Zẹfanaya 2:11 - Ika

¹¹ Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹfanaya 2:11 ပူးပေါင်းရင်းမြစ်များ

Jẹnẹsisi 10:5

Ụmụ Javanị ndịnị mụ ndị bisọnmẹ mkpẹnrẹn Ohimin Mẹditerenia — hụn ọwụlẹ lẹ alị o bi lẹ asụsụ wẹ lẹ ebọn wẹ lẹ ndị alị wẹ.

Ẹbụ-ọma 138:4

Euu Osolobuẹ, ndị-nze ile rị elu-ụwa wẹ ja ẹfan ị mma, makẹni a nụgụọ wẹ ihiẹn i gi ọnụ ị ku.

Ẹbụ-ọma 72:17

Ẹfan eze ya agụlẹ kaka jẹnrin ejẹn; ẹfan a ya rịsọnmẹ, ẹnyanwụn e we gụ. Alị ile wẹ gi ẹ e nwọnrin ngọzi; alị ile wẹ kpọma a onyẹ wẹ gọzi.

Ẹbụ-ọma 86:9

Ịyụ ke alị ile, Osolobuẹ, wẹ k'a bịa d'a kụnị ị isi-alị; wẹ k'a gha a ja ẹfan ị mma.

Azaya 2:18

a zapụchanrịn wẹ mmọn-lẹ-iyi ile.

Azaya 2:20

Ụhụọhịn ahụn, ịhịan k'a matuhu goru lẹ mmọn siliva ndị ahụn wẹ kpụ w'a rụa, tụ wẹ yeni oke lẹ ụsụ.

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Jerimaya 10:11

Osolobuẹ sị m, sị wẹ: “Ẹlẹ mmọn ndịnị ke igwere lẹ ụwa, wẹ jẹnkọ d'a gụ elu-ụwa, ebe ile rị okpuru igwere.”

Jerimaya 46:25

Osolobuẹ ihiẹn ile rị okpuru ẹ hụn wụ Chuku Izrẹlụ, sị, “M'e d'e ye Amonu, mmọn alị Tẹbẹsi rị Ijiptu, afụnfụn; ya lẹ Fẹro eze Ijiptu lẹ Ijiptu lẹ mmọn a rị ichẹn-ichẹn lẹ ndị-nze ẹ — Fẹro lẹ ndị gi Fẹro dọn ẹnya.

Daniẹlụ 11:18

“O bunụmanị alị ndị rị mkpẹnrẹn Ohimin, weri ndị bu ọda imẹ wẹ, kanị ọkị-agha ohu jẹnkọ d'a kụsị ụya ahụn ọ rị e ye wẹ e ri, we ẹ ye ya nwẹn ri.

Hosia 2:17

M k'e wepụ ẹfan Baalụ ndị ahụn ọnụ wẹ, akpọkọzị wẹ ẹfan wẹ.

Juwẹlụ 2:11

Osolobuẹ rị wẹ ihun e gi akpara e ye olu, hụn o gi dukọ ndị-agha a! Ndị-agha ọ kịla ẹlẹ hụn w'a gụn! Igwerigwe hụn e mẹchanrịn ihiẹn ọwụlẹ o ku! Ụhụọhịn Osolobuẹ k'a wụ okẹn ụhụọhịn, o k'a rị egun! Onyẹ k'a saẹka wuzo?

Zẹfanaya 1:4

M k'a tịnpụ ẹka mẹ alị Juda ihiẹn, ịya lẹ ndị ile bi isi-alị wẹ wụ Jerusalẹm. M sikọ d'a zapụchanrịn mmọn Baalụ lẹ ihiẹn ile gbashịarịn'a ebeni, a zapụ m ndị ihẹnrẹn-mmọn Baalụ, anyanhankọzị wẹ wẹ!

Zẹfanaya 3:9

“M k'e ye ndị alị ichẹn-ichẹn ọnụ rụlẹni, kẹni wẹ kpọkumẹ ẹfan Osolobuẹ, e gi wẹ ọnụ ohu fe ẹ.

Zẹkaraya 13:2

Osolobuẹ ihiẹn ile rị okpuru ẹ sị: “O ru ogẹn ahụn, m k'e wepụchanrịn ẹfan mmọn imẹ alị Izrẹlụ, nke wụnị anyanhankọzịdẹ wẹ wẹ; m k'e wepụzịkwọ ndị-amụma ntụ lẹ mmọn eje-obibi alịnị,

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Zẹkaraya 8:20

Osolobuẹ ihiẹn ile rị okpuru ẹ, sị: “Ịhịan lala! Ndị bidẹ obodo ndị ọzọ rị ichẹn-ichẹn lala!

Zẹkaraya 8:23

Osolobuẹ ihiẹn ile rị okpuru ẹ sị: “O ru ogẹn hụ, ikẹnnyẹ iri ndị alị ọzọ, ndị a sụ asụsụ ọzọ, k'a dọdọn akpụ onyẹ Ju ohu ẹwuru, a rịọ a, ‘Dodo, nị ẹnyi sọn i la, nị ẹnyi a nụọlẹ nị Chuku rị azụụn nke ụnụ!’ ”

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Ditrọnọmi 32:38

Mmọn-lẹ-iyi ndị nwẹn hụn ri ụtọrọ anụ ndị wẹ gi chụn ẹjan, ra manya wẹ gisọnmẹ ye oyiye-manya? Wẹ lihi nwan d'e yeni ụnụ ẹka! Wẹ d'e ye nwan ụnụ igungun!

Timoti Ibuzọ 2:8

Ya wụ, m chọ nị ikẹnnyẹ rị ebe ọwụlẹ hụn a nị wẹ e mẹ ekpere, a kịshi ẹka rị nsọ elu, ẹlẹ ẹka olulu lẹ ndọndọ.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”