Timoti Ibuzọ 5:4 - Ika

⁴ Omẹni okpoho di ẹ nwụn e nwọnghọ ụmụ mọbụ ụmụ-oyẹ, wẹ mụnrụngụdẹ kẹ w'e fe Osolobuẹ iwe wẹ, e gi ẹka wẹ rị e yeni ndị mụnị wẹ a kụkinbelụa wẹ ụgwọ, makẹni ịya a sụọ Osolobuẹ.

Timoti Ibuzọ 5:4 ပူးပေါင်းရင်းမြစ်များ

Jẹnẹsisi 47:12

Josẹfụ nọzị ye nẹdi ẹ lẹ mmunẹ ẹ lẹ ndị ile rị ikpụlọ nẹdi ẹ ihiẹn-oriri: o ye onyẹ-onyẹ kẹ ndị rị iwe ẹ buhan ọda.

Jẹnẹsisi 47:28

Ahụa mmẹsa kẹ Jekọpụ bi alị Ijiptu; Jekọpụ tọ ahụa ẹsa kwasị ọgụn-ẹsa.

Jobu 18:19

Ara nwọn onyẹ ọ latọ imẹ ndị nke ẹ, onwọnni onyẹ e bikin ugbẹ ẹ.

Itẹn 31:28

Ụmụ a pụha, a kpọ w'a onyẹ Chuku gọzi; di ẹ nke ẹ a jazị a mma,

Azaya 14:22

Osolobuẹ ihiẹn ile rị okpuru ẹ sị, “Mmẹ wụ Osolobuẹ k'e mẹ wẹ ihiẹn. M jẹnkọ d'a napụ alị Babilọnụ ẹfan a lẹ ndị te k'e bikinn'ẹ — kẹ ụmụ kẹ ụmụ-ụmụ.” Ya kẹ Osolobuẹ ku.

Luku 2:51

Ya Jesu nọ sọnmẹ wẹ, wẹ ile nọ lashi Nazarẹtị. Ọ hụ e humẹni wẹ isi; nnẹ hụ e bu ihiẹn ndịnị ile e che imẹ obi ẹ.

Timoti Ibuzọ 2:3

Ihiẹn rị mma, a sụọ Osolobuẹ wụ Onyẹ-nzụọpụha ẹnyi rọ,

Timoti Ibuzọ 5:16

Omẹni, okpoho kwerini nwọn onyẹ di ẹ nwụnhụn iwe wẹ, ya yeni wẹ ẹka, makẹ ụka gha e bukẹ ibu, kẹni ụka hụn ụzọ e yeni ndị di wẹ nwụnhụn nwọnlẹni onyẹ e yeni wẹ ẹka nke-esi ẹka.

Taịtọsụ 1:11

O furu ni wẹ kpukin wẹ ọnụ! Makẹni, wẹ rị e gi ihiẹn ahụn furulẹni wẹ gi ufiri egho a kuzi a sụkpọsọnmẹ ikpụlọ.

Ndị Han Eṅẹn 12:14

Ikẹnnyẹ ọgụn ẹbụọ lẹ ụmụ-ụmụ iri kwasị ọgụn wụ ikẹnnyẹ k'ọ mụ. W'e nyin jaki iri kwasị ọgụn ẹtọ. Ahụa ẹsatọ k'o hannị Izrẹlụ eṅẹn, du wẹ.

Rutu 2:18

Ya Rutu nọ gha ugbo bulụa ọka hụ imẹ obodo, nnẹ-di ẹ nọ hụn hụn ọ ghọlụa. Rutu nọzị wepụha ọka ọ tahọdụ ugbo Bụazị, we ẹ ye ẹ.

Rutu 2:2

Ụhụọkịn ohu, Rutu onyẹ alị Mụabụ nọ sị Nahomi, “Nị m jẹn ibe wẹ nọ a rụn ugbo d'a chọ ọka-bali wẹ ghọghafe; m ru ẹ a chọ m onyẹ k'e mẹ omikẹn nị m ghọsọn ẹ.” Nahomi nọ sị a, “Jẹnmẹ, nwa m.”