Timoti Nke Ẹbụọ 4:18 - Ika

¹⁸ Di-nwọnni-ẹnyi jẹnkọ d'a gbapụha m imẹ eje-ihiẹn ile wẹ rotọnị m, ọ zụọ m, hụn a nị m banye Alị-eze ẹ rị elu-igwee. Ọghọ ya rịn'a jẹnrin ejẹn! Isẹẹ.

Timoti Nke Ẹbụọ 4:18 ပူးပေါင်းရင်းမြစ်များ

Jẹnẹsisi 48:16

‘Mmọn-ozi’ ahụn gbapụha m imẹ eje-ihiẹn ile, ya gọzi ụmụ-ẹkanị. Wẹ za ẹfan m lẹ ẹfan ndị nẹdi m wụ Ebraham lẹ Aziki. Wẹ ba ụba ọda-ọda elu-ụwanị.”

Ihiẹn Mẹni Nke Ibuzọ 4:10

Jabẹzi nọ kpọku Chuku Izrẹlụ, sị, “Dodo gọzi m, y'e weshịa alị m! Ẹka ị ya rị imẹ ndụn m; anịlẹ ihiẹn ọwụlẹ k'e buhẹni m ụfụ mẹ m!” Chuku nọ mẹn'ẹ ihiẹn ọ rịọ.

Ẹbụ-ọma 121:7

Osolobuẹ k'e che i nche makẹ eje-ihiẹn ọwụlẹ gha e ru i ẹhụ; o k'e che ndụn ị nche.

Ẹbụ-ọma 37:28

Makẹni ndị e mẹ ihiẹn furuni a sụọ Osolobuẹ a sụọ; ọ latọkọ ndị nsọ a. O che wẹ nche jẹnrin ejẹn, kanị wẹ k'e gbupụ ụmụ ndị-njọ;

Ẹbụ-ọma 73:24

a gwa m uche i, e gi ẹ e du m, omẹgụ, i k'e wẹhẹ m ebe ọghọ ị rị.

Ẹbụ-ọma 92:10

Y'e mẹgụọ m ze kẹ mpịn efin ọfịa, mẹ m mẹri, y'e tekwamaọlẹ m mmẹri rịkẹ ezigbo udẹn i.

Itẹn 14:32

Eje-ihiẹn eje-ịhịan mẹ e gbu ẹ; kanị ndị ezi-omumẹ nwọn ebe w'a gbaban wẹ nwụnhụndẹ.

Matiu 13:43

Ogẹn hụ, ndị ezi-omumẹ k'a gha gbukepụ kẹ ẹnyanwụn imẹ Alị-eze Nẹdi wẹ. Onyẹ hụn nwọn ntịn ya nụ.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 6:13

Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Luku 11:4

Gbagharị ẹnyi njọ ẹnyi, makẹni ẹnyi hụ a gbagharị ndị ile mẹ ẹnyi njọ. Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’ ”

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 22:29

m rị nwan e ye ụnụ ọkịkị kẹ Nẹdi m dọn ye m alị-eze kị,

Jọnụ 17:15

Arị m a rịọ ị n'ị wepụ wẹ imẹ ụwa; kama, m rị a rịọ n'ị chemẹ wẹ makẹ Eje-onyẹ hụ gha e mẹ wẹ ihiẹn ọwụlẹ.

Ndị Rom 11:36

Ẹghẹẹ! Makẹni, ẹka a kẹ ihiẹn ile gha a bịa; ẹka a kẹ ihiẹn ile gha a rị; ihiẹn ile a rịzịkwọ n'a. Ịja-mma ya rịn'a jẹnrin ejẹn! Isẹẹ.

Ndị Rom 16:27

Ẹghẹẹ, ịja-mma ya rịnị Osolobuẹ hụn ya sụọ marịn ihiẹn ile! Ya rịn'a jẹnrin ejẹn ghahanị Jizọs Kraịstị! Isẹẹ.

Ndị Kọrẹntị Ibuzọ 1:21

Makẹni ụwa asanị ẹka gi amamihiẹn marịn Osolobuẹ ebe ọ nọ e gi amamihiẹn ẹ e mẹ ihiẹn, ọ sụọ Osolobuẹ n'o gi “nzuzu” rị ozi ẹnyi rị e zi zụọpụha ndị hụn k'e kwerini.

Ndị Kọrẹntị Ibuzọ 10:13

Onwọnni ọnwụnwan ka ịhịan hụn bịatuni ụnụ. Osolobuẹ furu wẹ e gi dọn ẹnya, ọ nịkọ hụn ka ụnụ ẹka kunrun ụnụ. Kama, n'ọ nọghọdẹ ọnwụnwan ile k'e kunrun ụnụ ghọsị ụnụ kẹ ụnụ a dọn dingbu ẹ.

Ndị Kọrẹntị Ibuzọ 15:50

Umunẹ m, ihiẹn m rị a gwa ụnụ wụ nị ẹhụ-lẹ-ẹdeke asakọ ẹka banye Alị-eze Osolobuẹ; ihiẹn a nwụnhụnnị enwọnrinkọ ihiẹn ghalẹni a nwụnhụn.

Ndị Kọrẹntị Nke Ẹbụọ 1:10

Ịya gbapụha ẹnyi eje-ọnọdị hụ te k'e gbuni ẹnyi. Ọ k'a rị a gbapụha ẹnyi. Ịya kẹ ẹnyi rị e lee ẹnya n'o k'a gbapụhazị ẹnyi —

Ndị Galeshịa 1:5

Ọghọ ya rịnị Osolobuẹ Nẹdi ẹnyi jẹnrin ejẹn! Isẹẹ.

Ndị Tẹsalonika Ibuzọ 5:23

Osolobuẹ lẹ enwẹn ẹ, onyẹ hụn udọn gha ẹka a bịa, ya dodo dọn ụnụ nsọ ụzọ ile: ya anịlẹ ụnụ nwọn nkọrịanị ọwụlẹ imẹ mmọn ụnụ mọbụ umẹ-ndụn ụnụ mọbụ ẹhụ ụnụ ogẹn Di-nwọnni-ẹnyi wụ Jesu Kristi k'e gi bịa.

Ndị Tẹsalonika Nke Ẹbụọ 3:3

Kanị, Di-nwọnni-ẹnyi furu onyẹ wẹ gi e dọn ẹnya; o k'e mẹ ụnụ zekẹnmẹ, dọnmẹ ụnụ makẹ Eje-onyẹ hụ gha e mẹ ụnụ ihiẹn ọwụlẹ.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Timoti Nke Ẹbụọ 4:1

M rị a gwa ị ya, a gwashi i ikẹn idẹnya Osolobuẹ lẹ Kraịstị wụ Jizọsị hụn jẹnkọ d'e kin ndị rị ndụn lẹ ndị nwụnhụnnị ikpe; m rịzị a gwa ị ya makẹ ọbịbịa Kraịstị lẹ Alị-eze ẹ, a sị ị,

Hibru 11:16

Kanị, ẹnya wẹ rị alị ka mma, hụn rị elu-igwee. Ya haịn ifẹnrẹn gilẹni e mẹ Osolobuẹ ịza Chuku wẹ, makẹni o nwọnghọ obodo ọ kwademẹni wẹ nke-esi.

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Pita Ibuzọ 1:5

O gi nwan ikẹn o gi wụrụ Osolobuẹ e dọnmẹ ụnụ, ghahanị okukwe ụnụ, kẹni nzụọpụha o wela ọgụgụ-ogẹn hụn ụzọ ru ụnụ ẹka.

Pita Ibuzọ 5:11

Ikẹn ile wụ nke ẹ jẹnrin ejẹn! Isẹẹ.

Pita Nke Ẹbụọ 1:11

Ụnụ jẹnkọ d'e gi ẹ ru ogo ndị wẹ k'a nabanhan ọhụnma-ọhụnma imẹ Alị-eze itẹbitẹ Jesu Kristi, Di-nwọnni-ẹnyi lẹ Onyẹ-nzụọpụha ẹnyi.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Samuẹlụ Nke Ibuzọ 17:37

Osolobuẹ hụ hụn zụọpụha m ẹka ẹwọrọ lẹ ẹka biẹ k'a zụọpụha m ẹka onyẹ Filistia-nị!” Ya Sọlụ nọ kweyen'ẹ, sị, “Jẹnmẹ nwan; Osolobuẹ ya nọyen'i.”

Samuẹlụ Nke Ibuzọ 25:39

Mgbe Defidi gi nụ nị Nabalụ a nwụnhụn, ọ nọ sị, “Ọjịja-mma ya rịnị Osolobuẹ, hụn mẹgwarịnị m Nabalụ ihiẹn-ụya o mẹ m. Osolobuẹ e gbọndọngụọ mmẹ wụ odibo ẹ emẹlẹ eje-ihiẹn, mẹ nwan Nabalụ gi isi ẹ buru eje-ihiẹn o mẹ.” Ya Defidi nọ zi ozi jẹnni Abigẹlụ sị a d'a wụrụ nwunyẹ ẹ.