Timoti Ibuzọ 6:4 - Ika

⁴ ọ rịhụ a pache; onwọnni ihiẹn ọ marịn; ndọndọ a sụọka a, ọ dọsọnmẹ akpụrụ oku. Eje-ndọndọnị e buhẹ iwe-ẹnya, ikpe, ikuja oku ịhịan lẹ ibuo-ofo

Timoti Ibuzọ 6:4 ပူးပေါင်းရင်းမြစ်များ

Itẹn 13:7

Onyẹ ohu e mẹ kẹ ọdanfịn bụ onwọnni ihiẹn o nwọn; hụn ẹbọ e mẹ kẹ ogbẹnnyẹ bụ o nwọnghọ ihiẹn ọda-ọda.

Itẹn 25:14

Onyẹ ghalẹni e ye ihiẹn o kwe nkwa a nọ kẹ orukpu lẹ ufere ghalẹni e zue mirin.

Itẹn 26:12

Y'a hụnghọ onyẹ a sị enwẹn ẹ n'ọ marịnka ihiẹn? O k'a rịnị onyẹ-nzuzu mma karị hụnyẹ.

Azaya 58:4

Ibu-ọnụ ụnụ wụ ibu-ọnụ oku lẹ ikpe, lẹ imẹ ibe ụnụ eje-ihiẹn. Ụnụ ebukọkwọ ụdị ọnụnị a tụ ẹnya nị wẹ k'a nụ olu ụnụ elu-igwee.

Ọrụn Ndị-ozi 15:2

Pọlụ lẹ Banabasị nọ sọn ndị hụ dọ oku hụ, e kube w'ẹ; ya ndị ụka nọ han Pọlụ lẹ Banabasị lẹ ndị ọzọ imẹ wẹ nị wẹ we okuni jẹnni ndị-ozi ahụn pụ-ichẹn lẹ ndị-isi rị Jerusalẹm.

Ọrụn Ndị-ozi 18:15

Ebe o mẹ nwan ni oku ihiẹn onyẹ ku lẹ ẹfan ịhịan lẹ oku iwu ụnụ rọ, gi ni ẹka ụnụ leban a ẹnya; ekinkọ m ụdị ikpe ndịnị!”

Ọrụn Ndị-ozi 8:9

Ogẹn ahụn, okẹnnyẹ ohu ẹfan a wụ Saịmọnụ bi obodo hụ. O gi ọgụn e mẹ ihiẹn a tụ ndị Sameria ile ẹnya; ọ hụ a kpọ enwẹn ẹ okẹn ịhịan.

Ndị Rom 12:16

E gi ni obi ohu e bi. Apachelẹ ni, agbalalẹni ni ndị ọnọdị wẹ lụa alị mọbụ ọrụn lụa alị. Erolẹ ni nị ụnụ ka ndị ọzọ mkpa.

Ndị Rom 13:13

Nị ẹnyi e bi ni ọhụnma kẹ w'e bi ebe eki rị elu. Ẹlẹzi ijẹn eje-mmẹmmẹ lẹ ịra-manya a tụ; ẹlẹzi ughẹrẹ lẹ eje-obibi; ẹlẹzi ikpe lẹ ẹnya-ụfụ.

Ndị Rom 14:1

A nabanhan nị ibe ụnụ okukwe wẹ zelẹni, esọnlẹ ni wẹ dọ ihiẹn wụlẹni iwu imẹ Kraịstị:

Ndị Rom 2:8

Kanị, Osolobuẹ k'e gi iwe-lẹ-ọnụma a sọn ndị hụn a chọ nke-wẹ nke-wẹ, a jụ ezioku, e sọn eje-ihiẹn;

Ndị Kọrẹntị Ibuzọ 11:16

Onyẹ chọ nwan n'ọ dọ ihiẹnni, ya marịn nị ẹnyi enwọn ụzọ ọzọ ẹnyi gi e mẹ ẹ — kẹ ẹnyi kẹ ndị ụka Osolobuẹ ile.

Ndị Kọrẹntị Ibuzọ 11:18

Nke ibuzọ, a nụgụọ m nị ụnụ gha e zu ozuzu ụka, nị nkebe a rịsọnmẹ imẹ ụnụ. O nwọnghọ kẹ m dọn gi ẹ dọn.

Ndị Kọrẹntị Ibuzọ 3:18

Edufiekwọlẹ ni enwẹn ụnụ! Onyẹ sị n'ọ marịnka ihiẹn imẹ ụwanị ya wụrụkwọ nwan nzuzu, kẹni ọ wụrụ onyẹ marịn ihiẹn nke-esi,

Ndị Kọrẹntị Ibuzọ 3:3

Makẹni echẹn kẹ ụnụ rịkwọ e bi kẹ ịhịan-mmaka. Ẹghẹẹ, ebe ẹnya-ụfụ lẹ ikpe rị imẹ igunrun ụnụ, ụnụ anọnị kẹ ndị nwọnlẹni Mmọn-nsọ? Ẹlẹ agụngụn ịhịan-mmaka kẹ ụnụ rị a gụn?

Ndị Kọrẹntị Nke Ẹbụọ 11:20

Ụnụ a nabanhanka onyẹ ọwụlẹ e mẹ ụnụ kẹ igbọn mọbụ e rigbu ụnụ mọbụ a tụnarịn ụnụ ihiẹn ụnụ mọbụ e mẹ nọkẹsị ọ rịka mkpa mọbụ a madẹ ụnụ ọra!

Ndị Galeshịa 5:15

Kanị, omẹni ụnụ hụ a tagbu ibe ụnụ e ri, kpachanpụkwọ nị ẹnya, amamgbe ụnụ e gbupụ ibe ụnụ!

Ndị Galeshịa 5:26

Ẹlẹ hụn ẹnyi e gi pachemẹ — a kpasu ibe ẹnyi iwe mọbụ e weni ibe ẹnyi iwe-ẹnya.

Ndị Galeshịa 6:3

Onyẹ rị e ro n'o nwọnghọ ihiẹn ọ wụ bụ onwọnni ihiẹn ọ wụ, ọ rị e dufie enwẹn ẹ.

Ndị Filipi 1:15

O nwọnghọ ndị gi iwe-ẹnya e zi ozi Kraịstị, nị wẹ gi ẹ mẹkarị ibe wẹ. Kanị, ndị ọzọ bu ihiẹn rị mma obi e zi ẹ,

Ndị Filipi 2:14

E mẹ ni ihiẹn ile wẹ sị ụnụ mẹ — edẹnwịnnwịnlẹ ni; adọlẹ ni adịdọ,

Ndị Filipi 2:3

Emẹkwọlẹ ihiẹn ọwụlẹ n'i gi ẹ chọrị nke i sụọ mọbụ nị wẹ hụn ị. Ka e welụa nị enwẹn ụnụ alị, e ye ibe ụnụ ọghọ karị enwẹn ụnụ.

Ndị Kolosị 2:18

Anịlẹ ni ịhịan gi oku imẹshi ẹhụ ikẹn mọbụ oku ife ndị mmọn-ozi ma ụnụ ikpe: hụnyẹ e mẹ oku ọhụn ọ hụn, kanị ihiẹn rị a kịn'a wụ iroro ẹ hụn rị e bu ẹ isi.

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Timoti Ibuzọ 1:4

w'e gọnzilẹ ntịn ilu “ihiẹn-haịn” lẹ okẹn ịchọ-alị oku nwọnlẹni njẹndemẹ hụn e mẹ ịhịan a jụ ajụjụ-ajụjụ hụn nkẹ ịhịan e gi bi obibi okukwe Osolobuẹ gi e mẹ ihiẹn ẹ.

Timoti Ibuzọ 1:7

Wẹ chọ nị wẹ a kuzi Iwu Mozizi, bụ aghọtanị wẹ ihiẹn wẹ rị e ku, e kushi ikẹn, amarịn wẹ ihiẹn Iwu gi ẹ ku.

Timoti Ibuzọ 3:6

Ọ wụkọ onyẹ sọnmẹ Kraịstị nke ọhụn, amamgbe isi e bumẹ ẹ, ikpe ma Ekwensụ a ma ya nwẹn.

Timoti Nke Ẹbụọ 2:14

A nyanhan nị wẹ ihiẹnni; e gi ẹfan Chuku a gba wẹ mkpịnsịn-ẹka ẹnya. Sị wẹ adọzịlẹ akpụrụ oku, nị ara ye ẹka, o wiwihụ ndị a nụn'a.

Timoti Nke Ẹbụọ 2:23

Adọlẹ ndọndọ nwọnlẹni isi ndị marịnlẹni ihiẹn wẹ rị e ku a dọ, ebe o mẹni y'a marịnghọ ni ikpe k'o buhẹ,

Timoti Nke Ẹbụọ 3:4

Wẹ k'a wụ ndị ghẹrẹ-ghẹrẹ-ghẹrẹ, ndị a sị “ihiẹn chọ n'o mẹ ya mẹ”, ndị enwẹn wẹ jun ẹfọ, ndị ihiẹn a sụọnị ka mkpa karị Osolobuẹ.

Taịtọsụ 3:9

Kanị, latọ ndọndọ nzuzu lẹ okẹn ịchọ-alị oku lẹ ikpe-lẹ-ọgụn yeni Iwu Mozizi, makẹni ihiẹn la iwi rọ, erere arịa.

Jemisi 1:19

Ezigbo umunẹ m, ọnwan ya we ụnụ ẹnya: onyẹ ọwụlẹ ya a nụkpọ oku; y'e kukẹnrinlẹ oku; y'e bukẹnrinlẹ olulu —

Pita Nke Ẹbụọ 2:12

Kanị ndịnị nọ kẹ anụ-ọfịa nwọnlẹni uche, anụmanụ ghalẹni e leban ihiẹn ẹnya — hụn wẹ mụhụ nị wẹ nwụnrụn gbu. W'e kuja oku ihiẹn wẹ ghọtalẹni. Wẹ k'a la ntikpọ kẹ anụ-ọfịa dọn a la ntikpọ —

Pita Nke Ẹbụọ 2:18

Ị nụ oku-ọnụ wẹ, y'e gbuni wẹ osekpu! Kanị oku wẹ enwẹn isi. W'e gi ihiẹn a la ẹnya a dọrị ndị hụnhụ isi gbapụha imẹ ndị-mmẹfie.

Judu 1:10

Kanị ndịnị e kuja oku ihiẹn ọwụlẹ wẹ ghọtalẹni; wẹ rị e mẹ kẹ anụmanụ, a ghọta ihiẹn k'ọ rị wẹ, e gi ẹ a la iwi.

Judu 1:16

Ogẹn ile kẹ ndịnị gi e dẹnnwịnnwịn, a kọrịanị ịhịan, e mẹ ihiẹn gụnnị wẹ; w'e kukarị enwẹn wẹ, e gi ọnụ-ọma a tụnarịn ịhịan ihiẹn wẹ.

Rẹvẹleshọnụ 3:17

“Ị hụ a sị, ‘M wụ ọdanfịn, e hiọlẹ m ọdanfịn, onwọnzini ihiẹn a kọnị m.’ Kanị, y'a marịn n'o nwọnni kẹ ọ han ị, nị y'e rugụọdẹ ihiẹn a gba ẹnya-mirin, nị ogbẹnnyẹ k'ị wụ, nị ị wụ ẹnya-mpịn, nị ị gba ọtọ!