Zẹkaraya 1:16 - Ika

¹⁶ “Osolobuẹ nọ nwan sị: ‘M k'e mẹni nwan Jerusalẹm omikẹn; wẹ sikọ d'a tụndọnzi Ụlọ-nsọ m imẹ ẹ. Ya kẹ Osolobuẹ ihiẹn ile rị okpuru ẹ ku. Wẹ sikọ d'a rụnzị ụlọ imẹ Jerusalẹm, nọzị imẹ e setịnpụ eriri ndị a tụn ụlọ.

Zẹkaraya 1:16 ပူးပေါင်းရင်းမြစ်များ

Jobu 38:5

Onyẹ ku ebe o k'a shịaru lẹ ebe o k'e sueru? Y'a marịnghọ ọhụn nụ! Onyẹ gi eriri maa a?

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 34:11

Ozuzu ichẹn-ichẹn k'e bisọnmẹ ebẹhụ; udele ichẹn-ichẹn k'e birizikwọ ebẹhụ. Osolobuẹ k'e dọnrin ẹnya mẹ alị Ẹdọm ile gba okpokoro, mẹ ẹ wụrụ mkpọkọ-ụlọ mkpọkọ-ụlọ.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Izikẹlụ 40:3

Ọ nọ we m shi ebẹhụ nọ kẹ obodo. E lee okẹnnyẹ ohu rị e nwun goru-goru lekẹ igwe-bronzu! Ụdọ wẹ gi linẹni kpa lẹ ẹgbe wẹ gi a ma ihiẹn hụ a ẹka. O wuzohụ ọnụ-mgbọn wẹ gha a banye ebẹhụ.

Izikẹlụ 47:3

Okẹnnyẹ hụ nọ dọn ihun ẹbamịn ọwụwa-ẹnyanwụn, gi ẹgbe o gi a ma ihiẹn makọ jẹnkọ. Ọ mapụ amụkụ ọgụn-mmisẹn kwasị nnụ (700) wụ kubiti nnụ-uku, ọ nọ we m gha imẹ mirin hụ: o ru m olu-ụkụ;

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Hagaị 1:14

Ya kẹ Osolobuẹ nọ nwan kpọli mmọn gọvanọ alị Juda wụ Zerubabẹlụ nwa Shiẹtiẹlụ lẹ nke onyẹ-isi ndị nchụn-ẹjan wụ Joshụa nwa Jehozadakị lẹ ndị hụ ile họdụ imẹ ndị Juda, wẹ nọ pụha, tụndọnzimẹ ụlọ Osolobuẹ wụ Chuku wẹ.

Zẹkaraya 10:6

M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Zẹkaraya 2:4

sị a, “Ọsọ, d'a sị okorọbịa hụ, ‘Jerusalẹm k'a wụ alị nwọnlẹni mgbọn makẹni ịhịan lẹ anụmanụ k'a barahị,

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Zẹkaraya 2:6

Lihi ni! Lihi ni! Gha nị alị ahụn rị ẹbamịn-ugu gbapụ, ọsụọn'a nị e te feyịyagụọ m ụnụ nọkẹ ufere ye ẹbamịn ẹnọ rị ụwa! Ya kẹ Osolobuẹ ku.

Zẹkaraya 4:9

“Ẹka Zerubabẹlụ gbe iyetọ Ụlọnị; ẹka a sikọ d'a tụnchanrịn a. Ogẹn hụ kẹ ụnụ e gi marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’