Timoti Nke Ẹbụọ 2:7 - Ika

⁷ Romi ihiẹnni m ku, nị Di-nwọnni-ẹnyi mẹghọ ị ghọta ihiẹn ile.

Timoti Nke Ẹbụọ 2:7 ပူးပေါင်းရင်းမြစ်များ

Ihiẹn Mẹni Nke Ibuzọ 22:12

Osolobuẹ ya ye i uche lẹ nghọta ogẹn o k'e gi tumẹ i onyẹ-isi Izrẹlụ, n'i hụn ụzọ dọnmẹ iwu Osolobuẹ wụ Chuku i.

Ihiẹn Mẹni Nke Ibuzọ 29:19

Y'e yezikwọ Solomọnụ nwa m ikẹn n'o gi obi ẹ ile e mẹchanrịn ihiẹn ọwụlẹ ị sị a mẹ lẹ ihiẹn ị chọ lẹ uhi i lẹ ihiẹn o k'e gi tụnchanrịn ụlọ-nsọnị pụ-ichẹn m butọnị ihiẹn ndịnị ile.”

Ẹbụ-ọma 119:125

Odibo i kẹ m wụ, dodo ye m nghọta kẹni m marịn ihiẹn i ku ru alị.

Ẹbụ-ọma 119:144

Hụn i ku rị mma jẹnrin ejẹn; dodo, ye m nghọta kẹni m rị ndụn.

Ẹbụ-ọma 119:73

Ịyụ ke m, buchesọnmẹ m ụkụ lẹ ẹka, dodo, ye m nghọta, kẹni m mụnrụn iwu i.

Ẹbụ-ọma 64:9

egun k'a tụma ịhịan ile, a gwama wẹ ndị ọzọ ihiẹn Chuku mẹ; e rosọnmẹ wẹ ihiẹn Chuku mẹ.

Itẹn 24:32

E rokpọ m ihiẹn m hụn, m nọ gi ihiẹn m hụn mụnrụn ihiẹn:

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 28:26

Chuku ken'ẹ hụ a gwa a ihiẹn o k'e mẹ, a kuzi ẹ k'o furu n'o mẹ ẹ.

Azaya 5:12

Wẹ hụ a kpọ ụbọ-hapụ lẹ ụbọ-layẹ imẹ oriri wẹ, a kụ ẹgede-chakachaka, e gbu ẹkpịrị, a ra manya, kanị, onwọnni ihiẹn wẹ kpọ ihiẹn Osolobuẹ rị e mẹ, w'a ra rodẹ ihiẹn ọ chọ n'o mẹ wẹ.

Daniẹlụ 1:17

Chuku ye ikorọbịa ẹnọnị ikẹn wẹ gi a mụ ihiẹn lẹ hụn wẹ gi a ghọta ẹkụkwọ ile lẹ ihiẹn ile w'a mụ a mụ. Daniẹlụ nkẹ a ghọta ọhụn ile lẹ nrọ ile.

Luku 21:15

Makẹni m sikọ d'e ye ụnụ amamihiẹn lẹ oku-ọnụ hụn ndị ikpe ụnụ jẹnkọlẹni d'a saẹka shịarị mọbụ papụ.

Luku 24:45

Ya ọ nọ shịapụ wẹ obi kẹni wẹ saẹka ghọta Ẹkụkwọ-nsọ,

Luku 9:44

“Azọkwọlẹ ni ihiẹnni m jẹnkọ d'a gwa ụnụ kikẹnni: Wẹ sikọ d'e re Nwa nke Ịhịan ye wẹ.”

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 16:13

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

Ọrụn Ndị-ozi 7:10

zụọpụha a imẹ nsọngbu ẹ ile. Ọ nọ mẹ ihiẹn ẹ sụọ Fẹro eze Ijiptu, yezikwọ Josẹfụ amamihiẹn pụ-ichẹn ogẹn o gi pụha ihun Fẹro, nke wụ nị Fẹro nọ tumẹ ẹ n'ọ kị alị Ijiptu lẹ obi-eze Fẹro ile.

Ndị Kọrẹntị Ibuzọ 12:8

Mmọn-nsọ ye onyẹ ohu oyiye igi amamihiẹn e ku; Mmọn-nsọ ohu hụ yezikwọ onyẹ ọzọ oyiye o gi ku oku ịhịan e gi marịn ihiẹn ọ marịnlẹni.

Ditrọnọmi 32:29

K'ọ rị m wẹ nwọn uche hụn w'e gi ghọta ihiẹnni, marịn ihiẹn jẹnkọ d'e mẹ wẹ:

Ditrọnọmi 4:39

Marịn nị nwan, ụnụ e gi ẹ dọn, nị Osolobuẹ wụ Chuku, kẹ imẹ elu-igwee kẹ elu-ụwa. Osolobuẹ ọzọ arịzị a!

Ndị Filipi 4:8

Umunẹ m, igi mẹkin, m sị ụnụ, e bu ni obi e che ihiẹn ọwụlẹ wụ ezioku, ihiẹn ọwụlẹ w'a gbaye, ihiẹn ọwụlẹ furuni; ihiẹn ọwụlẹ eje-ihiẹn rịlẹni, ihiẹn ọwụlẹ a sụọ ịhịan ụsụọ ẹfọ, ihiẹn ọwụlẹ w'a ja mma; ihiẹn ọwụlẹ rịchanrịn mma, ihiẹn ọwụlẹ wẹ e ku oku ẹ ọhụnma.

Ndị Kolosị 1:9

Ya haịn o gi mẹ ni, kete ẹnyi a nụl'a, ẹnyi eke mẹbehikwọnị nwan ụnụ ekpere, a rịọ Chuku n'o mẹ ụnụ marịn uche ẹ ọhụnma-ọhụnma, nwọn amamihiẹn lẹ nghọta imẹ-mmọn, nwọn wẹ mmagi-mmagi,

Timoti Ibuzọ 4:15

E mẹ ihiẹn ndịnị ile; e we enwẹn i e che imẹ wẹ, kẹni ịhịan ile hụn a nị ọ hụ a gha.

Timoti Nke Ẹbụọ 2:6

Onyẹ-ugbo hụn a rụnshi ọrụn ikẹn furu hụn e buzọ e ri ihiẹn-ugbo rịn'a.

Timoti Nke Ẹbụọ 2:8

Nyanhan Jizọsị wụ Kraịstị hụn Osolobuẹ gha ọnwụn weli, hụn wẹ mụye ikpụlọ Defidi. Ọhụn wụ oziọma m rị e zi,

Hibru 12:3

Rokpọ nị onyẹni dingbu ihiẹn ahụn ile ndị-njọ mẹ ẹ, amamgbe ndụn a gụ ụnụ mọbụ ụnụ e tuhu okukwe ụnụ.

Hibru 13:7

Nyanhan nị ndị-ndu ụnụ, hụn gwa ụnụ oku Osolobuẹ; lekpọ nị elu wẹ bi lẹ ihiẹn gha imẹ ẹ pụha; leri nị okukwe wẹ.

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 7:4

Lee k'o mẹhan okẹn-ịhịan: nke wụ nị Ebraham nẹdi ẹnyi kanị lẹ enwẹn ẹ e yeghọdẹ a ụzọ ohu imẹ ụzọ iri ihiẹn ile o bulụa imẹ agha hụ!

Jemisi 1:5

Onyẹ marịnlẹni ihiẹn o k'e mẹ, ya rịọ Osolobuẹ hụn a shịapụ ẹfọ e ye, hụn ghalẹni e kpe nị w'e rịọ a ihiẹn, o k'e ye ẹ amamihiẹn.

Jemisi 3:15

Amamihiẹn nọ ẹrịra aghakwọnị elu-igwee bịa! Nke ụwa rọ, ẹka Mmọn-nsọ arịa; nke Ekwensụ rọ.

Jemisi 3:17

O mẹ nke amamihiẹn ahụn gha elu-igwee bịa, nke ibuzọ wụ nị ya lẹ obi rị ọchan wị, udọn k'ọ chọ, ara mẹ ikẹn-ikẹn; o kweyezini ndị ọzọ, omikẹn lẹ mkpụrụ rị mma jun ẹ, ara gbeyeni ịhịan, ntụ arịa.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.