Timoti Nke Ẹbụọ 4:3 - Ika

³ Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Timoti Nke Ẹbụọ 4:3 ပူးပေါင်းရင်းမြစ်များ

Ndị-nze Nke Ibuzọ 18:22

Ya Ẹlaịja nọzị sị wẹ, “Mmẹ sụọ wụ nwan onyẹ-amụma Osolobuẹ họdụnị, kanị ndị-amụma Baalụ rị iri-kwasị-ọgụnnaị kwasị nnụ (450).

Ndị-nze Nke Ibuzọ 22:18

Ehabụ eze Izrẹlụ nọ sị Jehoshẹfatị, “A gwanị m'ị? O butunini m amụma rị mma, eje-ihiẹn sụọ.”

Ndị-nze Nke Ibuzọ 22:8

Eze Izrẹlụ nọ sị Jehoshẹfatị, “O nwọnghọ okẹnnyẹ ohu họdụnị hụn nkẹ ẹnyi a jụ uche Osolobuẹ; kanị ize ẹ e ze m makẹni o butunini m amụma rị mma, eje-ihiẹn eje-ihiẹn sụọ. Ẹfan a wụ Maịkaya nwa Imla.” Jehoshẹfatị nọ sị a, “Ekulẹ ẹrịra, eze.”

Ọpụpụ 32:33

Osolobuẹ nọ sị Mozizi, “Onyẹ hụn mẹ m njọ kẹ m sikọ d'e finchanpụ ẹfan a imẹ ẹkụkwọ m.

Azaya 28:12

ndị nwẹn o te kuyeni, sị, “Ebeni wụ ebe izu-ikẹn, ndị ndụn gụ wẹ zu ikẹn”, “Ebeni kẹ ndụn a nọ ban ụnụ” — kanị egọnni wẹ ntịn.

Azaya 30:10

Wẹ sị ndị a hụn ụzọ, “Hụnbehi ni ọhụn ndị ahụn!” Wẹ sị ndị-amụma, “Gwabehi ni ẹnyi ezioku! Gwama nị ẹnyi ihiẹn ẹnyi chọ nị ẹnyi nụ — bumẹdẹ ni amụma-ntụ.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 27:9

Ya wụ, egikwọlẹ ni oku ndị-amụma ụnụ dọn — wẹ lẹ ndị a gbanị ụnụ ẹfa lẹ ndị a rọ nrọ imẹ igunrun ụnụ lẹ ndị a hụnnị ụnụ ụzọ lẹ ndị-ihẹnrẹn ụnụ — ebe o mẹ ni wẹ rị a sị ụnụ nị “Eze Babilọnụ emẹrikọ ụnụ.”

Jerimaya 29:8

“Ẹghẹẹ! Osolobuẹ ihiẹn ile rị okpuru ẹ, hụn wụ Chuku Izrẹlụ rị a sị: ‘Anịkwọlẹ ni ndị-amụma ụnụ hụn ụnụ lẹ wẹ rị dufie ụnụ, kẹ ndị rị a gbanị ụnụ ẹfa. Egọnkwọlẹ ni ntịn nrọ ndị ahụn ụnụ rị a rọ,

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Luku 20:19

Ya kẹ ndị-nkuzi Iwu lẹ ndị-isi nchụn-ẹjan nọ mẹ nị wẹ nwụnrụn Jesu ozigbo, makẹni a ghọtagụọ wẹ nị uwẹ k'ọ tụnị ilu hụ; kanị, egun igunrun ahụn anịnị wẹ.

Luku 6:26

Nsọngbu rị e che ụnụ ogẹn ọwụlẹ ịhịan ile rị e ku oku ụnụ ọhụnma, makẹni ẹrịra kẹ ndị nẹdi wẹ mẹ ndị amụma-ụgha mbụ-mbụ.

Jọnụ 8:45

M rị e ku ezioku haịn ụnụ gilẹni nwan kweri ihiẹn m rị e ku.

Ọrụn Ndị-ozi 17:21

(Onwọnni ihiẹn ndị obodo Atẹnsi ile lẹ ndị ọbịa bi ebẹhụ gi ogẹn wẹ e mẹ karị iku lẹ ịnụ ihiẹn ọhụn.)

Ndị Kọrẹntị Ibuzọ 2:1

Umunẹ m, ogẹn m gi bịa d'e zi ụnụ ozi Osolobuẹ, ekuni m kẹ onyẹ ma ku oku mọbụ onyẹ wa ẹnya.

Ndị Kọrẹntị Ibuzọ 2:4

Kẹ ebe m nọ e ku oku kẹ ebe m nọ e ku oku-Chuku, ekuni m kẹ ndị marịn ihiẹn, ekuni m n'ọ sụọ ịhịan ụsụọ ntịn, o kweyeni m. Kama, m hụ e ku ẹ, a ghọsị ụnụ nị ẹka Mmọn-nsọ lẹ ikẹn ẹ rị a.

Ndị Galeshịa 4:16

Kị m họnrinni nwan eṅẹnrẹn ụnụ, makẹni m gwa ụnụ ezioku?

Timoti Ibuzọ 1:10

ndị ughẹrẹ lẹ ikẹnnyẹ wẹ lẹ ikẹnnyẹ e mẹ mgba lẹ ikpoho wẹ lẹ ikpoho e mẹ mgba; ndị e re ịhịan lẹ ndị e ṅọn ịhịan; ndị-ntụ lẹ ndị a shịa ẹri-ntụ — lẹzi ndị ọzọ ile e mẹ ihiẹn ọwụlẹ ya lẹ ezigbo nkuzi ghalẹni a dangbama.

Timoti Nke Ẹbụọ 1:13

Sọnmẹ ụdị nkuzi ahụn zu oke ị nụ ọnụ m; e gi okukwe lẹ ihiẹn-ọsụsụọ hụn rị imẹ Jesu Kristi e sọn ẹ.

Judu 1:18

Wẹ gwa ụnụ nị “Ndị-nlelịa k'a pụha ogẹn ikpanzụụn, ndị e mẹ ihiẹn rị a gụnnị wẹ.”