Timoti Ibuzọ 6:18 - Ika

¹⁸ Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Timoti Ibuzọ 6:18 ပူးပေါင်းရင်းမြစ်များ

Ihiẹn Mẹni Nke Ẹbụọ 24:16

Wẹ nọ li ẹ ye ebe wẹ e liye ndị-nze imẹ Obodo hụ Defidi tụn, makẹ ọrụn rị mma ọ rụnnị Osolobuẹ lẹ Ụlọ-nsọ a imẹ Izrẹlụ.

Ẹbụ-ọma 112:9

O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

Ẹbụ-ọma 37:3

Gi Osolobuẹ dọn ẹnya, e mẹ mma; biri alị ị rị, e ri ihiẹn ezi-omumẹ rị e wẹhẹ.

Ẹkịliziastisi 11:6

Kụn mkpụrụ ị ụtụntụn, y'a rụnsọnmẹ ọrụn ị d'e ru ẹnyasị, makẹni y'a marịn hụn k'a ghanị — kẹ hụnnị rọ kẹ hụn ahụn, ra wẹ ẹbụbụọ k'e mẹ ọhụnma — y'a marịn.

Ẹkịliziastisi 3:12

Ya wụ, a marịnghọ m nwan nị onwọnzini ihiẹn ka ịhịan mma karị nị ẹfọ hụ a sụọ ịhịan ụsụọ lẹni ịhịan hụ e mẹ mma ebe ịhịan rị ndụn —

Azaya 32:8

Kanị, ezigbo ịhịan e rosọnmẹ ezigbo-ihiẹn; ezigbo-ihiẹn k'ọ kwadọn.

Azaya 58:7

Ịgha e ri ị hụ a nyanhan ndị ẹgụn rị a gụn lẹ iye ogbẹnnyẹ nwọnlẹni ụlọ ebe o k'a nọdị; Ị hụn onyẹ gba ọtọ, y'e jemẹ ẹ ẹkwa lẹ ịhụn a nị y'a gbakitọnị nwẹnẹ i azụụn. Ẹlẹ ịya?

Matiu 5:42

Onyẹ rịọ ị ihiẹn, y'e ye ẹ; onyẹ chọ n'o zinarịn ị ihiẹn, ajụlẹ.

Luku 12:21

Igi mẹkin iluni, Jizọsị nọ sị, “Ẹnịna k'o k'a rịnị ndị hụ a kpatọnị enwẹn wẹ akụ-lẹ-ụba kanị ẹlẹ wẹ ọdanfịn imẹ ihiẹn Osolobuẹ.”

Luku 3:11

Ọ nọ sị wẹ, “Onyẹ nwọn ẹwuru ẹbụọ jẹnkọ d'e werịrị ohu ye onyẹ nwọnlẹni; onyẹ nwọn ihiẹn-oriri ya mẹzikwọ ẹrịra.”

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 11:29

Ndị e sọn ụzọ Jesu nọ kwerigbama nị onyẹ-onyẹ jẹnkọ d'e wẹhẹ kẹ ẹka a han, nị wẹ zijẹnni ndị Ju kwerini Jesu hụn bi imẹ Judia.

Ọrụn Ndị-ozi 9:36

Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.

Ndị Rom 12:13

E yeni ni ndị nke Osolobuẹ ihiẹn rị a kọ ẹka. A nabanhan nị ndị ọbịa.

Ndị Rom 12:8

omẹni ịkasị-obi rọ, ya kasị obi; omẹni iye ndị nwọnlẹni rọ, ya hama ẹka; omẹni ọkịkị rọ, ya rụnshi ikẹn; omẹni imẹ-omikẹn rọ, ya gi ịghọghọ e mẹ ẹ.

Ndị Kọrẹntị Ibuzọ 16:2

ụhụọhịn ibuzọ imẹ izuka, onyẹ-onyẹ imẹ ụnụ y'a gha ihiẹn Osolobuẹ ye ẹ e wepụha, e dọnmẹ — amamgbe m'a bịa ụnụ a tụma ihiẹn.

Ndị Kọrẹntị Nke Ẹbụọ 8:12

Makẹni, omẹni ịhịan wepụha obi ẹ ile n'o ye, hụn o nwọn kẹ wẹ e lee ẹnya a narịn a ya, ẹlẹ hụn o nwọnlẹni.

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Galeshịa 6:10

Ya wụ, nị ẹnyi e gini oghere ọwụlẹ bịanịnị ẹnyi e mẹni nwan ịhịan ile ihiẹn rị mma, tụmadụ ndị ezi-lẹ-ụlọ ofufe-Kraịstị.

Ndị Ẹfẹsọsụ 4:28

Onyẹ e zun ohin y'e zunzilẹ. Ya gi ẹka a lụrụ ihiẹn o gi e bi, e gi ẹka a a rụn ihiẹn rị mma, kẹni ọ hụn ihiẹn o gi e yezini ndị ihiẹn rị a fụ ọrụn ẹka.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 3:8

Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Hibru 13:16

Hụn n'a nị ụnụ hụ e mẹ ihiẹn rị mma lẹni ihiẹn ụnụ hụ e ru ibe ụnụ ẹka, makẹni ụdị ẹjannị a sụọ Osolobuẹ ụsụọ.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Pita Ibuzọ 3:11

Ya gbakịtọ eje-ihiẹn azụụn — mẹmẹ ihiẹn rị mma; ya chọma udọn, chụsọnmẹ ẹ.

Jọnụ Ibuzọ 3:17

Nanị ẹnyi e dọn kweri ni ihiẹn-ọsụsụọ Osolobuẹ dọn rị imẹ ịhịan omẹni hụnyẹ e nwọnghọ ihiẹn ụwanị kanị ọ hụn ibe ẹ ihiẹn rị a kọ, ọ jụ n'o yekọn'a ẹka?

Jọnụ Nke Ẹtọ 1:11

Nwẹnẹ-onyẹ, elerikwọlẹ eje-ihiẹn, ka leri ihiẹn rị mma. Onyẹ e mẹ ihiẹn rị mma wụ nke Osolobuẹ, kanị onyẹ e mẹ eje-ihiẹn eke marịndẹ Osolobuẹ.