Timoti Ibuzọ 6:11 - Ika

¹¹ Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Ibuzọ 6:11 ပူးပေါင်းရင်းမြစ်များ

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Timoti Nke Ẹbụọ 3:17

kẹni onyẹ nke Osolobuẹ wụrụ onyẹ wẹ zụn ọhụnma, hụn k'a s'ẹka mẹ ihiẹn ile rị mma.

Timoti Ibuzọ 4:12

Anịkwọlẹ onyẹ ọwụlẹ legberi i n'ị wụ nwata. Ka wụrụ onyẹ ndị kwerini e leri oku-ọnụ a, obibi ẹ, ihiẹn-ọsụsụọ a, okukwe ẹ lẹ k'o dọn e dọnmẹ obi ẹ ọchan.

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.

Ndị Kọrẹntị Ibuzọ 10:14

Umunẹ m, gbanị nị nwan ịrụa-mmọn ọsọ!

Pita Ibuzọ 3:11

Ya gbakịtọ eje-ihiẹn azụụn — mẹmẹ ihiẹn rị mma; ya chọma udọn, chụsọnmẹ ẹ.

Ndị Kọrẹntị Ibuzọ 6:18

Gbakwọnị nị ughẹrẹ ọsọ! Njọ ndị ọzọ ile ịhịan e mẹ ẹlẹ imẹ ẹhụ, kanị, onyẹ hụn ghẹrẹni mẹ ẹhụ a njọ.

Ẹbụ-ọma 34:14

Ya gbakịtọ eje-ihiẹn azụụn, mẹmẹ ihiẹn rị mma a chọ udọn, a chụsọn ẹ.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Ndị Kọrẹntị Ibuzọ 14:1

A chụ nị nwan ihiẹn-ọsụsụọ. A chọkẹnmẹ ni oyiye Mmọn-nsọ — tụmadụ ịgwapụ ịhịan uche Osolobuẹ.

Ndị Rom 14:19

Nị ẹnyi a chọ nị nwan ihiẹn ẹnyi lẹ ibe ẹnyi e gi bi udọn, e sue imẹ okukwe.

Azaya 51:1

Osolobuẹ sị: Gọn ni m ntịn, ụnụ ile hụn a chọ nị ihiẹn rịzị k'o furu — ụnụ ndị rị a chọ nke Osolobuẹ: Bu ni nwan ẹnya ọmụma hụ wẹ gha bepụha ụnụ lẹ ebahụn wẹ nọ bepụha ụnụ.

Ẹbụ-ọma 38:20

Ndị gi njọ a kụ m mma, hụ e kuja oku m ebe m rị a chọ nị m mẹ ihiẹn rị mma.

Ndị-nze Nke Ẹbụọ 5:20

Gẹhazi hụn wụ odibo Ẹlaịsha onyẹ amụma nọ sị enwẹn ẹ, “Ledẹ-o! Di-nwọnni m e mẹkẹzini Naamanị onyẹ Aramnị ẹfọma ebe ọ nọlẹni weri ihiẹn o buhẹ. Ma Osolobuẹ, m k'a chụburu ẹ d'a narịn a ihiẹn.”

Timoti Ibuzọ 6:20

Euu, Timoti, kwọnkẹnmẹkwọ ihiẹn wẹ buche i ẹka; latọkwọ oku ndị ahụn nwọnlẹni erere ọ bannị ihiẹn Osolobuẹ lẹ oku zulẹni oke wẹ rị a kpọ, “Amamihiẹn” bụ ẹlẹ ya.

Jerimaya 35:4

M nọ wẹhẹ wẹ Ụlọ-nsọ Osolobuẹ, weban wẹ mmughẹ ụmụ-azụụn onyẹ-amụma wụ Hanan nwa Igidalịa. Mmughẹ hụ e sọn nke ndị a rụn ọrụn imẹ ụlọ-nsọ, ịya rịzịkwọ elu nke Maaseya nwa Shalum. Maaseya wụ onyẹ ohu imẹ ndị e che ọnụ-mgbọn ụlọ-nsọ.

Ihiẹn Mẹni Nke Ẹbụọ 8:14

Kẹni Solomọnụ mẹ ihiẹn nẹdi ẹ wụ Defidi sị wẹ mẹ, ọ nọ dọnmẹsọnmẹ ndị nchụn-ẹjan itu-itu wẹ k'a nọ rụn ọrụn wẹ, dọnmẹsọnmẹzi ndị Livaị itu-itu w'a nọ e du ẹbụ ịja-mma, e yezikwọnị ndị nchụn-ẹjan ẹka ọrụn ụhụọhịn ọwụlẹ ọ chọ. O dọnmẹsọnmẹzikwọ ndị e che nche ọnụ-mgbọn itu-itu w'a nọ che ọnụ-mgbọn ichẹn-ichẹn, makẹni ịya kẹ Defidi wụ odibo Chuku sị wẹ mẹ.

Ndị-nze Nke Ẹbụọ 23:17

Ya eze wụ Josaya nọ sị, “Ili onyẹ kẹ wẹ tụnye ihiẹn ahụn m rị e legha ebẹhụ?” Ya ndị obodo hụ nọ sị a, “Ili odibo Chuku nẹi gha Juda bịa rọ: onyẹ hụn ku ni wẹ jẹnkọ d'e mẹ ukpo nchụn-ẹjannị rị Bẹtẹlụ ihiẹn ndịnị ị m'ẹ nwan.”

Ndị-nze Nke Ẹbụọ 1:13

Ya eze nọzị zi ọkị-agha nke ẹtọ lẹ ndị-agha iri kwasị ọgụnnaị rị okpuru ẹ. Ọkị-aghanị mẹ wẹ ẹtọ nọ shi elu òke hụ Ẹlaịja rị, gbun'ẹ osekpu, rịọma a, sị, “Onyẹ-ozi Osolobuẹ, dodo, mẹ ndụn m lẹ ndụn mmadụ iri kwasị ọgụnnaịnị nọkẹ sị o nwọnghọ ihiẹn ọ wụ — nị idibo i kẹ ẹnyi wụ!

Ndị-nze Nke Ẹbụọ 1:9

Ya kẹ eze nọ zi ọkị-agha ohu lẹ ndị-agha iri kwasị ọgụnnaị rị okpuru ẹ d'a kpọha Ẹlaịja. Ọkị-agha hụ nọ chọburu Ẹlaịja. O ru ẹ, e lee Ẹlaịja k'ọ nọdị nwan alị elu òke, ọ nọ sị Ẹlaịja, “Onyẹ-ozi Osolobuẹ, Eze sị ị, ‘Hidan!’ ”

Ndị-nze Nke Ibuzọ 20:28

Onyẹ-ozi Osolobuẹ nọ pụha, sị eze Izrẹlụ, “Lee ihiẹn Osolobuẹ ku: Ọ sị ebe o mẹni ndị Aram rị e ro nị Osolobuẹ wụ mmọn elu-ugu, nị ẹlẹ mmọn ọdanmgbugbu, m k'e bu igwerigwe ndị aghanị ye i mẹri, nị ị hụn ụzọ marịn nị mmẹ wụ Osolobuẹ.”

Ndị-nze Nke Ibuzọ 17:18

Okpoho hụ nọ sị Ẹlaịja, “Kịnị kẹ m mẹ i, odibo Osolobuẹ? Ị bịa d'a nyanhannị m njọ m, gbunarịn m nwa?”

Samuẹlụ Nke Ibuzọ 2:27

Onyẹ-ozi Osolobuẹ zi nọ nwan bịa d'e kunrun Ẹlaị, sị a, “Lee ihiẹn Osolobuẹ ku: Eweni m enwẹn m ghọsị ikpụlọ nẹdi i ogẹn wẹ gi rị alị Ijiptu okpuru eze Ijiptu wụ Fẹro?

Ndị-nze Nke Ibuzọ 13:26

Mgbe onyẹ-amụma ahụn wekinhẹnn'ẹ gi nụ a, ọ nọ sị, “Onyẹ-ozi Osolobuẹ hụ pa oku Osolobuẹ rọ. Osolobuẹ e wegụọ a ye ẹwọrọ, maye ẹ, gbu — nọkẹ kẹ Osolobuẹ dọn gwa a.”

Ndị-nze Nke Ibuzọ 13:1

Kanị o nwọn okẹnnyẹ ohu wụ onyẹ-ozi Osolobuẹ hụn gha alị-eze Juda bịa obodo Bẹtẹlụ, makẹni Osolobuẹ sị a bịa. Eze wụ Jerobụam turuhụ ukpo nchụn-ẹjan mmọn hụ, a chọ n'ọ chụn ẹjan.

Samuẹlụ Nke Ibuzọ 9:6

Odibo ahụn nọ sị a, “Lee ẹ, o nwọn odibo Osolobuẹ rị imẹ obodoni; w'a gbaye ẹ ọhụnma-ọhụnma, ihiẹn ile o ku e mẹchanrịn emẹ. Nị ẹnyi jẹn nwan d'a hụn a. Ikẹnkwọ ọ gwa ẹnyi ụzọ ẹnyi jẹnkọ d'a gha.”

Ditrọnọmi 33:1

Ọnwan wụ ngọzi Mozizi wụ odibo Osolobuẹ gọzisọnmẹ ndị Izrẹlụ n'o d'a nwụn.

Ditrọnọmi 16:20

Kwadọn ni eṅẹn furuni; kwadọn ni eṅẹn furuni sụọ; kẹni ụnụ hụn ụzọ rị ndụn nwọnrin alị ahụn Osolobuẹ wụ Chuku ụnụ rị e ye ụnụ.

Nehemiah 12:36

lẹzi ndị otu Zẹkaraya ndịnị: Shẹmaya, Azarẹlụ, Milalaị, Gilalaị, Maaị, Natanẹlụ, Juda lẹ Hanani — uwẹ gi ihiẹn-egu ndị hụ odibo Osolobuẹ wụ Defidi tumẹ. Ẹzra onyẹ nkuzi-iwu hụ ihun ndịnị ile.

Nehemiah 12:24

Ndị-isi ndị Livaị wụ ndịnị: Hashabia, Shẹrẹbịa lẹ Jeshụa nwa Kad'miẹlụ, uwẹ lẹ ndị ọkụ-ẹbụ ibe wẹ hụn e turu azụụn hụn ẹbọ ihun wẹ ogẹn ẹbụ ịja-mma lẹ iye-ekele — ituni bụye, ituni e kwe — nọkẹ kẹ Defidi odibo Osolobuẹ dọn dọnmẹ ẹ;

Ihiẹn Mẹni Nke Ibuzọ 23:14

Nke Mozizi, odibo Osolobuẹ, edọnmẹni wẹ ụmụ a ichẹn, wẹ dọngbama wẹ lẹ ndị Livaị ibe wẹ.

Ndị-nze Nke Ibuzọ 17:24

Ya kẹ okpoho hụ nọ sị Ẹlaịja, “Echẹn kẹ m marịn n'ị wụ odibo Chuku lẹ ni oku Osolobuẹ ị rị e ku wụ ezioku.”

Itẹn 15:9

Ụzọ ndị eje-omumẹ wụ arụ ẹnya Osolobuẹ, kanị ndị a chụsọn ezi-omumẹ a sụọ a ụsụọ.

Timoti Ibuzọ 1:14

Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Timoti Nke Ẹbụọ 2:21

onyẹ chanchanpụ nwan enwẹn ẹ ihiẹn nwọnlẹni ọghọ, ọ wụrụ arịa nwọn ọghọ, arịa wẹ dọnmẹ ichẹn, hụn a bannị onyẹ nwọn ụlọ erere, arịa w'e gi mẹ ihiẹn ile rị mma.

Timoti Nke Ẹbụọ 3:10

Yụ nwẹn, y'a hụngụọ nkuzi m, obibi m, ihiẹn m chụkọ, okukwe m, ndidin m, ihiẹn-ọsụsụọ m, kẹ m dọn wuzo,