Timoti Nke Ẹbụọ 1:9 - Ika

⁹ Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Timoti Nke Ẹbụọ 1:9 ပူးပေါင်းရင်းမြစ်များ

Matiu 1:21

O k'a mụ okẹnnyẹ. I jẹnkọ d'a gụn nwa hụ Jesu (Jizọsị) makẹni ịya jẹnkọ d'a zụọpụha ndị nke ẹ imẹ njọ wẹ.”

Luku 10:21

Ogẹn hụzịkwọ, Jesu nọ ghọghọ imẹ Mmọn-nsọ, sị, “Baba, Onyẹ nwọn elu-igwee lẹ ụwa! M rị a ja ị mma ni y'e zuemẹgụọnị ndị marịn ihiẹn lẹ ndị nwọn nghọta ihiẹn ndịnị, we wẹ ghọsị ụmụ-ndu. Ẹghẹẹ Baba, ẹnịna k'ị chọ n'ọ rị.

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Jọnụ 17:9

“Uwẹ kẹ m rị e mẹni ekpere: ẹlẹ ụwa ile kẹ m rị e mẹ ni ekpereni, kalẹ ndị hụn i ye m, makẹni wẹ wụ nke i.

Jọnụ 6:37

“Ndị ile Nẹdi m ye m sikọ d'a bịa d'e kunrun m; achụpụkọ m onyẹ ọwụlẹ bịa d'e kunrunni m

Ọrụn Ndị-ozi 15:18

marịn ihiẹn ndịnị ketekete ku.’

Ọrụn Ndị-ozi 2:47

a ja Osolobuẹ mma; ihiẹn wẹ hụ a sụọ ịhịan ile. Ụhụọhịn-ụhụọhịn, Di-nwọnni-ẹnyi hụ e bucheni wẹ ndị hụn ọ rị a zụọpụha.

Ndị Rom 11:14

ikẹnkwọ nị m saẹka gi ẹ mẹ ẹnya fụma ndị alị m, kẹni m saẹka zụọpụhadẹ ụfọdụ.

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Rom 3:20

Makẹni, onwọnni onyẹ jẹnkọ d'e gi idọnmẹ Iwu Mozizi wụrụ onyẹ ezi-omumẹ ebe Osolobuẹ rị, makẹni Iwu Mozizi ke wẹ gidẹ a ghọsị ịhịan n'o mẹọlẹ njọ.

Ndị Rom 9:11

kanị, nị wẹ d'a mụ wẹ, kẹ wẹ kelẹni mẹ ihiẹn ọwụlẹ — kẹ mma kẹ njọ — Osolobuẹ nọ ghọsị nị ihiẹn ọ chọ n'o mẹ k'o mẹ —

Ndị Rom 9:24

ya wụ ẹnyi ndị hụn ọ kpọ — kẹ ndị rị imẹ ẹnyi wụ ndị Ju ndị wụlẹni ndị Ju.

Ndị Kọrẹntị Ibuzọ 1:18

Makẹni, ozi ọnwụn hụn Kraịstị nwụn elu obe wụ nzuzu ẹnya ndị lakọ ntikpọ; kanị ebe ẹnyi nwẹn ndị Osolobuẹ rị a zụọpụha rị, ikẹn Osolobuẹ rọ.

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 1:9

Ọ nọ nwan mẹ ẹnyi marịn ihiẹn o zuemẹye imẹ obi ẹ, ihiẹn hụn o rotọ n'o jẹnkọ d'a rụnpụha imẹ Kraịstị.

Ndị Ẹfẹsọsụ 2:5

ọsụọn'a nị njọ ẹnyi e te gbugụọ ẹnyi, ọ nọ gha ọnwụn wepụha ẹnyi, mẹ ẹnyi sọn Kraịstị rịzị ndụn. Ẹfọma Osolobuẹ mẹ kẹ ụnụ gi nwọn nzụọpụha.

Ndị Ẹfẹsọsụ 3:11

Makẹni, ịya kẹ Osolobuẹ rotọ ẹdẹi n'o k'e mẹ ghahanị Kraịstị wụ Jizọsị Di-nwọnni-ẹnyi —

Ndị Filipi 3:14

M'a lịlịma, e buchanrịn ihun e zinmẹ ebe m gbakọ, kẹni m nwọnhẹn ihiẹn hụn Osolobuẹ kpọnị ẹnyi oku elu-igwee rị imẹ Kraịstị wụ Jizọsị.

Ndị Tẹsalonika Ibuzọ 4:7

Makẹni, ẹlẹ obibi ru unyin kẹ Osolobuẹ kpọ ẹnyi d'e bi, kanị obibi rị ọchan.

Timoti Ibuzọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị Jizọsị. Osolobuẹ hụn a zụọpụhanị ẹnyi lẹ Kraịstị wụ Jizọsị hụn wụ olilẹnya ẹnyi tumẹ m.

Timoti Nke Ẹbụọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị wụ Jizọsị ghahanị uche Chuku. Wẹ tumẹ m onyẹ-ozi pụ-ichẹn d'a rụn ọrụn Osolobuẹ gha e mẹzu nkwa ahụn o kwe n'o k'e ye ndị rị imẹ Kraịstị wụ Jizọsị ndụn.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Pita Ibuzọ 1:20

hụn Osolobuẹ họtọ n'o d'e ke ụwa, gi ufiri ụnụ wepụha a ogẹn ikpanzụụnnị.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.