Zẹfanaya 2:10 - Ika

¹⁰ Ọhụn kẹ wẹ k'e gi narịn ụgwọ mpache wẹ, makẹ ọnụ wẹ kọ, ndị nke Osolobuẹ ihiẹn ile rị okpuru ẹ, kpari wẹ.

Zẹfanaya 2:10 ပူးပေါင်းရင်းမြစ်များ

Ihiẹn Mẹni Nke Ibuzọ 16:21

Ọ nịnị onyẹ ọwụlẹ bịangbu wẹ; o gisọnmẹ ufiri wẹ jụgbọ ndị-nze:

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Ọpụpụ 9:17

Echẹn kẹ ị rịkwọ e mẹni ndị nke m bugan-bugan, jụ nị y'a hatukọ wẹ nị wẹ la.

Azaya 16:6

Ẹnyi a nụgụọ mpache ile alị Mụabụ rị a pache — e mẹkarị enwẹn ẹ, lẹ k'o dọn e bọnmẹ, e kukarị enwẹn ẹ — kanị wẹ rịhụ a ban mban mmaka.

Jerimaya 12:14

Mmẹ wụ Osolobuẹ sị, “O mẹ nke eje-alị ndị ahụn ile nọkunmẹ ndị nke m Izrẹlụ, alị ndị hụn rị a napụ wẹ alị m ye wẹ, m jẹnkọ d'e huepụsọnmẹ wẹ alị wẹ nọkẹ osisi, zụọpụha ikpụlọ Juda ẹka wẹ.

Jerimaya 48:14

“Kị ụnụ rị a sịnị, ‘Ndị odogun-agha kẹ ẹnyi wụ dikẹn ọgụn kẹ ẹnyi wụ?’

Jerimaya 48:29

“Ẹnyi a nụgụọ kẹ ndị Mụabụ a pachehan — mpache wẹ ẹlẹkwọ ẹkẹrẹ; ẹnyi a nụgụọ kẹ w'e mẹkarịhan enwẹn wẹ, e kukarị enwẹn wẹ; kẹ w'e rohan nị onwọnni onyẹ han kẹ wẹ.

Ẹkwan 1:9

Unyin hụn o ru ratọdẹ ẹkwa a — kanị o rodẹni ihiẹn k'e mẹn'ẹ ihun. Ọ nọ dan eje ẹdan, onwọnni onyẹ hụhụn'a. Euu Osolobuẹ, ledẹ afụnfụn m rị imẹ ẹ, nị hụn a nị eṅẹnrẹn e mẹrigụọ!

Izikẹlụ 25:6

“ ‘Osolobuẹ Nwọn Ihiẹn Ile sị: Ufiri ẹka ụnụ kpọ ogẹn eje-ihiẹn gi kunrun alị Izrẹlụ, ya lẹ egu ụnụ tẹn ogẹn hụ, a ghọghọ, a mụ wẹ ẹmụ,

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Obadaya 1:11

ụnụ gi nọye ụsụọ ogẹn hụ, ogẹn hụ ndị alị ọzọ gi buru ihiẹn Jerusalẹm, ogẹn hụ wẹ gi gha ọnụ-mgbọn ẹ, ogẹn hụ wẹ gi keri Jerusalẹm; ụnụ nwẹn mẹchanrịn kẹ ndị-iṅẹnrẹn hụ ụhụọhịn ahụn.

Obadaya 1:3

Ọghọ ụnụ ye enwẹn ụnụ e dufieọlẹ ụnụ — ụnụ gi ugu-ọmụma fihunmẹ alị ụnụ e dọn ẹnya; ụnụ gi ugu jẹngbu enwẹn ẹ elu ụnụ bi e dọn ẹnya; Ụnụ hụ a sị enwẹn ụnụ, ‘Onyẹ k'a sa ẹka mẹri ẹnyi?!’

Zẹfanaya 2:8

A nụgụọ m ọnụ ile ndị alị Mụabụ rị a kọ ndị nke m lẹ mkpari ndị alị Amọnụ rị a kpari ndị nke m lẹ isi wẹ rị a nyan nị wẹ k'e weri alị wẹ.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”