Zẹkaraya 1:12 - Ika

¹² “Ya mmọn ozi Osolobuẹ nọ sị, ‘Euu Osolobuẹ nwọn ikẹn ile, nanị y'e biehan d'e mẹ omikẹn Jerusalẹm lẹ obodo ndị ya lẹ wẹ rị imẹ Juda, ndịnị ị rị e buni olulu ọrọgbọ ahụa iri kwasị ọgụn-ẹtọnị?’

Zẹkaraya 1:12 ပူးပေါင်းရင်းမြစ်များ

Ihiẹn Mẹni Nke Ẹbụọ 36:21

Alị nọ zu ikẹn ẹ — ọrọgbọ ile wẹ gizilẹni bi ẹ. O zu ikẹn, ahụa iri kwasị ọgụn-ẹtọ hụ e zu, nọkẹ kẹ Osolobuẹ dọn ku ghahanị onyẹ-amụma wụ Jerimaya.

Ẹbụ-ọma 102:10

Makẹni y'e gigụọ iwe i lẹ ọnụma ị sọn m; makẹni y'a tụtụrụgụọ m matuhu.

Ẹbụ-ọma 102:13

I k'e lihi d'e mẹni Zayọnụ omikẹn, makẹni ogẹn y'e gi mẹn'ẹ ọhụnma e rugụọ; ogẹn hụn i kayen'ẹ e rugụọ nwan.

Ẹbụ-ọma 69:5

Osolobuẹ, yụ marịn nzuzu m ile, onwọnzikwọnị njọ m ezuerini ẹnya ị.

Ẹbụ-ọma 74:10

Euu Chuku, elee mgbe kẹ ndị-iṅẹnrẹn k'a mụbehi ẹnyi ẹmụ?! Nị wẹ kpọlịa ẹfan ị jẹnrin ejẹn?

Ẹbụ-ọma 79:5

Osolobuẹ, nanị k'o k'e biehan? N'i busọn ẹnyi olulu jẹnrin ejẹn? N'i gi ẹnyanị rị a fụn'ị dụngbu ẹnyi lekẹ ọkụn?!

Ẹkịliziastisi 3:3

ogẹn ogbugbu lẹ ogẹn ọzụzụọ; ogẹn itikpọ-ihiẹn lẹ ogẹn ịtụn-ihiẹn;

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 15:17

Esọntuni m ndị e ri, a ra; esọntuni m wẹ nwọn anwịnrịn wẹ; m'a nọdị nke m, makẹni ẹka ị rị m ukun, makẹni y'e mẹgụọ olulu ihiẹn wẹ rị e mẹ junzi mmẹ nwẹn obi.

Jerimaya 29:10

“Osolobuẹ sị, ‘Ahụa iri kwasị ọgụn-ẹtọ alị Babilọnụ e gi kpa ikẹn zugụ, a chọha m ụnụ d'e mẹzu nkwa ahụn m gi omikẹn kwe nị m jẹnkọ d'e wekinhẹn ụnụ alị ụnụ.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Daniẹlụ 12:6

Ohu imẹ wẹ nọ sị okẹnnyẹ ahụn yi ẹkwa linẹni, hụn rị imẹ-elu ebẹhụ iyi ahụn rị, “Ele mgbe kẹ ihiẹn-egun ndịnị k'e mẹ?”

Daniẹlụ 9:2

imẹ ahụa ibuzọ ọ kịma, mmẹ wụ Daniẹlụ nọ gi ihiẹn wẹ de imẹ Ẹkụkwọ-nsọ, ihiẹn hụn Osolobuẹ gi onyẹ-amụma wụ Jerimaya ku, ghọta nị ahụa iri kwasị ọgụn-ẹtọ kẹ Jerusalẹm k'e mẹ mkpọkọ-mkpọkọ.

Habakọkụ 1:2

Euu Osolobuẹ, nanị m'a kpọkubiehan ị i kebe za m?! M hụ e yi, “Wẹ rị e mẹkwọ eje-ihiẹn alịnị! Wẹ rị e mẹkwọ eje-ihiẹn alịnị!!” onwọnni ihiẹn i mẹ.

Zẹkaraya 1:8

“M hụn ọhụn imẹ uhinhin, hụn okẹnnyẹ ohu rị elu ẹshin ododo hụn wuzo alị osisi mẹtụlụ rị imẹ ọdanmgbugbu. Ẹshin ododo ọzọ lẹ ẹshin ụda lẹ ẹshin ọchan rị okẹnnyẹ hụ azụụn.

Zẹkaraya 7:5

“Sị ndị alị Juda ile lẹ ndị nchụn-ẹjan nị m sị: ‘Ogẹn hụ ụnụ gi rị e bu ọnụ hụ, a kwan ẹkwan ifọn nke isẹn lẹ nke ẹsa, ọrọgbọ ahụa iri-kwasị ọgụn-ẹtọnị, mmẹ kẹ ụnụ bun'ẹ?

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”