Timoti Nke Ẹbụọ 2:14 - Ika

¹⁴ A nyanhan nị wẹ ihiẹnni; e gi ẹfan Chuku a gba wẹ mkpịnsịn-ẹka ẹnya. Sị wẹ adọzịlẹ akpụrụ oku, nị ara ye ẹka, o wiwihụ ndị a nụn'a.

Timoti Nke Ẹbụọ 2:14 ပူးပေါင်းရင်းမြစ်များ

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 2:11

o nwọntughọ alị latọ mmọn wẹ femẹ ọzọ? Ọsụọn'a nị mmọn ndị ahụn ẹlẹ ezigbo ẹ. Bụ ndị nke m a latọgụọ mmẹ hụn wụ ọghọ wẹ, gi mmọn nwọnlẹni isi nọkin ẹnya m.

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Jerimaya 23:36

Amakwọlẹ ni ama kpọ ozi Osolobuẹ ibu; ekuzilẹ n'ẹ, makẹni ihiẹn onyẹ-onyẹ ku wụ ibu ẹ. Ụnụ rị e fị oku Chuku — Chuku hụn rị ndụn, Osolobuẹ ihiẹn ile rị okpuru ẹ, hụn wụ Chuku ẹnyi.

Jerimaya 7:8

Ka lee ẹ nwan, ụnụ hụ e gi ntụ hụn jẹnkọlẹni d'a bannị ụnụ erere e dọn ẹnya.

Habakọkụ 2:18

“Elee erere kẹ mmọn wẹ kpụ bandẹ, ebe o mẹni ịhịan kpụ a? Ẹlẹ ihiẹn mmaka wẹ kpụ hụn e dufie ịhịan k'ọ wụ? Onyẹ hụn kpụn'a gi ihiẹn ẹka a mẹmẹ e dọn ẹnya, bụ ọ kpụhụ ihiẹn ghalẹni e ku oku.

Matiu 16:26

Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?

Ọrụn Ndị-ozi 13:10

sị a, “Onyẹ hụn ẹro lẹ eje-ihiẹn ile jun imẹ ẹ! Nwa Ekwensụ! Eṅẹnrẹn ihiẹn ile rị ọchan! Y'a fịbehikọ ezioku Di-nwọnni-ẹnyi?!

Ọrụn Ndị-ozi 15:24

“Ẹnyi a nụgụọ n'o nwọn ndị gha imẹ ẹnyi bịa d'e kunrun ụnụ, e gi ihiẹn wẹ rị e ku e sọngbu ụnụ, e mẹ obi e kọnrin ụnụ elu, bụ ẹnyi ezini wẹ.

Ndị Rom 14:1

A nabanhan nị ibe ụnụ okukwe wẹ zelẹni, esọnlẹ ni wẹ dọ ihiẹn wụlẹni iwu imẹ Kraịstị:

Ndị Galeshịa 1:7

ẹlẹni oziọma ọzọ rị a rị nke-esi, kanị o nwọnghọ ndị rị e ye ụnụ nsọngbu, e mẹ obi eruzilẹ ụnụ alị, a chọ nị wẹ gbehutọ oziọma Kraịstị.

Ndị Ẹfẹsọsụ 4:17

M rị nwan e gi ẹfan Di-nwọnni-ẹnyi a gba ụnụ mkpịnsịn ẹka, a gbashi ụnụ ya ikẹn: ebizilẹ ni kẹ ndị ghalẹni e fe Osolobuẹ, ndị iroro wẹ nwọnlẹni isi.

Ndị Tẹsalonika Ibuzọ 4:1

Umunẹ ẹnyi, igi mẹkin, ẹnyi gi ẹfan Di-nwọnni-ẹnyi wụ Jizọsị a rịọ ụnụ: bisọnmẹ ni obibi hụ ụnụ mụnarịn ẹnyi nị ya a sụọ Osolobuẹ ụsụọ, obibi ahụn ụnụ rị nwan e bi; bikẹnmẹ ni ẹrịra.

Ndị Tẹsalonika Nke Ẹbụọ 3:6

Umunẹ, ẹnyi gi nwan ẹfan Di-nwọnni-ẹnyi Jizọs Kraịstị e ye ụnụ iwuni: esọnlẹ ni onyẹ Itu-Kraịstị ọwụlẹ ẹka kụtọpụ — ghalẹni e gi ihiẹn ẹnyi gwa ụnụ e bi.

Timoti Ibuzọ 1:4

w'e gọnzilẹ ntịn ilu “ihiẹn-haịn” lẹ okẹn ịchọ-alị oku nwọnlẹni njẹndemẹ hụn e mẹ ịhịan a jụ ajụjụ-ajụjụ hụn nkẹ ịhịan e gi bi obibi okukwe Osolobuẹ gi e mẹ ihiẹn ẹ.

Timoti Ibuzọ 1:6

O nwọnọlẹ ndị latọ ihiẹn ndịnị, kpahu, sọnmẹ oku nwọnlẹni isi.

Timoti Ibuzọ 4:8

Ịzụn ẹhụ a banghọ erere, kanị ife-Osolobuẹ ka erere a ban ụzọ ile, makẹni w'e ri erere ẹ imẹ ndụnnị lẹ ndụn lalanị.

Timoti Ibuzọ 5:21

M rị a gba ị mkpịnsịn-ẹka idẹnya Osolobuẹ lẹ Kraịstị wụ Jizọsị lẹ ndị mmọn-ozi rị nsọ: e dọnmẹ iwu ndịnị; egbeyekwọlẹni ịhịan; elekwọlẹ ịhịan ẹnya ihun!!

Timoti Ibuzọ 6:13

Idẹnya Osolobuẹ hụn e ye ihiẹn ile ndụn lẹ Jizọsị Kraịstị hụn nọ idẹnya Pọntius Paịleti ku ezioku, ku ẹ n'ọ wụ Onyẹ ahụn ọ wụ, m sị ị

Timoti Nke Ẹbụọ 1:6

Ufiri ẹ, m rị a nyanhann'ị n'ị fụnwun oyiye Osolobuẹ hụn rị imẹ i, hụn Osolobuẹ ye i ogẹn m gi bu ẹka kwasị ị.

Timoti Nke Ẹbụọ 2:16

Latọ oku nwọnlẹni-isi ghalẹni e yeni ịhịan ẹka e fe Osolobuẹ, makẹni o mẹ ịhịan a latọkẹnmẹ ihiẹn Osolobuẹ.

Timoti Nke Ẹbụọ 2:23

Adọlẹ ndọndọ nwọnlẹni isi ndị marịnlẹni ihiẹn wẹ rị e ku a dọ, ebe o mẹni y'a marịnghọ ni ikpe k'o buhẹ,

Timoti Nke Ẹbụọ 4:1

M rị a gwa ị ya, a gwashi i ikẹn idẹnya Osolobuẹ lẹ Kraịstị wụ Jizọsị hụn jẹnkọ d'e kin ndị rị ndụn lẹ ndị nwụnhụnnị ikpe; m rịzị a gwa ị ya makẹ ọbịbịa Kraịstị lẹ Alị-eze ẹ, a sị ị,

Taịtọsụ 3:1

Nyanhan nị wẹ nị wẹ e bu enwẹn wẹ e che okpuru ndị-ndu lẹ ndị-ọkịkị, wẹ e humẹ isi; wẹ kwademẹ nị wẹ e mẹ ihiẹn ọwụlẹ rị mma.

Hibru 13:9

Awụkwọlẹ ni ndị wẹ gi nkuzi rị ichẹn-ichẹn e dufie; makẹni ọ rịka mma omẹni obi hụ e ru ịhịan alị makẹni o gi eyemẹka Osolobuẹ dọn ẹnya, ẹlẹ nị o dọnmẹsọnmẹ iwu ihiẹn-oriri, iwu ndị bantulẹnini ndị e dọnmẹni wẹ erere.

Pita Nke Ẹbụọ 1:13

E roghọ m'a n'ọ hụghọ mma nị m'a nyanhan nị ụnụ ihiẹn ndịnị wẹ, e gi wẹ a kpọtiẹn ụnụ, hụnnị m rịkwọ ndụn imẹ ẹhụnị.

Samuẹlụ Nke Ibuzọ 12:21

Ejẹnkwọlẹ ni d'e femẹ mmọn-lẹ-iyi ndị ahụn nwọnlẹni erere wẹ ban. Onwọnni ihiẹn rị mma wẹ k'a saẹka mẹni ụnụ, asakọ wẹ ẹka gbapụha ụnụ, makẹni onwọnni erere wẹ ban.