Timoti Nke Ẹbụọ 3:10 - Ika

¹⁰ Yụ nwẹn, y'a hụngụọ nkuzi m, obibi m, ihiẹn m chụkọ, okukwe m, ndidin m, ihiẹn-ọsụsụọ m, kẹ m dọn wuzo,

Timoti Nke Ẹbụọ 3:10 ပူးပေါင်းရင်းမြစ်များ

Daniẹlụ 1:8

Kanị, Daniẹlụ nọ jụ n'o rikọ ihiẹn-oriri lẹ manya eze hụ, mẹrụ enwẹn ẹ; ya ọ nọ sị onyẹ-isi hụ ya dodo gụnpụ a, n'ọ chọnị n'o mẹrụ enwẹn ẹ.

Luku 1:3

Gọvanọ wụ Tiofilọsụ, e rogụọ m'a n'ọ hụghọ mma nị mmẹ nwẹn nkẹ den'i y'ẹ uri-uri, makẹni e lebanchanrịngụọ m ihiẹn ndịnị ile ẹnya gha isi ẹ lala,

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 2:42

Ndịnị ile nọ bu enwẹn wẹ che nkuzi ndị-ozi hụ pụ-ichẹn, izu iko ofufe, iri Oriri-nsọ lẹ imẹ-ekpere.

Ọrụn Ndị-ozi 20:18

A bịagụ wẹ, ọ nọ sị wẹ, “Ụnụ lẹ enwẹn ụnụ a marịnghọ kẹ m dọn bi ogẹn ahụn ile m gi rị imẹ igunrun ụnụ, ghakwọrị ụhụọhịn ibuzọ m zọ ụkụ ye imẹ Eshịa;

Ọrụn Ndị-ozi 26:4

“Ndị Ju ile a marịnghọ kẹ m dọn bi gha alị lala, kẹ imẹ alị wẹ nọ mụ m kẹ imẹ Jerusalẹm.

Ndị Rom 16:17

Umunẹ m, dodo, ọ rị ẹka ụnụ, kpachanpụ nị ẹnya makẹ ndị rị e kebe ụnụ, e mẹ okukwe ụnụ uke ebe wẹ n'a kuzi ihiẹn wụlẹni ezioku ahụn ndị kuzini ụnụ kuzi ụnụ. Gbanị nị wẹ ọsọ!

Ndị Kọrẹntị Nke Ẹbụọ 1:17

Kẹ m ku ẹ nị m lala alala, m gidẹ nwan obi-ẹbụọ ku ẹ ra? Ra m'e mẹdẹ nwan kẹ ndị ụwa, a sị, “ẹghẹẹ” lẹ “mba,” mgbe ohu?

Ndị Ẹfẹsọsụ 4:14

makẹ ẹnyi gha a wụsọnmẹ ụmụẹka, ndị ẹbi e bushi ihun-lẹ-azụụn, ndị-nkuzi ọwụlẹ e buhunmẹ kẹ ufere, ndị ịhịan gi nkuzi ẹro lẹ aghịghọ e dufie.

Ndị Filipi 2:20

Enwọn m onyẹ ọzọ hụn rị kẹ Timoti, hụn gichanrịn akpakalị obi ẹ a chọ ọrịrịmma ụnụ.

Ndị Filipi 2:22

Kanị, nke Timoti, ụnụ lẹ enwẹn ụnụ a marịngụọ onyẹ ọ wụ, nị o sọn m a rụn ọrụn oziọma kẹ nwa dọn e sọn nẹdi ẹ.

Ndị Tẹsalonika Ibuzọ 1:5

Makẹni, oziọma ẹnyi zi ụnụ ẹlẹ oku-ọnụ sụọ, kama, o gizi ikẹn lẹ ihiẹn Mmọn-nsọ e mẹ bịanị ụnụ; ọ nọ ruchanrịn ụnụ akpakalị obi, wechanrịn ụnụ ẹnya nị ezioku k'ọ wụ; ụnụ a marịnzịghọ kẹ ẹnyi dọn bi imẹ igunrun ụnụ kẹni ọ rịnị ụnụ mma.

Timoti Ibuzọ 1:3

Nọdị nwan Ẹfẹsọsụ kẹ m dọn gwa ị ogẹn m gi jẹnkọ Masẹdonia, kẹni ị gwa ndị hụ rị a kuzi ihiẹn wụlẹni ezioku akuzizilẹ ẹ;

Timoti Ibuzọ 4:6

Ị gwa umunẹ ẹnyi imẹ Kraịstị ihiẹn ndịnị wẹ, i k'a wụrụ ezigbo onyẹ-ọrụn Kraịstị Jizọsị wẹ zụn ọhụnma, onyẹ wẹ gi ihiẹn ndị nke Kraịstị kweri lẹ ezigbo nkuzi zụn.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Timoti Nke Ẹbụọ 4:7

A lụgụọ m ezigbo ọgụn ahụn! A gbagụọ m ọsọ ahụn! E sọngụọ m ụzọ okukwe Kraịstị!

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Hibru 13:9

Awụkwọlẹ ni ndị wẹ gi nkuzi rị ichẹn-ichẹn e dufie; makẹni ọ rịka mma omẹni obi hụ e ru ịhịan alị makẹni o gi eyemẹka Osolobuẹ dọn ẹnya, ẹlẹ nị o dọnmẹsọnmẹ iwu ihiẹn-oriri, iwu ndị bantulẹnini ndị e dọnmẹni wẹ erere.

Pita Nke Ẹbụọ 3:11

Ebe o mẹ ni wẹ k'e tikpọpụ ihiẹn ndịnị ile ẹnịna, o furu nị ụnụ e bi obibi rị nsọ, e gi egun Osolobuẹ e bi,