Timoti Nke Ẹbụọ 2:9 - Ika

⁹ hụn m gi ufiri ẹ a ta afụnfụn d'e ru nwan ebe wẹ nọ kpọma m ẹgan nọkẹ eje-ịhịan, kanị oku Osolobuẹ arị ẹgan.

Timoti Nke Ẹbụọ 2:9 ပူးပေါင်းရင်းမြစ်များ

Luku 23:32

O nwọnzi ikẹnnyẹ ẹbụọ ndị mẹ eje-ihiẹn wẹ duru wẹ lẹ Jesu d'a kpọgbu.

Ọrụn Ndị-ozi 21:33

Onyẹ-isi agha kanị nọ jẹnburu Pọlụ, nwụnrụn a. Ọ nọ sị wẹ kpọma a ẹgan ẹbụọ; ya ọ nọ sị wẹ, “Onyẹ wụ okẹnnyẹni? K'o mẹ?”

Ọrụn Ndị-ozi 28:31

ọ hụ e zi ozi Alị-eze Osolobuẹ, a kuzi banyeni Di-nwọnni-ẹnyi wụ Jesu Kristi, e ku ẹ, e kushi ẹ ikẹn, onwọnni onyẹ gbọndọnn'ẹ.

Ọrụn Ndị-ozi 9:16

mmẹ lẹ enwẹn m jẹnkọ d'a ghọsị a okẹn afụnfụn ẹfan m k'e buhẹn'ẹ.”

Ndị Ẹfẹsọsụ 3:1

Oziọma Kraịstị wụ Jizọsịnị m rị e zi ụnụ ndị wụlẹni ndị Ju kẹ mmẹ wụ Pọlụ gi nwan rị imẹ ngan.

Ndị Filipi 1:17

Ndị gi iwe-ẹnya e zi ẹ gi ozi wẹ rị e zini Kraịstị a chọ nke wẹ, ẹlẹ nị wẹ rị e ro oziọma; wẹ rị a chọhụ nị wẹ we afụnfụn cheni afụnfụn m rị a ta imẹ ngannị m rị.

Ndị Filipi 1:7

O furughọ nị oku ụnụ ile a rị m ẹnịna, makẹni ụnụ rị m obi ogẹn ile! Ẹghẹẹ, makẹni mmẹ lẹ ụnụ hụ e gi ihiẹn Osolobuẹ gi a gọzi ẹnyi e yetarị ẹka: kẹ ebe m rị imẹ ngan kẹ ebe m rị a kwadọn oziọma, e mẹ ihiẹn o gi e werichanrịn ọnọdị.

Ndị Kolosị 4:18

Nị m gi ẹka m de nwan ekele m: Mmẹ wụ Pọlụ e kele. Nyanhankwọ nị ẹgan ndịnị rị m ẹka! Ẹfọma Osolobuẹ ya rusọnmẹ ụnụ ẹka.

Ndị Kolosị 4:3

Ụnụ gha e mẹ ekpere, e mẹzikwọ nị nị ẹnyi nwẹn, kẹni Chuku a kpọpụnị ẹnyi ụzọ ẹnyi e gi e ku oku-Chuku, ku oku ihiẹn-omimi ahụn wụ Kraịstị, hụn wẹ gi ufiri ẹ tụ m ngannị;

Ndị Tẹsalonika Ibuzọ 1:8

Oku Onyẹ-nwọnni-ẹnyi a ghagụọ nwan ẹka ụnụ ghagbarị, ẹlẹdẹ imẹ Masẹdonia lẹ Akaya sụọ, kanị ndị rị ebe ile a nụgbarịgụọ kẹ ụnụ dọn nwọn okukwe imẹ Osolobuẹ, nke wụ nị ọrịzịnị mkpa nị ẹnyi kumẹ ẹ.

Ndị Tẹsalonika Nke Ẹbụọ 3:1

Umunẹ, nke ikpanzụụn rịn'a wụ ọnwan: e mẹni ni ẹnyi ekpere, nị oku Di-nwọnni-ẹnyi hụn ụzọ ghagbarị ẹgwa; ni w'a gbaye ẹ ebe ile kẹ ụnụ dọn mẹ imẹ igunrun ụnụ.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Timoti Nke Ẹbụọ 1:16

Osolobuẹ ya mẹni ezi-lẹ-ụlọ Onẹsiforọsụ omikẹn, makẹni Onẹsiforọsụ a gbaka m umẹ! Ifẹnrẹn ẹgan m e mẹdẹn'ẹ.

Timoti Nke Ẹbụọ 1:8

Emẹkwọlẹ nwan ifẹnrẹn iku-oku Onyẹ-nwọnni-ẹnyi mọbụ ifẹnrẹn mmẹ nwẹn hụn rị nwan imẹ ngan makẹ ufiri ẹ. Kama, gi ikẹn Osolobuẹ sọn ẹnyi tanị oziọma afụnfụn.

Timoti Nke Ẹbụọ 2:3

Du ẹnyi ta afụnfụn nọkẹ ezigbo onyẹ-agha Jesu Kristi.

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Pita Ibuzọ 2:14

ụnụ e humẹni ndị Gọvanọ isi nị wẹ wụ ndị eze tumẹ d'e ye ndị e mẹ eje-ihiẹn afụnfụn, a ja ndị e mẹ ihiẹn rị mma mma.

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.

Pita Ibuzọ 4:15

Ka emẹkwọlẹ ni ndị rịhụ a ta afụnfụn eje-ihiẹn wẹ mẹ — nọkẹ ndị e gbu ọchụn mọbụ ndị ohin mọbụ eje-ịhịan mọbụ ndị a chọ “ẹnya-m-ru”.