Timoti Nke Ẹbụọ 3:3 - Ika

³ Wẹ k'a wụ ndị ẹfọ-njọ, ndị oku ghalẹni a gụ ẹfọ, ndị e kuja oku ịhịan, ndị ghalẹni e kwọndọn enwẹn wẹ, ndị obi wẹ rị azụụn, ndị ihiẹn rị mma ghalẹni a sụọ;

Timoti Nke Ẹbụọ 3:3 ပူးပေါင်းရင်းမြစ်များ

Jẹnẹsisi 49:7

Olulu wẹ ya wụrụ ihiẹn wẹ bụ ọnụ, makẹni o zekẹ; ọnụma wẹ ya wụrụ ihiẹn wẹ bụ ọnụ, makẹni ọ jọka njọ! M k'e feyịya wẹ ye ebọn Jekọpụ ile, keyịyachanrịn wẹ ye alị Izrẹlụ ile.

Ẹbụ-ọma 15:4

hụn e lelịa onyẹ e bi eje-obibi, kanị, ọ gbaye ndị a tụ egun Osolobuẹ; hụn e mẹzu nkwa o kwe, ọsụọn'a nị o k'a rụ a ẹhụ;

Ẹbụ-ọma 22:6

Kanị m wụhụ ndidọn, ẹlẹzidẹ ịhịan — ịhịan hụ a kpari m, ndị alị hụ e lelịa m!

Azaya 53:3

Wẹ lelịa a elelịa, jụ a; nsọngbu-nsọngbu lẹ afụnfụn wẹ gi a gbanị ịhịan ọsọ k'ọ hụnsọnmẹ. Wẹ legberi ẹ elegberi; onwọndẹni ihiẹn ẹnyi kpọ a.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Daniẹlụ 8:23

“O rumẹ njẹndemẹ ọkịkị wẹ, mgbe ndị rị e nupụ isi e gi nupụgụ isi, eze ohu wụ obi-ọmụma lẹ ẹro lẹ enwẹn ẹ k'a pụha.

Matiu 10:21

“Nwẹnẹ k'e we nwẹnẹ ye wẹ gbu; nẹdi k'e we nwa a ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ.

Matiu 4:1

Ya kẹ Mmọn-nsọ nọ duru Jizọsị shi imẹ atụ kẹni Ekwensụ nwan a.

Luku 10:16

“Ọ nọ sị ndị nsọnmazụụn a, ‘Onyẹ gọn ụnụ ntịn, mmẹ k'ọ rị e gọn ntịn; onyẹ jụ ụnụ, mmẹ k'ọ jụ; onyẹ ọwụlẹ jụnị m rị a jụ onyẹ zihẹni m.’ ”

Luku 16:14

Ogẹn ndị Itu-Farisi gi nụgụ ihiẹnni ile, wẹ nọ ru Jesu imi, makẹni egho a sụọka wẹ.

Jọnụ 6:70

Jizọsị nọ sị wẹ, “Ẹlẹ mmẹ họrị ụnụ mmẹbụọ? Kanị onyẹ ohu imẹ ụnụ wụ Ekwensụ!”

Ndị Rom 1:29

ihiẹn ile rịlẹni mma e jun imẹ wẹ: kẹ eje-ihiẹn kẹ ẹnya-uku kẹ iwe kẹ iwe-ẹnya kẹ igbu-ọchụn kẹ ikpe kẹ ẹro kẹ ịchọ-njọ; e họnrin wẹ ndị-ọghẹlẹ,

Ndị Rom 1:31

W'a ra saẹka ghọta, w'ara s'ẹka gi wẹ dọn ẹnya, ẹfọ a jọka wẹ, w'ara mẹ omikẹn.

Ndị Kọrẹntị Ibuzọ 7:5

Egilẹ ni ẹhụ ụnụ a jọ ibe ụnụ ẹfọ, mmanị omẹni ụnụ kwerigbama nị ụnụ ye efe ẹkẹrẹ kẹni ụnụ gi ẹ mẹ ekpere, omẹgụ ụnụ a nọgbamazị, amamgbe Ekwensụ a nwan ụnụ, makẹni ụnụ asaẹka kwọndọnsọnmẹ enwẹn ụnụ.

Ndị Kọrẹntị Ibuzọ 7:9

Kanị, omẹni asakọ wẹ ẹka kwọndọn enwẹn wẹ, wẹ lụrụ, makẹni ọ ka mma nị ịhịan lụrụ di mọbụ nwunyẹ karị nị ẹgụn okpoho mọbụ okẹnnyẹ a tọ a gụn a.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Timoti Ibuzọ 3:11

Ẹrịra k'ọ rịzịkwọ ikpoho, wẹ k'a wụrịrị ndị furu w'a gbaye; awụkọ wẹ ndị e kuja oku ịhịan. Wẹ k'a wụrịrị ndị ẹnya dọn, e wetu obi alị; wẹ k'a wụrịrị ndị wẹ gi e dọn ẹnya imẹ ihiẹn ile.

Taịtọsụ 1:8

Kama, o k'a wụrịrị onyẹ ma nabanhan ọbịa; onyẹ hụn imẹ ihiẹn rị mma a sụọ; onyẹ uche ẹ zu oke, onyẹ kụma enwẹn ẹ ọtọ; onyẹ rị nsọ, onyẹ e kwọndọn enwẹn ẹ.

Taịtọsụ 2:3

Kuzizi ikpoho-ọba nị w'e bi obibi ndị nsọ; w'e mẹlẹ ndị e kuja oku ịhịan, w'e mẹlẹ igbọn manya kanị ndị a kuzi ihiẹn rị mma,

Jemisi 2:6

Bụ ụnụ hụ e legberi ndị-igbẹnnyẹ! Ẹlẹ ndị-ịdanfịn a bịangbu ụnụ? Ẹlẹ wẹ a dọjẹn ụnụ ọgwa?

Pita Nke Ẹbụọ 2:14

Ughẹrẹ jun wẹ ẹnya; ẹfọ njọ ara jun wẹ. W'a rẹrẹrị ndị kelẹni wuzo ọhụnma e ye imẹ njọ. E gigụọ wẹ ẹnya-uku zụn obi wẹ. Ndị wẹ bụ ọnụ kẹ wẹ wụ!

Pita Nke Ẹbụọ 2:19

W'e kwe wẹ nkwa nị wẹ k'e weri enwẹn wẹ, kanị wẹ nwẹn wụkwọ igbọn ihiẹn rụnị: makẹni ihiẹn hụn karị ịhịan ẹka k'ọ wụ igbọn ẹ.

Pita Nke Ẹbụọ 3:3

Nke ibuzọ, ghọta nị nị ndị-nlelịa hụn e bi k'ọ sụọ wẹ k'a pụha ogẹn ikpanzụụn, a mụ ẹmụ,

Judu 1:16

Ogẹn ile kẹ ndịnị gi e dẹnnwịnnwịn, a kọrịanị ịhịan, e mẹ ihiẹn gụnnị wẹ; w'e kukarị enwẹn wẹ, e gi ọnụ-ọma a tụnarịn ịhịan ihiẹn wẹ.

Judu 1:18

Wẹ gwa ụnụ nị “Ndị-nlelịa k'a pụha ogẹn ikpanzụụn, ndị e mẹ ihiẹn rị a gụnnị wẹ.”

Rẹvẹleshọnụ 13:15

A nịzịghọ w'a saẹka mẹ ihiẹn o mẹ eje-anụ ibuzọ ahụn wẹ kpụ nọ rị ndụn, kwọnmẹ, kumẹdẹ oku, mẹdẹ wẹ gbu ndị ile jụ nị efekọ w'a.

Rẹvẹleshọnụ 13:17

nke wụnị onwọnni onyẹ a s'ẹka ṅọn mọbụ re ihiẹn, mmanị o bu ahịma hụ. Ahịma hụ wụ ẹfan eje-anụ ibuzọ hụ mọbụ ole ẹfan a gba.

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Rẹvẹleshọnụ 17:6

M nọ hụn a nị ẹdeke okpoho hụ ra, ẹdeke ndị-nsọ lẹ ndị wẹ gbu makẹ oku Jizọsị, rị a tụ a kẹ manya. Okpoho hụ m hụn a tụka m ẹnya!