Timoti Nke Ẹbụọ 1:16 - Ika

¹⁶ Osolobuẹ ya mẹni ezi-lẹ-ụlọ Onẹsiforọsụ omikẹn, makẹni Onẹsiforọsụ a gbaka m umẹ! Ifẹnrẹn ẹgan m e mẹdẹn'ẹ.

Timoti Nke Ẹbụọ 1:16 ပူးပေါင်းရင်းမြစ်များ

Samuẹlụ Nke Ẹbụọ 2:6

Osolobuẹ ya gi ihiẹn ọma ụnụ mẹ sọn ụnụ, ghọsị ụnụ n'ọ wụ onyẹ wẹ gi e dọn ẹnya; mmẹ nwẹn sikọ d'e mẹzini ụnụ ọhụnma makẹ ihiẹnni ụnụ mẹ.

Nehemiah 13:14

Euu Chuku m, gikwọ ihiẹnni nyanhan m! Dodo, e finchanpụkwọlẹ ọrụn-ọma ile m rụn hụn m gi kwadọn Ụlọ yụ wụ Chuku m lẹ ofufe rịn'a.

Nehemiah 13:22

M nọ sị ndị Livaị wẹ fe ẹhụ kẹ Osolobuẹ dọn ku, jẹnmẹ d'e che ọnụ-mgbọn ndị ahụn, nị wẹ dọnmẹ Ụhụọkịn Ezumikẹn nsọ. Euu Osolobuẹ, gizikwọ hụnnị nyanhan m, y'e gi okẹn ihiẹn-ọsụsụọ ị mẹni m omikẹn!

Nehemiah 13:31

M nọzị mẹ ndị Izrẹlụ tụhamazị nkụn hụ wẹ gi a fiye ọkụn ukpo nchụn-ẹjan imẹ Ụlọ-nsọ, wẹhẹmẹzi ihiẹn-ugbo ibuzọ, e mẹchanrịn wẹ ogẹn wẹ. Euu Osolobuẹ m, nyanhankwọ m ọnyanhan rị mma.

Nehemiah 5:19

Euu Osolobuẹ m, nyanhankwọ m ọnyanhan rị mma makẹ ihiẹn ile rị mma m mẹni ndịnị.

Ẹbụ-ọma 18:25

Onyẹ kwọnkẹnmẹ nke i, y'a ghọsị a nị y'e mẹyeni onyẹ nke i; onyẹ nwọnlẹni nkọrịanị ẹnya ị, y'a ghọsị a nị yụ nwẹn e nwọn nkọrịanị;

Ẹbụ-ọma 37:26

W'a ha ẹka ogẹn ile, e zinye ndị ọzọ ihiẹn; ụmụ wẹ k'a wụ ngọzi.

Jerimaya 39:17

Kanị, mmẹ wụ Osolobuẹ rị e ku ẹ nị m jẹnkọ d'a gbapụha ị ụhụọhịn ahụn! Ewekọ wẹ i ye ndị ị rị a tụ egun wẹ.

Matiu 25:17

Ẹrịra kẹ onyẹ o ye hụn jun ẹkpa ẹbụọ dọnzi nwọnhẹn ẹkpa ẹbụọ chen'ẹ.

Matiu 5:7

Ngọzi wụ nke ndị hụn e mẹ omikẹn, makẹni wẹ sikọ d'e mẹni wẹ omikẹn.

Ọrụn Ndị-ozi 21:33

Onyẹ-isi agha kanị nọ jẹnburu Pọlụ, nwụnrụn a. Ọ nọ sị wẹ kpọma a ẹgan ẹbụọ; ya ọ nọ sị wẹ, “Onyẹ wụ okẹnnyẹni? K'o mẹ?”

Ọrụn Ndị-ozi 28:20

Ya haịn m gi sị nị m hụn ụnụ gwa ụnụ oku, makẹni oku ihiẹn ahụn Izrẹlụ ile rị e lee ẹnya a kẹ m gi rị ẹgannị.”

Ndị Kọrẹntị Ibuzọ 16:18

A gbagụọ wẹ m umẹ, gi ẹ gbazị ụnụ nwẹn umẹ. A gbaye ni nwan ndị nọ ẹnịna.

Ndị Ẹfẹsọsụ 6:20

m wụ nwan ụkọ oziọma hụn yi ẹgan, e mẹni ni m ekpere nị m hụn ụzọ e ku ẹ e kushi ikẹn k'o furu nị m'e ku ẹ.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Timoti Nke Ẹbụọ 1:17

Kama, o ruhụ Rom, ọ nọ chọ m ntan chọ m imọn d'e ru n'ọ hụn m.

Timoti Nke Ẹbụọ 1:18

Di-nwọnni-ẹnyi ya mẹni Onẹsiforọsụ omikẹn Ụhụọhịn hụ! Ịyụ lẹ enwẹn i a marịnzịghọ ẹka ile o yeni m imẹ Ẹfẹsọsụ.

Timoti Nke Ẹbụọ 1:8

Emẹkwọlẹ nwan ifẹnrẹn iku-oku Onyẹ-nwọnni-ẹnyi mọbụ ifẹnrẹn mmẹ nwẹn hụn rị nwan imẹ ngan makẹ ufiri ẹ. Kama, gi ikẹn Osolobuẹ sọn ẹnyi tanị oziọma afụnfụn.

Timoti Nke Ẹbụọ 4:19

Kele Priska lẹ Akwila lẹ ikpụlọ Onẹsiforọsụ.

Filemọnụ 1:20

Ẹghẹẹ nwẹnẹ m, nị m gidẹ ẹfan Di-nwọnni-ẹnyi ri ọghọnị ẹka ị. Gi ufiri Kraịstị gba m umẹ.

Filemọnụ 1:7

Ezigbo nwẹnẹ m, ihiẹn-ọsụsụọ i nwọn e mẹ m a ghọghọ ọda-ọda, a gbazị m umẹ, makẹni Osolobuẹ e gigụọ ị gba ndị nsọ umẹ.

Hibru 10:34

Ẹghẹẹ, ụnụ a chọ ihiẹn ụnụ e mẹni ndị rị ngan ogẹn hụ; kẹ wẹ napụ ụnụ ihiẹn ụnụ, ụnụ gidẹ ịghọghọ din ẹ, makẹni ụnụ a marịnghọ nị ụnụ lẹ enwẹn ụnụ nwọn hụn ka mma lẹ hụn k'a rị jẹnrin ejẹn.

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Rutu 1:8

Nahomi nọ sị inyẹnmẹ ụmụ a ẹbụọ hụ, “Kin ni azụụn; onyẹ-onyẹ ya lama iwe nnẹ ẹ. Osolobuẹ ya mẹni ụnụ ọhụnma kẹ ụnụ dọn mẹni ndịnị nwụnhụngụnị lẹ mmẹ nwẹn.