Zẹfanaya 2:13 - Ika

¹³ Osolobuẹ jẹnkọ d'a tịnpụzịkwọ ẹka mẹ ndị rị ẹbamịn-ugu ihiẹn: o k'e tikpọ alị Asiria hụn rị ebẹhụ. O k'a gba isi-alị wẹ wụ Ninivẹ okpokoro, mẹ ẹ wụrụ alị ọkpọ-nkụn nọkẹ atụ.

Zẹfanaya 2:13 ပူးပေါင်းရင်းမြစ်များ

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 10:16

Ufiri ẹ, Onyẹ-nwọnni-ẹnyi, hụn wụ Osolobuẹ Nwọn Ikẹn ile jẹnkọ d'e zi eje-emu e fie ịhịan ẹhụ ye imẹ igunrun ndị ahụn ile kin akwanran wẹ lẹ eze Asiria wị; ọghọ a jẹnkọ d'e nwunrun ọkụn nọkẹ ebe ọfịa rị e nwun ọkụn.

Azaya 10:5

Osolobuẹ sị, “Nsọngbu rị e che alị Asiria — hụn wụ nwan mkpịnsịn m gi rị a ghọsị olulu m, hụn bu ẹgbe m gi a ghọsị ọnụma m!

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 14:26

Ọnwan wụ ihiẹn m rotọnị ụwa ile; ọnwan wụ ẹka m k'e gi sọn ndị alị ile.

Azaya 37:37

Ya kẹ eze Asiria wụ Sẹnakẹribụ nọ kịrị ndị agha họdụnị la, lakin isi-alị a wụ Ninivẹ d'a nọdị.

Jerimaya 49:33

“Anụ-ọfịa jẹnkọ d'e bikin Hazọ; o k'a gba okpokoro jẹnrin ejẹn. Ịhịan ebikọzị a, ịhịan a kwahakọzị a.”

Jona 1:2

sị a, “Jẹn obodo uku ahụn wụ Ninivẹ ozigbo n'i d'a hị, dọ wẹ ẹka-ntịn, makẹni njọ wẹ rị e mẹ e rugụọ ebe m rị.”

Jona 3:2

“Lihi ọtọ; jẹnmẹ obodo uku hụ wụ Ninivẹ ozigbo d'e zi ndị rịn'a ozi m zi i.”

Maịka 5:6

Wẹ k'e gi ọpịa-agha du alị Asiria, alị Nimrọdụ, d'e rudẹ ọnụ-mgbọn ẹ. Eze ẹnyi hụ lalanị jẹnkọ d'a gbapụha ẹnyi ẹka ndị Asiria, omẹni ndị Asiria a banhan alị ẹnyi mọbụ zọdẹ ụkụ ye ẹ.

Nahum 1:1

Ọnwan wụ ihiẹn Osolobuẹ ku banyeni obodo Ninivẹ. Ihiẹn Osolobuẹ ghọsị Nahum onyẹ alị Ẹl'koshi k'o de imẹ ẹkụkwọnị.

Nahum 3:15

Ọ napụkọ ọkụn a dụnpụlẹ ụnụ! Ọpịa-agha jẹnkọ d'e gbu ụnụ. O k'e mẹ ụnụ ihiẹn igurube mẹ ẹhụhụọ-oyiyi. Ọsụọn'a nị ụnụ e buwayedẹ ọda kẹ igurube, ọsụọn'a nị ụnụ a barahị kẹ igurube!

Nahum 3:7

Onyẹ hụn ị, ọ gbanị ị ọsọ, sị, ‘Euu, e tikpọgụọ wẹ Ninivẹ la iwi! Onyẹ k'a saẹka hụhụ ị?’ Elebe kẹ m'a nọ hụn onyẹ k'a saẹka hụhụ ị?”

Zẹfanaya 1:4

M k'a tịnpụ ẹka mẹ alị Juda ihiẹn, ịya lẹ ndị ile bi isi-alị wẹ wụ Jerusalẹm. M sikọ d'a zapụchanrịn mmọn Baalụ lẹ ihiẹn ile gbashịarịn'a ebeni, a zapụ m ndị ihẹnrẹn-mmọn Baalụ, anyanhankọzị wẹ wẹ!