Timoti Nke Ẹbụọ 4:10 - Ika

¹⁰ nị Dẹmasị a lagụọ m tọ shi Tẹsalonika, makẹni ihiẹn ụwanị rị a sụọ a; Krẹsẹnsị nkẹ e shigụọ Galeshịa, Taịtọsụ e jẹnmẹ Damashịa.

Timoti Nke Ẹbụọ 4:10 ပူးပေါင်းရင်းမြစ်များ

Matiu 12:32

Nị wẹ gbagharịghọ onyẹ kuja oku mmẹ wụ Nwa nke Ịhịan; kanị, agbagharịkọ wẹ onyẹ kuja oku Mmọn-nsọ; agbagharịkọ w'a kẹ ogẹnni kẹ ogẹn ahụn lalanị.

Matiu 26:56

Kanị, ihiẹn ndịnị ile rị nwan e mẹ kẹni ihiẹn ndị-amụma ku imẹ Ẹkụkwọ-nsọ mẹzu.” Ya kẹ ndị nsọnmazụụn a ile nọ la a tọ, gbama ọsọ.

Luku 14:33

Ẹrịrazịkwọ, onwọnni onyẹ ọwụlẹ imẹ ụnụ hụn k'a s'ẹka wụ onyẹ nsọnmazụụn m mmanị ọ latọchanrịn ihiẹn ile ọ nwọn!

Luku 16:13

“Onwọnni nwata-iwe ịhịan jẹnkọ d'a saẹka fe nna ẹbụọ; o jẹnkọ d'e ze ize ohu, nwọn ihiẹn-ọsụsụọ hụn-ẹbọ mọbụ o wechanrịn enwẹn ẹ ye ohu, lelịa hụn-ẹbọ. Y'a sakọ ẹka fe Osolobuẹ lẹ egho.”

Luku 17:32

Nyanhankwọ nị ihiẹn mẹ nwunyẹ Lọtụ!

Ọrụn Ndị-ozi 13:13

Pọlụ lẹ ndị ya lẹ wẹ wị nọ gi ụgbọ-mirin gha Pafọsụ jẹnmẹ Pẹga rị Pamfilia. Ebẹhụ kẹ Jọnụ w'a kpọ Makị nọ la wẹ tọ, lakin Jerusalẹm.

Ọrụn Ndị-ozi 15:38

Kanị Pọlụ achọnị nị wẹ weri onyẹ la wẹ tọ imẹ Pamfilia, onyẹ hụn sọnlẹni wẹ rụn ọrụn wẹ jẹn d'a rụn.

Ọrụn Ndị-ozi 16:6

Wẹ nọ fetu Ẹgbẹrẹ Frigia lẹ Galeshịa, ebe o mẹ ni Mmọn-nsọ anịnị wẹ ku oku-Chuku imẹ Ẹgbẹrẹ Eshịa.

Ọrụn Ndị-ozi 17:1

Ogẹn Pọlụ lẹ Saịlasị gi ghagbarịgụ Amfipolisi lẹ Apolonia, wẹ nọ ru obodo Tẹsalonika. Ụlọ-ofufe ndị Ju rị ebẹhụ.

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ọrụn Ndị-ozi 17:13

Kanị, ogẹn ndị Ju rị Tẹsalonika gi marịn nị Pọlụ e kuọlẹ oku Chuku imẹ Bẹrịa, wẹ nọzị bịa ebẹhụ d'a kpasu ndị rị ebẹhụ.

Ọrụn Ndị-ozi 18:23

Ogẹn o gi nọbe Antịọkụ, ọ nọzị pụ, jẹnsọnmẹ ebe rị ichẹn-ichẹn Ẹgbẹrẹ Galeshịa lẹ Frigia, a gba ndị ile kwerini Jesu umẹ.

Ndị Kọrẹntị Nke Ẹbụọ 2:13

Kanị, obi eruni m alị makẹni ahụnnị m Taịtọsụ wụ nwẹnẹ m imẹ Kraịstị ebẹhụ. Ya m nọ sị wẹ nọdị ọhụnma, m nọ jẹnmẹ Masẹdonia.

Ndị Kọrẹntị Nke Ẹbụọ 7:6

Kanị Osolobuẹ, hụn a kasị ndị ndụn gụ obi nọ gi ọbịbịa Taịtọsụ kasị ẹnyi obi.

Ndị Kọrẹntị Nke Ẹbụọ 8:16

Ekele ya rịnị Osolobuẹ hụn bu ọrịrịmma ụnụ che Taịtọsụ obi k'ọ dọn rị mmẹ nwẹn obi.

Ndị Kọrẹntị Nke Ẹbụọ 8:23

O mẹ nke Taịtọsụ, mmẹ lẹ ịya gba a wị, mmẹ lẹ ya gbazị a rụnnị ụnụ; nke umunẹ ẹnyi ya lẹ wẹ wị, wẹ rị a nọkin ẹnya ụka ichẹn-ichẹn, wẹ rị e ye Kraịstị ọghọ.

Ndị Kọrẹntị Nke Ẹbụọ 8:6

Ịya haịn nwan ẹnyi gi sị Taịtọsụ hụn bidọn ihiẹnni ya d'e yeni nwan ụnụ ẹka rụnpụ a.

Ndị Galeshịa 1:2

Mmẹ lẹ umunẹ ẹnyi imẹ Kraịstị ndị mmẹ lẹ wẹ rị ebeni gba de ẹ. Ẹnyi rị e dejẹnni ụka ichẹn-ichẹn rịsọnmẹ Ẹgbẹrẹ Galeshịa ya.

Ndị Filipi 2:21

Ndị ile họdụnị e ro nke-wẹ, nke-wẹ, ẹlẹ nke Jesu Kristi!

Timoti Ibuzọ 6:10

Makẹni, ẹkpịrị-egho wụ mkpọgụn ụdị eje-ihiẹn ile gha a suepụha. O nwọngụọ ndị latọ ofufe-Kraịstị ebe wẹ rị a chọ nị wẹ hi ọdanfịn, mẹsọnmẹ ihiẹn bu ọda obi gi e gbu wẹ mgbu.

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Timoti Nke Ẹbụọ 1:15

Y'a marịnghọ nị ndị ile rị Ẹgbẹrẹ Eshịa a gbakitọgụọ m azụụn — kẹ Figelọsụ kẹ Homojinisi.

Timoti Nke Ẹbụọ 4:16

Kẹ m bu ụzọ za ikpe, onwọnni onyẹ pụha d'e kuyeni m, ịhịan ile la m tọ. Osolobuẹ ya dodo agụnl'a yeni wẹ!

Taịtọsụ 1:4

M rị e dejẹnni Taịtọsụ, hụn wụ ezigbo nwa m imẹ okukwe ẹnyi. Ẹfọma lẹ udọn, hụn gha ẹka Osolobuẹ Nẹdi ẹnyi lẹ Kraịstị wụ Jizọsị Onyẹ-nzụọpụha ẹnyi a bịa, ya rịn'ị.

Filemọnụ 1:24

Ndị ọrụn ibe m wụ Makị lẹ Arịstakusu lẹ Dẹmasị lẹ Luku e kelezi i.

Pita Nke Ẹbụọ 2:15

A latọgụọ wẹ Ụzọ rị mma kpahu, ghasọnmẹ ụzọ Balaam nwa Bioru hụn erere eje-ihiẹn a sụọ,