẹnyi a hụnsọnmẹ mkpụrụ a ghọrị ogẹn ịghọ-mkpụrụ.’

Jerimaya 51:16

Olu ẹ han, mirin ile rị igwere e dẹn; o mẹ mirin rugbarị elu-ụwa ile. O mẹ amụma e be mirin gha e zue, ọ gha ebe o butọ ihiẹn e wepụha ufere.

Izikẹlụ 34:26

M k'e mẹ uwẹ lẹ ebe ile fihunmẹ ugu m wụrụ ngọzi. M k'e zihẹ mirin udu ẹ, mirin hụn k'e wẹhẹ ngọzi.

Izikẹlụ 36:37

“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,

Hosia 10:12

“Kụnnị nị enwẹn ụnụ ezi-omumẹ, nị ụnụ ghọrị ihiẹn-ọsụsụọ m; rụn nị nwan alị ụnụ kelẹni rụn; ogẹn w'e gi rogharị d'e kunrun Osolobuẹ e rugụọ, kẹni o mẹni ụnụ ihiẹn furuni, mẹ ẹ zue kẹ mirin.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Emọsụ 4:7

“Mmẹ kwọndọn mirin ọrọgbọ ifọn ẹtọ nị wẹ d'a ghọma ihiẹn ugbo. M zi mirin d'e zue imẹ obodo ohu, ezikọ m'a zue imẹ hụn-ẹbọ; m zi ẹ zueye ugbo ohu, a la m hụn-ẹbọ tọ, hụn o zueyelẹni a kpọpụ nkụn.

Maịka 5:7

Ogẹn hụ, ndị ebọn Jekọpụ k'a họdụnị k'a rị imẹ igunrun alị ndị ọzọ nọkẹ igirigi Osolobuẹ zihẹ; wẹ k'a nọ kẹ mirin zueye irurue hụn ghalẹni e cheri ịhịan, hụn ghalẹni e che ịhịan-mmaka.

Jọnụ 16:23

O ru ogẹn hụ, ẹlẹ hụn ụnụ e gi jụmazị m ajụjụ. “Ezioku kẹ m rị a gwa ụnụ, ụnụ gi ẹfan m rịọ Chuku-Nẹdi ihiẹn, n'o yeghọ ụnụ ya.

Ndị Kọrẹntị Ibuzọ 3:6

Mmẹ kụn, Apolọsụ a gba a mirin; kanị Osolobuẹ mẹ ẹ sue.

Ditrọnọmi 28:23

Igwere kpumẹni ụnụ k'e ze kokoko kẹ igwe-bronzu, akpakalị ụnụ zọma ụkụ e ze kankankan kẹ igwe, onwọnni hụn k'a hụn mirin.

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.